Воскресшая из пепла. Россия. Век XVII

Келарь же, паче укрепляя их, и дерзости повелевает, и звати чюдотворца Сергия, «и зрите», рече, «славу божию». Егда же прииде старец близ Москвы реки против церкви святого христова мученика Никиты[122], у реки же множество казаков идяху в станы своя, и медляще прехода ради реки, келарь же многа молив их со многими слезами, якоже прежде. Слышавше же сия все многочисленное воинство казаков, внезапу умилившеся, внидеша в страх божий, и вси скоро устремишася ко врагом из бой, и не дошедше станов своих яко ни единому не остатиса от них друг друга понуждающе, глаголаху: «поскорим, братие, пострадати за имя божие и за православную истинную христианскую веру». Прочие же казаки, стоящие за рекою у церкви святого великомученика Никиты, видеша, яко братия их вскоре возвратишася на бой, и не даждавшеся келаря, противу ему грядяху чрез реку, свии бродяху, инии же по лавам идуще; келарь же и тех умолив и много поучив от божественных писаний; они же с радостию скоро поидоша на бой, бога в помощи призывающе и чудотворца Сергия, единогласно кличуще: «Сергиев! Сергиев!» Егда же прииде келарь в станы казачьи, и ту обрете их многое множество, овых пиющих, а иных играющих зернию[123]. Келарь же сих множае перваго поучив, казаки же все озъидоша из станов своих со орудием и повелеша звонити, кличуще: «Сергиев! Сергиев!» и поидоша вси на бой.

О ВЗЯТИИ ОБОЗА И О ПОБЕГЕ ЛИТОВСКИХ ЛЮДЕЙ

Приспевши казаком ко обозу у великомученицы христовы Екатерины, и бысть бой велик зело и преужасен; сурово и жестоко нападоша казаки на войско литовское; овии убо, боси, овии же нази, токмо едино оружие имуще в руках своих и мечь при бедре своей, побивабще их немилостиво, и обоз у литовских людей разорвали и запасы поймали и в остроге литовских людей всех побили; от множества бо тогда вопля и кричания сбою страну не бе слышати пищального стуку; но токмо огнь и дым восходящь, отдыму же темну облаку нашедшу и покрывшу войск все, инии же пришедше ко рву и литовских людей всех изо рву выгнаша, на них же приспевшым воеводам со множеством конник, и бысть врагом велика погибель, и станы их в разграбление взяша, прочая же в воздух дымом разлияшася. Гетман же Хоткеевичь, видя своих избранных множество побиенных от воинства православных, убоялся, пометав вся своя, побеже. Православии же гнавше по них, многих избиша и возвратившеся с великою победою, вземше вся запасы их и оружия и вся имения их пограбивше, во своя станы внесоша. А гетман о оставшими, своими ротами ста на Воробьеве горе.

ПРИЛОЖЕНИЕ 4 Запись Посольского приказа о приеме в Москве посланцев запорожского гетмана П. Сагайдачного, сообщивших о желании всего Войска Запорожского служить русскому правительству 1620 г. февраля 26

Оригинал текста и транскрипция оригинала сохранены.

черкасы, Петр Одинец, говорили: прислали их все Запорожское Войско, гетман Сагадачной с товарищи, бити челом государю, объявляя свою службу, что оне все хотят ему, великому государю, служить головами своими по-прежнему, как оне служили прежним великим российским государем, и в их государских повелениях были, и на недругов их ходили, и крымские улусы громили, а ныне они по тому ж служат великому государю.

ПРИЛОЖЕНИЕ 5 Конрад Буссов. Московская хроника

Печатается по кн.: Буссов К. Московская хроника 1584–1613. М.-Л., 1961.