Молитвослов для готовящихся к Исповеди и Причастию (с раздельными канонами)

Святый Ангеле, предстояй окаянней мо'eй души и страстней мо'eй жизни, не остави мен'e гр'eшнаго, ниж'e отступи от мен'e за невоздержание мо'e. Не даждь м'eста лукавому д'eмону обладати мною, насильством см'eртнаго сего телес'e; укрепи б'eдствующую и худую мою руку и настави мя на путь спас'eния. Ей, святый Ангеле Божий, хранителю и покровителю окаянныя моея души и т'eла, вся мне прости, еликими тя оскорбих во вся дни живота моего, и аще что согреших в преш'eдшую нощь сию, покрый мя в настоящий день, и сохрани мя от всякаго искуш'eния противнаго, да ни в коем грес'e прогн'eваю Бога, и молися за мя ко Господу, да утвердит мя в страсе Сво'eм, и достойна покажет мя раба Своея благости. Аминь.

Молитва 10-я, ко Пресвятой Богородице

Пресвятая Владычице моя Богородице, святыми Твоими и всесильными мольбами отжени от мен'e, смир'eннаго и окаяннаго раба Твоего, уныние, забв'eние, неразумие, нерад'eние, и вся скв'eрная, лукавая и хульная помышл'eния от окаяннаго моего с'eрдца и от помрач'eннаго ума моего; и погаси пламень страст'eй моих, яко нищ есмь и окаянен. И избави мя от многих и лютых воспоминаний и предприятий, и от всех действ злых свободи мя. Яко благослов'eнна еси от всех родов, и славится пречестное имя Тво'e во в'eки веков. Аминь.

Молитвенное призывание святого, имя которого носишь

Моли Бога о мн'e, святый угодниче Божий (имя), яко аз ус'eрдно к Теб'e прибегаю, скорому помощнику и молитвеннику о душ'e мо'eй.

Песнь Пресвятой Богородице

Богородице Д'eво, радуйся, Благодатная Марие, Господь с Тобою; благослов'eнна Ты в женах и благослов'eн плод чр'eва Твоего, яко Спаса родила еси душ наших.

Тропарь Кресту и молитва за Отечество

Спаси, Господи, люди Твоя, и благослови достояние Тво'e, поб'eды на сопротивныя даруя, и Тво'e сохраняя Крестом Твоим жительство.

Молитва о живых

Спаси, Господи, и помилуй рабов Твоих: отца моего духовнаго (имя), родителей моих (имена их), сродников (имена), начальников, наставников, благод'eтелей (имена), и всех православных христиан (поклон). Избави их от всякия скорби, гн'eва и нужды (поклон), от всякия бол'eзни душ'eвныя и тел'eсныя (поклон). Прости им всякое согреш'eние, вольное и невольное (поклон) и душам нашим пол'eзная сотвори (поклон).

Молитва о усопших

Упокой, Господи, души усопших раб Твоих: [родителей моих], сродников, благод'eтелей (имена их), и всех православных христиан (поклон), и елико в житии сем яко челов'eцы согрешиша, Ты же, яко Человеколюбец Бог, прости их и помилуй (поклон), в'eчныя муки избави (поклон), Неб'eсному Царствию причастники учини (поклон) и душам нашим пол'eзная сотвори (поклон).

Окончание молитв

Достойно есть яко воистинну блажити Тя, Богородицу, Присноблаж'eнную и Пренепорочную и Матерь Бога нашего. Честн'eйшую Херувим и славнейшую без сравн'eния Серафим, без истл'eния Бога Слова рождшую, сущую Богородицу Тя величаем. (Поклон.)

[От Пасхи до Вознесения вместо этой молитвы читается припев и ирмос 9-й песни Пасхального канона:

Ангел вопияше Благодатней: Чистая Д'eво, радуйся! И паки реку: радуйся! Твой Сын воскр'eсе тридн'eвен от гроба и м'eртвыя воздвигнувый; людие, веселитеся!

Светися, светися, новый Иерусалиме, слава бо Господня на Теб'e возсия. Ликуй ныне и веселися, Сионе. Ты же, Чистая, красуйся, Богородице, о востании Рождества Тво'eго.

В двунадесятые праздники читается задостойник праздника.]

Слава, и ныне: Господи, помилуй. (Трижды.)

Господи Иисусе Христ'e, Сыне Божий, молитвами Пречистыя Твоея Матере, преподобных и богоносных от'eц наших и всех святых помилуй и спаси нас, яко Благ и Человеколюбец. Аминь.

Молитвы на сон грядущим

Во имя Отца, и Сына, и Святаго Духа. Аминь.

Молитвами святых отец наших, Господи Иисусе Христ'e Боже наш, помилуй нас. Аминь.

Слава Теб'e, Боже наш, слава Теб'e.

Царю Неб'eсный, Ут'eшителю, Душе истины, Иже везд'e сый и вся исполняяй, Сокровище благих и жизни Подателю, прииди и вселися в ны, и очисти ны от всякия скв'eрны, и спаси, Блаже, души наша.

[От Пасхи до Вознесения вместо этой молитвы читается тропарь:

Христос воскр'eсе из м'eртвых, см'eртию смерть поправ, и сущим во гроб'eх живот даровав. (Трижды.)

От Вознесения до Троицы после молитвы предначинательной сразу читаем «Святый Боже…».]

Святый Боже, Святый Кр'eпкий, Святый Безсм'eртный, помилуй нас. (Трижды.)

Слава Отцу и Сыну и Святому Духу, и ныне и присно и во в'eки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели н'eмощи наша, имене Тво'eго ради.

Господи, помилуй. (Трижды.) Слава, и ныне: