Злодеяния нечистой силы

Заклинаю тя оным, ветру запретившим и бурю морскую укротившим, полк демонский отгнавшим, и зеницы очныя от утробы лишенный, брением елепыя прозрети соделавпшм, и древнее рода нашего создание обновившим, и немыя еже глаголати исправившим: струны проказ очистившим, и мертвыя от гробов воскресившим, даже до погребения человеком беседовавшим, и ад востанием пленившим, и все человечество необъято смертию устроившим.

Заклинаю тя Богом Вседержателем Богодухновенным гласом человеки вдохнувшим, и Апостолом содействовавшим, и всю вселенную благочестия исполнившим: убойся, бежи, бежи, разлучися, демоне нечистый и скверный, преисподней, глубинный, льстивый, безобразный, видимый безстудия ради, невидимый лицемерия ради, и деже аще еси или отыдеши, или сам еси Вельзевул, или сотрясай, или змиевидный, или як о пара, или як о птица, или ноще глагольник, или глухой, или немый, или нашествия устрашаяй, или растерзай или нывстуяй, или во сне тяжце, или в недузе, или в язве, или в смесе скоктаяй, или слезы любосластныя творяй, или блудный, или злосмрадный, или похотный, или сластотворный, или отраволюбивый, или любонеистовый или звездоволхвуяй, или домоволшебник, или безстудный, или любопрительный, или непостоянный, или с месяцем пременяяйся, или временем неким сообращайся, или утренний, или полуденный, или полунощный, или безгодия некоего, или блистания, или по случаю сретился еси, или от кого послан еси, или нашел еси внезапу, или в мори, или в реце, или от земли, или из кладяэа, или от стрельницы, или от рова, или от озера, или от трости, или от вещества, или от верху земли, или от скверны, или от луга, или от леса, или от древа, или от птиц, или от грома, или от покрова ваннаго, или от купели водныя, или от гроба идольского, или отыюдуже вемы или не вемы, или от энаемых, или от незнаемых, и от непосещаемаго места отлучися и применися, устыдися образа рукою Божиею созданного и воображенного убойся воплощенного Бога, подобия, и не сокрыйся в рабе Божием (имя) но жезл железный и пещь огненная, и тартар, и скрежет зубный отмщения преглушания тебя ожидает.

Убойся, умолкни, бежи не возвратися, ни сокрыйся со инем лукавством нечистых духов: но ожиди в землю безводную, пустую, неделанную, на ней же человек не обитает: Бог один, призирает связаяй всех уязвляющих и злословствующих на образ его, и веригами мрака тартару предавый, в долгую нощь и день тебе всех злых искусителя и изобретателя диавола. Яко великий есть страх Божий, и велия, слава Отца и Сына, и Святаго Духа, ныне и присно и во веки веков. Аминь.

Молитва святого Иоанна Златоуста

Боже вечный, избавивый род человеческий от пленения диаволъскаго, избави раба твоего (имя) от всякого действа духов нечистых: повели лукавым и нечастым духом же и демонам отступити от души и от тела раба твоего (имя) и не пребывати ниже сокрытися в нем, да бежать именем твоим святым и единородного Твоего Сына, и животворящего твоего Духа, от создания рук твоих: да очищен быв от всякаго искушения диавольского, преподобно и праведно поживает, сподобляем пречистых тайн единороднаго Сына твоего и Бога нашего: с ним же благословен еси и препрославлен, с пресвятым и благим, и животворящим твоим Духом, ныне и присно и во веки веков. Аминь.

Молитва тогожде

Всем нечистым духовом запретивый и силою глагола изгнавый легиона, явися и ныне единородным твоим Сыном на создание, еже по образу твоему сотворил еси и иэми насильствованное от сопротивнаго, да помилованное и очищенное еочинится святому твоему стаду и сохранится храм одушевлен Святаго Духа и Божестенных и пречистых святыней, благодатию и щедротами и человеколюбием единороднаго твоего Сына: с нимже благословен еси и со пресвятым и благим и животворящим твоим Духом, ныне и присно, и во веки веков. Аминь.

Молитва тогожде

Божественное же и святое и великое и страшное и нестерпимое именование и призывание творити на твое прогнаяие, на твое погубление диаволе, Бог Святый безначальный, страшный невидимый существом, неприкладный силою и непостижимый Божеством, Царь Славы и Бседержатель Владыка, запрещает тебе диаволе от несущих во еже быти вся благолепно словом составивым ходяй на крылу ветренню, запрещает тебе Господь, диаволе, призываяй воду морскую и изливай сию на лице всея земли Господь сил имя ему.

Запрещает тебе Господь, диаволе, от бесчисленных небесных чинов огненных страхом служимый и воспеваемый, и от множества ликов Ангельских и Архангельских с трепетом покланяемый и славимый.

Запрещает тебе Господь, диаволе, окружаемый от окрест предстоящих сил и страшных шестокрылатых и многоочих Херувимов и Серафимов лица своя двема при лома покрывающих незримого ради его и надследимого Божества и двема крилома своя ноги покрывающих, во еже не опалитися от неизреченный славы и недомыслимаго величества его, и двема крылома летающих, и небо исполняющих от вопля своего. Свят, Свят, Свят Господь Савооф, исполнь небо и земля славы его.