Путешествие в Россию

И мы, великий государь Иван, Божиею милостию царь и великий князь всеа Русии, Фредерика, короля дацкого и норвейского, учинили есмя в приятелстве и в любви и во единачстве, и на всякого нам недруга с Фредериком королем быти заодин. А хто будет мне, великому государю Ивану, Божиею милостию царю и великому князю Ивану Васильевичу всеа Русии, друг, тот и тебе, Фредерику, королю датцкому и норвейскому, друг: а хто мне царю и государю великому князю, недруг, тот и тебе, Фредерику королю, недруг. А хто будет тебе Фредерику, королю датцкому и норвейскому друг, тот и мне царю и государю великому князю друг; а хто будет тебе, Фредерику королю недруг, тот и мне царю и государю великому князю недруг. А учинитца мне, царю великому князю, валка с моим недругом з Жигимонтом Августом, с королем полским и с великим князем литовским, или на кралевстве Полском и на великом княжестве Литовском иной хто король будет, и тебе Фредерику королю, с королем полским и великим князем литовским против нас, Божиею милостию царя и государя всеа Русии, не стояти, и воевод своих с людми в помочь на нас королю полскому и великому князю литовскому не давати, ни казною своею его не спосужати, ни в кралевстве Датцком во всем людей им наймовати не давати.

Также учинитца валка наших вотчин бояром и наместником Великого Новагорода и Ливонские земли с свейским королем с Ириком, или по нем иный король будет, и тебе Фредерику, королю датскому и норвейскому, с королем с свейским противу нашие вотчины Великого Новагорода и Ливонские земли не стояти, и воевод своих с людми в помочь не давати, и казною своею не спомогати, и во всем своем кралевстве Датцком людей в наем ему наймовати не давати. Также тебе, приятелю моему и суседу, Фредерику, королю датцкому и норвейскому, учинитца валка с Августом, королем полским и с великим князем литовским, или на Полском кралевстве, и на великом княжестве Литовском иный король будет, — и нам, Божиею милостию, великому государю царю всеа Русии, королю полскому и великому князю литовскому на приятеля своего и на суседа, на короля датцкого, воевод своих с ним не посылати, ни людей в помочь ему никаких не давати и казною не пособляти, и во всех своих царствах, в Московском и в Ноугородцком и в Казанском и в Азстараханском, людей наймовати не давати, по сей докончалной грамоте, безо всякие хитрости.

Также учинитца тебе, Фредерику королю, валка с свейским королем, и мне великому государю Ивану, Божиею милостию царю всеа Русии, не велети вотчин своих бояром и наместником Великого Новагорода и Ливонские земли с королем с свейским стояти с одного, и пособи никоторые чинити, ни людей в наем наймовати не давати и казною не спомогати.

Также учинитца мне, великому государю царю и великому князю всеа Русии, валка с которым моим недругом, и мне у Фредерика короля на того на своего недруга помочи не просити.

Также учинитца мне, Фередрику королю, с которым моим недругом валка, и мне, Фредерику королю, у великого государя на того своего недруга помочи не просити.

А что мне, Божиею милостию великому государю Ивану и царю всеа Русии и великому князю, от приятеля нашего от Фредерика, короля датцкого и норвейского, послы его рады любителные и верные Эллер Герденборих, да Яков Броконгуз, да Янш Улштанта да Сахария дохтор, били нам челом от приятеля нашего от Фредерика, короля датцкого и норвейского, о том: которая его доля королества Датцкого, городы, и дворы, и мызы, и островы в моей великого государя Ивана, Божиею милостию царя всеа Русии, в отчине в Ливонской земле: остров Эзель, город Апсал, город Лодь, город Леяль, город Касть, и что во всем в Вику городов и дворов и мыз, и городы и дворы Курские земли, которые были преж того за эзелским бископом, да в Герском уезде монастырь Падеж, да к тому манастырю два двора, которые к Вику предстоят, двор Бугов, да двор Новой, да в Герском же уезде два двора, двор Фюгфел, двор Якол, да ропата соборная в Колывани, да двор бископов и з дворы поповыми тое ропаты, — и нам бы те городы, и островы, и дворы, и монастыри, и мызы отписати приятелю своему и суседу Фредерику королю к Датцкому королевству.

И мы, Божиею милостию царь и великой князь Иван Васильевичь всеа Русии, приятеля своего и суседа Фредерика, короля датцкого и норвейского, для его челобиться и прошенья, пожаловали, те имянущи городы, и дворы, и островы ему описали, и нам, Божиею милостию, царю и государю великому князю Ивану Васильевичу всеа Русии, в те его городы, и в дворы, и в мызы, и в ропаты не вступатися и не воевати: острова Эзеля, а на том острову город по немецки Ренцьборих, а по чюдски Коресар, город по немецки Зоненборих, а по чудскии Масар, и ропат и мыз и дворов, которые на том острову стоят.