Том 9 (Конец XIV - первая половина XVI века, подъем общественного значения литературы)

В переводе и комментарии учтены переводы обоих сочинений в издании: Сочинения преподобного Максима Грека в русском переводе. Ч. I—III. Свято-Троицкая Сергиева лавра, 1910—1911, а также отрывки из «Повести страшной и достопамятной» и комментарий к ним в кн.: Denissoff E. Maxime le Grec et l᾽Occident: Contribution à l᾽histoire de la pensée religieuse et philosophique de Michel Trivolys. Paris; Louvain, 1943.

ПЕРЕПИСКА ФЕДОРА ИВАНОВИЧА КАРПОВА С МАКСИМОМ ГРЕКОМ

Подготовка текста, перевод и комментарии Д. М. Буланина

ОРИГИНАЛ

ПОСЛАНИЕ МАКСИМА ГРЕКА К ФЕДОРУ КАРПОВУ

ТОГО ЖЕ К ФЕОДОРУ ИВАНОВИЧЮ КАРПОВУ

Слышах от неких, яко и твоя светлость съотведеся Николаевым и Власиевым наведениемъ,[635] и дивишися, о нихьже писах к Николаю о безначалном и невиновном Отци, яко безначаленъ и безвиновенъ есть, рекши ниже от инаго, ниже от себе бытие имея, и яко укаряеши мне о сем, аки безместна мудръствующу и странна церковнаго преданиа. О нем же не мнее вас чюжуся и азъ, яко в сицевом възрасте и в толиком искусстве Писаней сицеваго догма избеже вас и яко «в нощи до сего обходите, стену осезающе» по притчи.[636] Како убо о прочих съгнутаго и непостижимаго богословиа глаголати или слышати възможете, аще сицевыа догмы, всеми священными богословци проповедуемыа и исповедуемыа, неразумне ся имеете? Да же убо уразумеите, яко не Максимова догма есть, но истинныи отецъ, слышите разумне великаго и небомудренаго въистину учителя Григориа Богослова,[637] како явьствене сие исповедует в некоем «Слове» своем, в нем же показует, яковому быти подобает праве богословьствовати хотящему и яко не всякому сие есть, ниже всегда, ниже ко всем, ниже о всех, но токмо достигшаго въ крайнюю чистоту и добродетелное совершение заповедей деланиемъ. Имеет же ся сице священный оного глас: «Безначаленъ убо Отецъ, не отинуди бо ему, ниже от себе самого еже быти». Что видится вам о семъ священном гласе? Видесте ли, како отецъ сей разумеет безначалное Отчее, зане рече «ниже от себе самого, ниже от инаго имать еже быти»? Аще бо речем «от себе имети еже быти», уже исповедахом самого себе виновну и началу бывшу. И аще сие речем, како безначален пребудетъ, иже начало не имый? Аще же, любопряся, речеши, како убо бе Отецъ, аще ниже от себе бытие име, реку ти, якоже неизреченно есть Сыновнее рожение и Духа происхожение — сице и Отче безначалие и невиновное.[638] Довлеет вам, аще православне есте, ведати со всеми святыми отци, яко безначаленъ есть, аки ни от себе, ни от инаго еже быти имея. А еже како не взыскуй, ниже възможеши николи же сие достигнути, аще и серафим будеши. Престаните убо хуляще на Бога, в них же не весте, и нас укаряюще неправедне, наипаче же и иных научите, да не хулным именем оболгают нас, от вас бо и сие на нас изгласися.

ПОСЛАНИЕ ФЕОДОРА КАРПОВА КЪ СТАРЦУ МАКСИМУ СВЯТОГОРСКОМУ

Господину Максиму иноку Феодоръ Ивановъ сынъ Карповъ челом бьет.