Том 3 (XI-XII века, священная история)

От. Горлица глаголеть церковь, а ластовица Иаоан Крестителя, а щур блаженаго учителя премудраго Павла, и летъ Христос да якоже тыи птица проповедают лета приходящее, тако и сии проповедають пришествиа Христово.

В. Кая то жена, еже от народа, рече: «Блаженое чрево ношшее тя и сосца, яже еси съсал»?

От. Фотиниа самаряныня рекла, еиже явися Господь на кладязи Ияковли.[496]

В. Что еже Господь рече: «Аще оставите человеком согрешениа, оставит вам Отець ваш небесный»?[497]

О. Се глаголеть къ всем верным, велить оставити гневъ и всяку вражду другом своим и братьи.[498]

В. Рече Господь: «Вмале не видите мене, и паки вмале узрите мя».[499]

От. Егда положенъ бысть во гробе, не видеша его. Егда же вста, тогда и видеша.

В. Рече Господь: «Будеть древо яко прити птицам небесным[500] и вселитися въ ветвияхь его».

От. Дубъ есть миръ, ветви языци, а птици апостоли, иже по всему миру и въ всех языцех проповедаша Слово Божие.

(...)

В. Что ради Господь рече трижды: «Симоне Ионинъ, любиши ли мя»?[501]

От. Понеже Зжды отвержеся.

В. Что есть: 5 хлебъ и 2 рыб, 12 укрухов?[502]

От. 5 хлебъ есть Моисеевы пятеры книгы: Бытие, Исход, Левитинъ, Числа, 2 Закон, а две рыбы — Апостолъ и Евангелие, 12 кош укрух — 12 апостолу учение. Господь нашь Исус Христос своима рукама первое крестилъ святого апостола Петра, а святый апостолъ Петръ святого апостола Андреа, а Андрей крестил Иаоана Богослова и Иякова, а Ияковъ и Богослов крестиста вся апостолы, Петръ и Иаоан Богослов крестиста святую Богородицю.

В. Что есть, еже в Галилеи притворь Соломонь?[503]

От. Церкви, убо была раскопана Навходомьносором[504] и паки създана Киромъ[505], а притвор быль Соломонове не роскопанъ, того ради рече евангелист: «въ притворе Соломонь».

В. Что есть, иже рече Писание: «Видехъ жену седящу на мори и змиа лежаща при ногу еа. Егда хотяше жена ражати отроча, та змий пожирашеть а»?[506]

Т. Море — весь миръ, жена же уменить церковь посреде мира, а змиа Диавола, да егда хотять вернии людие спастися, приходяще к церкви, Диаволъ возбраняет им прельщая всем и козньми своими.

В. Что есть: единаго искахом, а три обретахом, егоже искаху, не можаху познати его, нъ показа им мертваа девица?

Т. Егда распяша Господа со двема разбойникома на Зхь крестехъ и наиде святая Елена[507] три кресты, не ведаше Господня креста, и егда положи на мертваа девици крестъ Господень, абье седе мертва девица.

(...)

В. Кто есть, еже рече слово то: «двое ми не мощи убежати, двое не постичи»?

Т. Смерти и старости не убежати, а живота и юности не постичи.

В. Кто, смерти не приим, смерти бегаше?

Т. Илиа Езавели бегаше.[508]

В. Что есть, еже рече: «Горе тебе, граде, в немже царь юнъ и боляре рано пьюще и рано ядуще»?

Т. Град есть душа, а царь юный — умъ, а боляре пьянчивии — помысли злии, лукавии.

В. Где смешашеся тепло съ студению?

Т. В Содоме и Гоморе[509] град и юглие горящее.

В. Чий глас изыде от Восток до Запад?

Т. Егда Богъ проклят Каина.

В. Когда четвертая часть мира умре?

Т. Егда Каинъ уби Авеля брата своего.

В. Кто роди гиганты?

Т. Внук Хамовъ.[510]

В. Коего праведника град спасе от смерти?

О. Лота Сигоръ[511], егда избежа ис Содома.

В. Когда радовашеся весь миръ?

О. Егда Ное ис ковчега изыде.

(...)

В. Кая церкви створена бысть, еаже обновлениемь весь миръ погибет?

От. Ковчегъ Ноевъ.

В. Кто научил Богу кланятися на въсток?

От. Моиси на горе Синайстей.

В. Поп не поставлен, диакънъ отметник, певець блудник.

Т. Иаоан Бога крестил, а отметник Петръ, а блудник Давидъ.

Въпрос. Кый пророкъ двою родился?

Толк. Куръ. Первое, курица яйце снесла. Изъ яйца, второе, вылупился, то естъ родился. А пророкъ есть, свет поведаеть людемъ рано.

(...)

Почто месяць держить 30 дний, а неделя 4?

Толк. Четырех ради стихия: 1я стихия держит «Б». 2я «О», 3яя «Г», 4я «Ъ». Да то составивше, Богъ наречеться.

На 6мь стоить, два глаголють, 5 обличаста, 12 дивятся.

Толк. Два глаголють — Христос с самарянынею. На 6мь стоить Христос: въ 6й час ко кладязю придет, 5 обличасте — 5-ры книги Моисеовы, 12 дивятся — 12 апостолъ.

Четыре орли едино яицо снесоша, имже весь миръ препитеша.

Толк. 4ре евангелисты, а яицо Евангелие, весь миръ исполниша евангелиальскаго учения.

Видехъ змия лежаща при пути, хапающа коня за пяту, и седе конь на заднюю ногу, жды избавления от Бога.

Толк, Путь есть вера, а конь человечество, а задняя нога человеческий последний родъ. А змий — Диаволъ, ища кого поглотити.

Два стоять, а два идуть, а два минуються.

Толк. Небо и земля стоять, а солнце и месяць идеть, а день и нощь минуются.

(...)

Исус в стрелах, Моисей в чертозе, Павелъ в девкахъ, Давидъ ся женить. Адамъ в сватехъ, Соломонъ по невесту едеть. Река среди моря течеть, а животъ во огни скачеть. А зватаи з горы стоя глаголеть: «Приидете, приидете». Инии приидоша, а инии змроша, а зватаю упокои.