Остромирово Евангелие 1056-1057 года

1И минувъши суботэ мария магдалыни и мария иаковля и саломи коупишя ароматы да пришьдъшя помажуть iсоуса. 2и зэло заоутра въ эдиныи суботы придошя на гробъ въсиявъшоу слъньцоу. зи глаголааху къ себэ: къто отвалить намъ камень от двьрии и гробоу; 4и възьрэвъшя видэшя яко отвалэнъ бэ камень. бэ бо великъ зэло. 5и вълэзъшя въ гробъ видэшя юношу сэдящь о десную одэнъ въ одежду бэлу. и оужасошя ся. 6онъ же глагола имъ: не оужасаите ся iсоуса ищете назарянина распятааго. въста. нэсть сьде. се мэсто идеже положишя и. 7нъ идэте и рьцэте оученикомъ эго и петрови яко варяэть вы въ галилеи. и тоу и видите якоже рече вамъ. 8и отшьдъшя бэжашя от гроба. имэаше же я трьпьтой и оужасъ. и ни комоу же ни чесо ж не рэшя бояаху бо ся. 9въскрьсъ же iсоусь заоутра въ прьвыи суботы яви ся прэжде марии магдалыни из нэяже изгъна седмь бэсъ. 10она же шьдъши възвэсти бывъшиимь съ нимь плачущемъ ся и рыдающемъ. 11они же слышавъше яко живъ эсть и видэнъ бысть от нэя не яшя вэры. 12по сихъ же дъвэма от нихъ идущема яви ся инэмь образъмь идущема на село. 1зи шьдъша повэдасте и прочиимъ. ни тэма вэры яшя. 14послэдь же възлежящемъ имъ эдиномоу на десяте яви ся и поноси невэрьствию ихъ ихъ и жестосрьдию яко видэвъшиимъ эго въставъша из мрьтвыихъ не яшя вэры. 15и рече имъ: шьдъше въ вьсь миръ проповэдаите евангелиэ вьсеи твари. 16иже вэру иметь и крьстить ся съпасенъ будеть. а иже не иметь вэры осужденъ будеть. 17знамения же вэроующиимъ послэдьствоують си. именьмь моимь бэсы ижденуть. языкы възглаголють новы. 18въ рукахъ змия възьмуть. аще и съмрьтьно чьто испиють ни чьто же ихъ не врэдить. на недужьныя рукы възложять и съдрави будуть. 19господь же iсоусь по глаголании эго къ нимъ възнесе ся на небо. и сэде о десную бога. 20они же ишьдъше проповэдашя вьсюдоу господоу поспэшьствоующоу и слово оутврьждающоу послэдьствоующиими знамении. аминь.

ЕВАНГЕЛИЕ ОТ ЛОУКЫ

Глава 1