Святые Киево-Печерские

Тропарь преподобному Макарию Диакону, глас 7

От юности Христа усердие возлюбив, вдался еси Тому весь, яко непорочна жертва, и иго Его благое на себе взем, работал еси в нем, всечестне Макарие, спешнее. Темже убо молим тя: молися о душах наших.

Кондак, глас 4

Вдавшагося Христу Богу на служение от младенства и Тому во иночестве и диаконстве послуживша священнолепно, восхваляем тя любовию, Макарие священне, и молим: яко имый дерзновение, моли Христа Бога о нас, поющих тя.

Преподобный Ахила Диакон (память 4/17 января)

Прославим и преподобного Ахилу Диакона (XIV в.), еще в ранней юности возлюбившего Господа и пришедшего в Печерский монастырь. Здесь он проходил тесный путь иночества с великим терпением. За это терпение, а также послушание и смирение Господь сподобил его вечного блаженства со святыми.

Тропарь преподобному Ахиле Диакону, глас 8

Постническое житие облобызав и многими труды от младых ногтей себе обложив, на степень диаконства произведен быв, всечестне, в коем служил еси в церкви Божия Матере непорочне, Ейже молися, во еже спастися душам нашим.

Кондак, глас 2

Велие имел еси воистину воздержание, славне, и многое показал еси пощение, о Ахило, зане едва единою в седмице и се едину малу просфору снедаше и бденным стоянием к Нему выну дручашеся[7], тем тя, яко постника и преподобным сообщника чтуще, ублажаем.

Преподобный Ипатий Целебник (память 31 марта/13 апреля)

Ублажим преподобного Ипатия Целебника (XIV в.), служившего отцам в их болезнях и удостоившегося дара исцеления через возложение рук. Весь день он трудился на послушании монастырском, всю же ночь стоял на молитве, и вкушал только хлеб и воду. Ныне он продолжает исцелять всех, с верой прибегающих к его мощам и просящих его молитвенного заступления.

Тропарь преподобному Ипатию Целебнику, глас 1

Безначальнаго онаго и тихаго места, идеже несть печали, ни воздыхания, достигнута, преподобие, желая, не дал еси себе зде покоя нимало, но присно день и нощь в делех всяких и жестоком житии трудолюбно подвизаяся пребываеши, тем желаемого получив уже, Ипатие, молися о душах наших.

Кондак, глас 3

Труды ко трудом выну ради Господа прилагая, никогдаже обрелся еси празден, Ипатие. Темже и в лепоту трудолюбив наречеся, звание приемь от дел.

Преподобные Паисий и Меркурий (память Паисия 19 июля/1 августа, Меркурия 4/17 ноября)

Почтим преподобных отцов Паисия и Меркурия (XIV в.), подвизавшихся в братской любви и единомыслии. Они имели такую о Господе дружбу, что непрестанно молили Бога, чтобы Он никогда не разлучал их ни в сей, ни в будущей жизни. И Господь исполнил их горячее желание: в обители жили они в одной келье, а по смерти были положены в одном гробе.

Тропарь преподобному Паисию, глас 4

Великаго во отцех подражая Паисия[8], якоже он в пустыню, тако и ты в пещеру вселился еси, идеже труды прилагая, блаженне, ко трудом, и псаломскому пению выну прилежал еси, моли о нас, поющих тя.

Кондак, глас 5

Всею душею и помышлением, Паисие, Христа возлюбив, Тому вседушне вся дни живота твоего служил еси, богомудре, тем по кончине твоей наследил еси радость и вечное наслаждение.

Тропарь преподобному Меркурию, глас 5

Присносущныя, блаженне, желая сподобитися жизни, праведне и непорочне жизнь свою препроводил еси в нынешнем веце, темже, Меркурие, желаемаго ты достигл еси, моли и нам вечныя сподобитися жизни.

Кондак, глас 8

Преподобному во всех делех Господеви преискренне работая и Онаго всегда в церкви преподобных Своих преподобным воспевая гласом, наследил еси, преподобие Меркурие, часть преподобных, с нимиже молися о всех нас.

Преподобный Лаврентий Затворник (память 20 января/2 февраля)

Прославим преподобного Лаврентия Затворника (XIII–XIV вв.), постом и непрестанной молитвой победившего страсти и достигшего внутреннего единения с Богом. Завторившись в темной пещере, он прогнал мрак страстей и узрел свет Божий.

Тропарь преподобному Лаврентию Затворнику, глас З

Затворивый себе Господа ради в темней пещере, преподобие отче Лаврентие, многолетне и Оному добре в ней угодивый, подаждь и нам от всякаго зла чувствия затворити, и тьмы страстей отвратитися, и светлость получити Царствия Небеснаго.

Кондак, глас 4

Бог, рекий из тьмы свету возсияти, просия тебе из темна места, яко свет, и знаема всем показа, Лаврентие, яви же и свету невечернему тя причастника, преподобие, в немже ликуя, поминай нас, хвалящих тя.

Преподобный Моисей Чудотворец (память 28 июля/10 августа)