Святая блаженная Матрона Московская. Попроси, и дано будет

У каждого из нас есть свои любимые святые. Молитесь в первую очередь им – тем, с кем вы чувствуете особую сердечную связь. Для этого существует особая молитва, которой можно молиться любому из ваших любимых святых.

Молитва любимому святому

Угодниче Божий (имярек), поминай нас (имена) в благоприятных твоих молитвах перед Христом Богом, да сохранит Он нас от искушений, болезней и скорбей, да дарует нам смирение, любовь, рассуждение и кротость, и да сподобит Он нас, недостойных, Царствия Своего. Аминь.

Конечно, любому святому можно молиться и о здоровье и исцелении, и о спасении от бед и невзгод, и о помощи в трудных ситуациях. Но есть святые, которые наилучшим образом помогают в конкретных жизненных ситуациях. Здесь приводятся молитвы к некоторым из наиболее почитаемых святых с указаниями о том, в каких случаях желательно обращаться к ним.

Молитва апостолам Петру и Павлу

Святым первоверховным апостолам Петру и Павлу молятся прежде всего о даровании любви нашему сердцу, об осознании наших грехов и покаянии в них, о смягчении ожесточенных сердец, о помощи, поддержке и защите в скорби и отчаянии.

О преславнии апостоли Петре и Павле, души за Христа предавшии и кровию вашею пажить Его удобрившии!

Услышите чад ваших молитвы и воздыхания, сердцем сокрушенным ныне приносимыя. Се бо беззаконьми омрачихомся и того ради бедами, якоже тучами, обложихомся, елеа же добраго жития обнищахом зело и не возможем противитися волком хищным, иже расхищати наследие Божие дерзостно тщатся. О сильнии! Понесите немощи наша, не отлучайтеся духом от нас, да не разлучимся в конец от любве Божия, но крепким заступлением вашим нас защитите, да помилует Господь всех нас, молитв ваших ради, да истребит же рукописание безмерных грехов наших и да сподобит со всеми святыми блаженнаго Царствия и Брака Агнца Своего, Ему же честь и слава, и благодарение и поклонение, во веки веков. Аминь.

Молитва святому равноапостольному князю Владимиру

Святому равноапостольному князю Владимиру молятся в тяжелых болезнях, об избавлении от них, чтобы избежать смерти от этих болезней, о защите от всякого зла, о спасении от врагов, любых напастей и бед, а также об укреплении веры.

О великий угодниче Божий, равноапостольный княже Владимире! Призри на немощи наши и умоли Премилосердаго Царя Небеснаго, да не прогневается на ны зело и да не погубит нас со беззаконьми нашими, но да помилует и спасет нас по милости Своей, да всадит в сердца наша покаяние и спасительный страх Божий, да просветит Своею благодатию ум наш, во еже оставити нам стези нечестия и на путь спасения обратитися, неуклонно же заповеди Божия творити и уставы Святыя Церкве соблюдати. Моли, благосерде, Человеколюбца Бога, да явит нам великую милость Свою: да избавит нас от смертоносных болезней и от всякаго зла, да сохранит и спасет рабов Божиих (имена) от всех козней и наветов вражиих и да все мы сподобимся с тобою вечнаго блаженства, хваляще и превозносяще Бога во веки веков.

Молитва святому Иоанну Предтече

Молитва Иоанну Предтече (Крестителю) помогает при головных болях и других болезнях головы, даже самых тяжелых, таких как опухоли головного мозга. Кроме того, это лекарь болезней души, помогает очистить тело и душу, осознать свои грехи и покаяться в них, избавляет от скорбей, сердечных болей.

Святый Предтече и Крестителю Христов Иоанне! Проповедник сый покаяния, кающихся не презри нас, но молися ко Владыце Христу за нас, недостойных рабов, унылых, немощных, во многия грехи впадших. Смерти убо чаем, о гресех же наших николиже поболехом и о Царствии Небеснем не попекохомся: но не презри нас, Крестителю Христов, честный Предтече, болий рожденных всех, постником и пустынником наставниче, чистоты учителю и ближний друже Христов. Тя молим, к тебе прибегаем: не отрини нас, просящих твоего заступления, обнови души наша покаянием, еже есть второе крещение: твоим ходатайством пред Господем испроси нам очищение грехов. Уста недостойная вопиют к тебе, и душа смиренная молится, сердце сокрушенное из глубины воздыхает: простри пречистую твою десницу и защити нас от враг видимых и невидимых. Ей, Господи Иисусе Христе! Молитвами святаго Иоанна Крестителя Твоего, изряднее же Пречистыя Твоея Матери, Владычицы нашея Богородицы, спаси нас, грешных рабов Твоих, кающихся о гресех. Ты бо еси Бог кающихся, и на Тя, Спасителя, возлагаем надежду, славяще Пресвятое Имя Твое, со Безначальным Твоим Отцем, и со Пресвятым и Благим и Животворящим Твоим Духом, ныне и присно и во веки веков.

Молитва пророку Илии

Святому пророку Илии молятся тогда, когда хотят спасти урожай от засухи. Сила молитвы, подкрепленная силой веры молящихся, помогает изменить погоду! Молятся ему не только о дожде, но и о прекращении дождей, от потопа и наводнения. Обращенные к святому молитвы помогают спастись и от других природных бедствий: пожаров, землетрясений, удара молнии. Кроме того, молитвы святому спасают от огнестрельных ран, дают удачу на охоте и оберегают летчиков, пассажиров авиатранспорта – всех, кто находится в полете. Также ему молятся, когда хотят избежать беды и голода, преуспеть в торговле.

Помогает пророк Илия и провидеть свое будущее, увидев вещие, пророческие сны.

О святый славный пророче Божий Илие, великий закона Божия ревнителю. Ты изрядный и храбрый во убиении Вааловых жерцев отмститель был еси: яко славу Божию не умоляему, но умножаему во веки видети восхотел еси, и толико многороднаго их неистовства не убоялся еси, яко Иезавелины жерцы на потоце Киссове ножем заклал еси, последи же яко вихрем на огненней колеснице взят быв, на высоту небесную со славою возшел еси. Сего ради мы, недостойнии и грешнии, смиренно молимся тебе, честный Божий пророче: сподоби достойно славити и воспевати пречестное твое заступление, да обретше тя великаго ходатая, богатыя милости от Господа сподобимся.

Темже и ныне, славно ублажающе тя, молим: огради миром державу нашу, и избави нас от всякого навета вражия, от глада, и труса, и огня молниина, и не забуди ны, грешныя, пресветлую память твою праздующия и непрестанно славящия прославльшаго тя Господа во веки веков. Аминь.

Молитвы Николаю Чудотворцу

Святитель Николай Чудотворец при жизни помогал всем бедным и нуждающимся, поэтому ему молятся в тяжелом материальном положении. Также его просят о защите несправедливо обиженные и оклеветанные. Девушкам он помогает выйти замуж, а женщинам – укрепить брак и счастливо жить в замужестве. Защищает в дороге, в путешествиях, особенно в морских.

Первая молитва

О святителю Христов Николае! Услышь нас, грешных рабов Божиих, молящихся тебе, и моли о нас, недостойных, Создателя нашего и Владыку, милостивого к нам, да не воздаст нам по делам нашим, но по Своей благодати воздаст нам. Избавь нас, угодниче Христов, от зол, находящих на нас, и укроти волны страстей и бед, восстающих на нас, да ради святых твоих молитв не обымет нас напасть, и не погрязнем в пучине грехов и в тине страстей наших. Моли, святителю Николае, Христа Господа Бога нашего, да подаст нам мирную жизнь и прощение грехов, душам же нашим спасение и великую милость, ныне и присно, и во веки веков. Аминь.

Вторая молитва

О всехвальный, великий чудотворче, святителю Христов, отче Николае! Молим тя, буди надежда всех христиан, верных защититель, алчущих кормитель, плачущих веселие, болящих врач, по морю плавающих управитель, убогих и сирых питатель и всем скорый помощник и покровитель, да мирное зде поживем житие и да сподобимся видети славу избранных Божиих на небеси и с ними непрестанно воспевати Единаго в Троице покланяемого Бога во веки веков.

Молитвы преподобному Сергию Радонежскому

Святому Сергию Радонежскому молятся для защиты от любой беды, для преодоления различных затруднений, для обретения терпения и смирения, для преодоления гордыни, для того, чтобы детям лучше давалась учеба, для преодоления трудностей в учении, для обретения стремления к просвещению, учению, образованию.

Первая молитва

О священная главо, Преподобне и Богоносне отче наш Сергие, молитвою твоею, и верою, и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся, и Небесныя Силы приобщивыйся, но и от нас духом любве своея не отступивый и честныя твоя мощи, яко сосуд благодати полный и преизливающийся, нам оставивый! Велие имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающия. Испроси нам от великодаровитаго Бога нашего всякий дар, всем и коемуждо благопотребен, веры непорочны соблюдение, градов наших утверждение, мира умирение, а от глада и пагубы избавление, от нашествия иноплеменных сохранение, скорбящим утешение, не-дугующим исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делах благих преуспе яние и благословение, младенцам воспитание, юным наставление, неведущим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блаженное упокоение, и вся ны споспешествующими твоими молитвами сподоби в день Страшнаго Суда шуия части избавится, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.

Вторая молитва

О священная главо, Преподобне отче, преблаженне Авво Сергие великий! Не забуди убогих своих до конца, но поминай нас во святых своих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имея дерзновение к Небесному Царю, не премолчи за ны ко Господу и не презри нас, верою и любовию чтущих тя. Поминай нас, недостойных у Престола Вседержителева и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо и телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый; аще бо и мощей твоих рака пред очами нашима видима есть всегда, но святая твоя душа со ангельскими воинствы, со безплотными лики, с Небесными Силами, у Престола Вседержителя предстоящи, достойно веселится. Ведуще бо тя воистинну и по смерти жива суща, тебе припадаем и тебе молимся, еже молитися о нас Всесильному Богу о пользе душ наших, и испросити время на покаяние, и о невозбранном преитии от земли на Небо, мытарств же горьких, бесов, воздушных князей и вечныя муки избавитися, и Небесному Царствию наследником быти со всеми праведными, от века угодившими Господу нашему Иисусу Христу. Емуже подобает всякая слава, честь и поклонение со Безначальным Его Отцем, и с Пресвятым, и Благим, и Животворящим Его Духом ныне, и присно, и во веки веков. Аминь.

Молитвы преподобному Серафиму Саровскому

Серафиму Саровскому возносят молитвы за детей, а также молятся об улучшении материального положения, от безденежья, об избавлении от недугов душевных и телесных, против бесовских искушений.

Первая молитва

О пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебе тощь и не утешен отыде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания, обилен в тебе явися. Егда же призва тя Бог от земных трудов к небесному упокоению, николиже любовь твоя преста от нас, и невозможно есть исчислити чудеса твоя, умножившаяся, яко звезды небесныя: се бо по всем концем земли нашея людем Божиим являешися и даруеши им исцеления. Темже и мы вопием ти: о претихий и кроткий угодниче Божий, дерзновенный к нему молитвенниче, николиже призывающия Тя отреваяй, вознеси о нас благомощную твою молитву ко Господу сил, да укрепит отечество наше, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию научит нас, во еже безпреткновенно внити нам в вечное небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу до скончания века. Аминь.

Вторая молитва

О преподобне отче Серафиме, Бога Истиннаго усердный ревнителю, Церкве православныя новое украшение, христианскаго благочестия дивный подвижниче! К тебе прибегаем, тебе просим, тебе скорбных душ наших помышления отверзаем. Моли Бога о людех, страстьми и суетой мира сего обуреваемых: не престай молитися Ему о всех к тебе притекающих и помощи твоея просящих. Не презри малаго усердия нашего, умножи сие молитвою твоею. Даруй нам благодатию Божиею от скорбей избавление и от болезней исцеление, уврачуй наша недуги душевныя и телесныя, разум наш к познанию православныя веры направи, и Заповеди Божия вся соблюдати нам помози. Ум православных людей от омрачения и неверия сохрани, всем же Христову любовь друг к другу имети сотвори, да тако во благочестии Христове преуспевающе, в радости сердца восклицаем тебе: радуйся, помощниче наш: радуйся, исцеление наше; радуйся, утешение наше; радуйся, радосте наша; преподобне отче Серафиме, и нас твоея радости сподоби во веки веков. Аминь.

Молитва Георгию Победоносцу

Святой великомученик Георгий Победоносец – покровитель воинов. Поэтому молятся ему о помощи, защите и спасении в бранном деле. Но не только: молитва к Георгию Победоносцу помогает одолеть любых врагов, любое зло, и с этой целью к помощи святого могут прибегать разные люди, не только военные. Кроме того, Георгию Победоносцу молятся о возвращении потерявшихся детей, об избавлении от скорби и страданий, о защите от нападения диких зверей, о благополучии домашних животных и скота, о плодородии земли и хороших урожаях.

О всехвальный святый великомучениче и чудотворче Георгие! Призри на ны скорою твоею помощию и умоли человеколюбца Бога, да не осудит нас грешных по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие и во всем изобилие, и да не во зло обратим благая, даруемая нам тобою от всещедраго Бога, но во славу святаго имене Его и в прославление крепкаго твоего заступления, да подаст Он православному народу нашему на супостаты одоление и да укрепит нас непременяемым миром и благословением. Изряднее же да оградит нас святых Ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его, и неосужденным предстати престолу Господа славы.

Услыши нас, страстотерпче Христов Георгие, и моли за ны непрестанно триипостасного Владыку всех Бога, да благодатию Его и человеколюбием, твоею же помощию и заступлением, обрящем милость со Ангелы и Архангелы и всеми святыми одесную правосуднаго Судии стати, и того выну славити со Отцем и Святым Духом, ныне и присно и во веки веков. Аминь.

Молитва Пантелеймону Целителю

Святому великомученику Пантелеймону Целителю молятся при любых недугах, при болезнях вплоть до самых тяжелых, для выздоровления, а также для избавления от боли и страданий. По свидетельствам очевидцев, молитва к святому помогает даже в безвыходных ситуациях – при условии искренней и сильной веры молящегося в выздоровление. Пантелеймон Целитель – главный покровитель всех врачей и больных.

О великий угодниче Христов, страстотерпче и врачу многомилостивый Пантелеймоне! Умилосердися надо мною, грешным рабом, услыши стенание и вопль мой, умилостиви Небеснаго, Верховнаго Врача душ и телес наших,

Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением, не возгнушайся греховных язв моих, помажи их елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь!