Читаем Святые врачи безмездные чудотворцы полностью

Святые врачи безмездные чудотворцы

Тропарь преподобному Иоанну Многострадальному, Печерскому, в Ближних пещерах, глас 1.

Терпения столп воистину непоколебимый / и забрало от вражиих стреляний необоримо, / равноангельне и многострадальне отче наш Иоанне, / имуще тя, мы, недостойнии, молимся, / припадающе к честным твоим мощем тепле: / избави нас душетленных страстей плотских и спаси твоими молитвами.

Иоанн Рыльский, преподобный

X век (31 августа)

(молиться об исцелении немоты, при онемении языка).

Тропарь преподобному Иоанну Рыльскому, глас 4.

Тело смирив лощением, / душу же возвысив пением, / сосуд явися избран Святому Духу, / Иоанне, отче наш, / в чистоте сердца твоего, преподобие, пожив. / Тем, дерзновение имея ко Господу, / моли спастися душам нашим.

Иларион Оптинский, преподобный

XIX век (1 октября)

(молиться при бездетности, парализации).

Тропарь преподобному Илариону Оптинскому, глас 4.

Божественный врачеватель страстей, / веры искусный кормчий воистину, / благодать исцелений приял еси от Господа всех Царя, / Иларионе отче предивне, / и на демонов одолительныя победы, / вся тайная обличил еси / и еретичествующих умыслы разорив. / Темже молися Христу / от прелести диавольской мир избавити // и спасти души наша.

Игнатий Брянчанинов, святитель

XIX век (13 мая)

(молиться при психических заболеваниях).

Тропарь святителю Игнатию Брянчанинову, епископу Кавказскому и Черноморскому, глас 8.

Православия поборниче, / покаяния и молитвы делателю и учителю изрядый, / архиереев Богодухновенное украшение, / монашествующих славо и похвало, / писании твоими вся ны уцеломудрил еси. / Цевнице духовная Игнатие богомудре, / моли Слова Христа Бога, / Егоже носил еси в сердце твоем, / даровати нам прежде конца покаяние.

Иов многострадальный, праведный

ок. 2000–1500 до Р.Х. (19 мая)

(молиться о терпении болезней).

Тропарь праведному Иову Многострадальному, глас 1.

Богатство видев добродетелей Иовлих, / украсти кознствоваше праведных враг, / и, растерзав столп телесе, / сокровище не украде духа, / обрете бо вооружену непорочнаго душу, / мене же и обнажив плени: / предварив убо мя прежде конца, // избави мя льстиваго, Спасе, и спаси мя.

Иона, патриарх Московский и всея Руси, святитель, чудотворец

XV век (28 июня)

(молиться об избавлении от зубной боли).

Тропарь святителю Ионе, патриарху Московскому и всея России чудотворцу, глас 3.

Ярем Господень измлада восприим, / и Того стопам невозвратным желанием последовал еси, / и освящен- наго подвига достигл, / святительства паству приим и чудес от Бога дары прият, / с верою приходящим к раце мощей твоих / подавши различным недугом исцеление неоскудно, / отче наш Ионо, святителю Христов, / моли Христа Бога даровати нам велию милость.

Ипатий Печерский, целебник, преподобный

XIV век (13 апреля)

(молиться об исцелении от женского кровотечения, при недостатке материнского молока для младенцев).

Тропарь преподобному Ипатию целебнику, Печерскому, в Дальних пещерах, глас 1.

Безначальнаго онаго и тихаго места, / идеже несть печали, ни воздыхания, / достигнута, преподобие, желая, / не дал еси себе зде покоя нимало, / но присно день и нощь в делех всяких / и жестоком житии трудолюбно подвизался, пребываеши, / тем желаемого получил уже, Ипатие, / молися о душах наших.

Ипатий, игумен Руфианский, преподобный

V век (13 апреля)

(молиться об избавлении от бесплодия, женского кровотечения и об исцелении от водянки).

Тропарь преподобному Ипатию, игумену Руфианскому, глас 8-й.

В тебе, отче, известно спасеся еже по образу: / приим бо Крест последовал еси Христу, / и дея учил еси презирати убо плоть, преходит бо, / прилежати же о души, вещи бессмертней. / Темже и со ангелы срадуется, преподобие Ипатие, дух твой.