Читаем Молитвы на каждый день. Необходимые слова для любой жизненной ситуации полностью

Радуйся, блаженная старице Матроно, предивная чудотворице.

Кондак 3-й

Силою Вышняго в младенчестве святая со одра своего к иконам святым преношашеся, радующися, яко со други своими, и лепетом уст своих славящи Бога, навыкшаго из уст младенец совершати хвалу Себе, чистым сердцем поющи Ему: Аллилуиа.

Икос 3-й

Имуще от Бога дар прозорливости, от рождения лишенная телесных очес, духовными открытыми очесы предрекала еси людем будущая, яко настоящая, терпящи насмешки и поругания от родных и близких, слышащих сия; от верных же приими сицевая: Радуйся, дивная прозорливице; радуйся, невидимых и далече сущих неложная предсказательнице. Радуйся, пророческим дарованием от Бога наделенная; радуйся, даром сим многая утешавшая. Радуйся, за исцеление болящих ничесоже от них взимавшая; радуйся, насмешки и укорение за сие без ропота терпевшая.

Радуйся, блаженная старице Матроно, предивная чудотворице.

Кондак 4-й

Буря недоумения и смятения обыде мя, како возмогу восхвалити и прославити житие святыя праведницы, аще не Господь, дивный во святых Своих, молитвами блаженныя старицы вразумит мя, да воспою Ему и аз за сие хвалебную песнь: Аллилуиа.

Икос 4-й

Слышавше людие от тебе, мати Матроно, предсказания о имеющих с ними в житии быти, стекахуся к тебе с недоуменьми, скорбьми и печальми своими и утешение и совет благоразумен приимше, благодариша тя зовуще: Радуйся, заблуждений и недоумений наших добрая вразумительнице; радуйся, печалей наших утолительнице. Радуйся, скорбей наших утешительнице; радуйся, благочестия учительнице. Радуйся, благая безсребренице; радуйся, недугов всяческих прогонительнице.

Радуйся, блаженная старице Матроно, предивная чудотворице.

Кондак 5-й

Боготечная звезда явилася еси, мати блаженная Матроно, в стольном граде Москве, яко странница, не имущая зде пребывающаго града, с места на место иное преселялася еси, приносящи недоумевающим вразумление, страждущим ослабу, больным, исцеление, да благодарственно зовут Богу: Аллилуиа.

Икос 5-й

Видевше обильную реку чудес и исцелений, от тебе истекающую Божиею благодатию: хромым хождение, разслабленным и на одре лежащим исцеление, бесноватым от духов злобы освобождение, устремишася к тебе, мати, яко к источнику чудес неисчерпаемому, страждущии и болящии и напоишася обильно; утешеннии же и исцелении, умиленным сердцем возопиша тебе: Радуйся, праведнице, от Бога нам низпосланная; радуйся, целительнице, вся недуги наша исцеляющая. Радуйся, душеполезными советы нам помогающая; радуйся, вся наша сомнения и недоумения скоро разрешающая. Радуйся, бесов от человек страждущих изгоняющая; радуйся, на путь правый, к Богу ведущий, наставляющая.

Радуйся, блаженная старице Матроно, предивная чудотворице.

Кондак 6-й

Проповедник святости и праведности жития твоего, блаженная, явися святый отец Иоанн Кронштадтский, повелевая верующим людем в храме разступитися и пропустити к нему юную отроковицу Матрону, именуя ю смену свою и осьмый столп России. И прославиша Господа слышавшии о сем, возглашающе Ему небесную песнь: Аллилуиа.

Икос 6-й

Возсияваше в сердцах неведущих Бога и грехи многими прогневляющих Его, молитвами твоими, свет благодати Божия, и, видяще чудеса, тобою совершаемая, обращахуся ко Господу, ублажающе блаженную старицу сими славословии: Радуйся, чудесы твоими Бога прославляющая; радуйся, величие Бога и славу Его в них нам открывающая. Радуйся, души неверующих к Богу обращающая; радуйся, сердца, неверием помраченная, светом Божиим просвещающая. Радуйся, покаянию и заповедем Божиим нас научающая; радуйся, прославляти и благодарити за вся Господа нас вразумляющая.

Радуйся, блаженная старице Матроно, предивная чудотворице.

Кондак 7-й

Хотя спасти творение Свое в последняя сия времена, егда вся сила вражия, за отступление от Бога и нераскаянность во многочисленных гресех, воста на творение Божие, посылает милосердный Господь в грешный мир угодников Своих, таковая бо подвижница и молитвенница явися блаженная старица Матрона. Прославим же милосердие Божие к нам, грешным, благодарно поюще Ему: Аллилуиа.

Икос 7-й

Новую и дивную дарова Господь людем российским заступницу, молитвенницу, целительницу и ходатаицу за них к Богу по отшедших от мира сего старцех Оптины пустыни, святых Льве, Макарии и Амвросии, и святем праведнем Иоанне Кронштадтстем, подвизая всех угоднице Своей, блаженной старице Матроне, воспевати сице: Радуйся, спасения нашего к Богу ходатаице; радуйся, о прощении грехов наших Судии Праведнаго умилостивительнице. Радуйся, святых храмов и монастырей усердная посетительнице; радуйся, безпомощных и безнадежных больных и обидимых низпосланная Богом покровительнице. Радуйся, с силами бесовскими и козньми их непрестанная воительнице; радуйся, безкровная мученице Христова, злейшаго мучителя, диавола, победительнице.

Радуйся, блаженная старице Матроно, предивная чудотворице.

Кондак 8-й

Странное чудо бысть неверующим и неразумным, како слепая может видети и знати не точию настоящая, но и будущая, не ведяху бо силы Божия, в немощи человечестей совершаемыя, ни еже пети Богу: Аллилуиа.

Икос 8-й

Перейти на страницу:

Все книги серии Ваш ангел-хранитель

Молитвы в трудных жизненных ситуациях. Для сомневающихся и искушаемых
Молитвы в трудных жизненных ситуациях. Для сомневающихся и искушаемых

В жизни каждого человека бывают такие дни, когда кажется, что надежды нет, и помощи ждать неоткуда. Именно в такие минуты нам на помощь приходит Вера и Молитва. Никто не одинок, Бог слышит каждого, каждому дает испытания по его силам и помощь в момент, когда выучен самый важный, самый трудный урок в жизни. Для многих, кто научился переживать лишения и невзгоды, сложным и мучительным оказывается выбор Пути.Как, руководствуясь христианскими ценностями, жить в современном мире, полном искушений и рекламы всех смертных грехов? Как уберечь от его влияния детей? Как самому принять достойное решение, при этом жертвуя другими возможностями? Молитва и здесь придет на помощь – успокоит мысли для верного выбора, облегчит душу, снимет тяжесть ответственности, станет путеводной нитью к жизни праведной, достойной, примерной для других.

Виктория Шевченко

Религия, религиозная литература

Похожие книги