Сказания, легенды и притчи

Бысть в некоторой стране, в городе Антоуре: живяше некий убогий человек во всяком убожестве, и по времени жена его роди сына... Рече жена мужу своему: «Поди позови восприемника, кто б крестил чадо наше». Он же поиде звати кума по всему граду своему, и никто же к нему не идет; скудости ради гнушаются. Он же поиде в дом свой горько плакася, и встрете его некоторый муж лицем светел и во светлых ризах, и виде убогого плачуща и спросиша его: «Чадо! Что зло плачущи? Повеждь ми; аз печаль твою излечу и на радость приложу». Той же рече ему: «Како мне не плаката! Родился у меня сын, не изыщу к себе — кто б был восприемником и крестил его; никто не иде, и скудости моей ради гнушаются мною». Той же пресветлый муж рече ему: «Гряди, чадо, в церковь и вели священнику мало ждать; аз восприемником гряду и окрещу твоего детища». Убогий же поклонися ему до земли... Прииде тот светлый муж — нареченный кум, рече иерею: «Отче святый! Аз хощу восприемником быть и окрестить сего младенца». Прием от иерея благословение, и окрестиша младенца и даша священнику за крещение 4 златницы... Младенец той возроста и трех лет вопросиша родителя своего: «Есть ли у меня отец крестный?» Мать его рече ему: «Чадо! Отец твой тако безумен: сотворил твое крещение, а отца твоего крестного в дом к себе не позвал и о имени его не поведал; и мы его по сие время не имам знати». Младенец же, слышав то, зело бысть печален. И прииде праздник Воскресение Господа нашего; той младенец прииде в церковь и ста в таком месте, иде же Спасителев образ; зрит на Господа нашего Иисуса Христа, моляся со слезами, и во уме своем помыслиша: «Даждь ми, Господи, видети отца моего крестного; не с кем мне похристосоватися». Отпели утреню, и прииде ко младенцу муж зело велик и украшен лицем, аки солнце сиеюще, и над ним много светлых и пресветлых юношей во святых ризах; и рече тот светлый муж младенцу: «Сыне мой крестный, Христос Воскресе!» И поцеловал младенца и даша ему два яйца. Младенец же отвеща: «Воистинно Воскресе!» Тако ж муж вопроша младенца: «Знаеши ли ты отца твоего крестного?» Младенец рече ему: «От рождения своего не имам знати отца своего крестного». Рек ему светлый изрядный муж: «Аз есмь отец твой крестный». Младенец же прииде в дом свой и нача с родителями своими христосоватися, даде им по яйцу; и они на те два яйца смотря зело удивляхуся и между собою глоголаху: «Таковых яиц во свете нет». И вопроша детища своего: «Кто их тебе даде?» Он же рече: «Отец мой крестный даде мне».— «Како тебе отца крестного знати? Младенец рече им с клятвою: «Воистинно дал мне отец крестный».

Егда младенец поиде к литургии и вниде в церковь, и ста в том же месте, зря на Спасителев образ, со слезами и со всяким умилением моляшеся, глоголаше «Господи царю, творец мой! Даждь ми видети дом отца моего крестного». Отпели литургию Божию, и виде младенец; церковное небо растворилось и много грядущих светлых и пресветлых юношей во златых ризах... И предстоящему народу никому не видимо взяша его на высоту и вознесоша даже до... девятого неба. И младенец ужасохся, и шестокрылати юноши рекоша ему: «Чадо! Не бойся, не опалим тя пламением; мы слуги отца твоего крестного». И введоша его в палату, и узре младенец, яко палата украшена, в ней же беседующе ангели и архангели, поюще песнь, пресвятую Троицу славяще. И введоша его во другую палату, и виде младенец, яко палата украшена лепотою паче первыя, в ней же седяще пророцы и младенцы, хвалу Богу воздая. И введоша в третью палату, и та палата украшена паче всех седмерицею и содеяно в ней двенадцать престолов, украшены серебром и златом, и драгим камением и жемчугом, и посреде един престол превыше всех, преодеян багряною червленною ризою, и перед ним стояще херувимы и серафимы и множество ангелов непрестанно славяща Господа и Спаса нашего Иисуса Христа. И виде на том престоле сидяща Господа нашего Иисуса Христа; на нем порфира царская, в руке держит скипетр, судит дела человеческие. Возста Господь с престола своего и рече: «Поди, сыне мой крестный! То есть дом мой, еже ты желаешь видети; аз зде пребываю». И взя его за руку и посадил на престоле; а сам изволил изыдти в иную палату. Младенец же одеяйся во профиру царскую, и возложи на себя венец, и взем в руце скипетр; и нача ему ангели и архангели служити. И виде младенец все: кто на земле творит добрыя дела и худыя, и рай и муку, и кто за какие дела мучится, и нача судить дела человеческие.

1-й Суд

Виде младенец на земле: некоторые разбойники и грабители подкопали под церковь, хотяше святую церковь ограбити, и рече: повели, Господи, церкви обрушитися и подавить грабителей. И того часу церковь подавила их без покаяния.

2-й Суд

Той же младенец виде на земле: в некотором море плыша раз-бойникиы, хотяще некоторую обитель разбита, и рече повели, Господи, разбойников потопить, да не погубят святую обитель. Того часа корабль погрузишась в море, и грабители без покаяния потонуша.

3-й Суд