Исландские королевские саги о Восточной Европе

II. De tripartito incolatu Norwegie

Zona itaque maritima Decapolis dici potest, nam X ciuitatibus inclita est, IIII patrias complectens XXII prouinciarum capaces. […] ⁸Quarta Halogia, cuius incole multum Finnis cohabitant, et inter se commercia frequentant. ⁹Que patria in aquilonem terminat Norwegiam iuxta locum Wegestaf, qui Biarmoniam ab ea dirimit. (P. 54, 56)

IX. De ortu regum

²⁸Huius filius Ynguar, qui cognominatus est Canutus, in expedicione occisus est in quadam insula Baltici Maris, que ab indigenis Eycisla uocatur. ²⁹Iste ergo genuit Broutonund, quem Sigwardus frater eius occidit in Himinheithy, quod loci uocabulum interpretatur 'celi campus'. (P. 78)

IX. 28 Ynguar: Ynguar' A | Canutus Bugge 1873 et Gjessing: canawtus A: kanutus B | cogmonimatus est canawtus A: kanutus cognominatus est B | Eycisla: Eysisla Munch in notis et Storm: eycilla A: Øsyliae B |

XVI.

¹Post mortem uero filiorum Gunnilde quidam Hacon, ob intemperatam animi crudelitatem Nequam cognominatus, cunctis exterminatis regulis perditisque tributiferis Sweonum, totius Norwegie monarchiam sub comitali dignitate sibi usurpauit maluitque comes quam rex secundum suos seniores uocari. ²Hic namque patre Siwardo, matre uero Bergliota, filia Thoris Tacentis, ex nobilissima ac Halogensium comitum prosapia extitit oriundus. ³Iste in armis potens, sed ydolatrie obnixe deseruiens, plerasque patrias circumcirca debellans suum longe lateque perampliauit imperium. (P. 88, 90)

XVII.

¹Sed in Orchadibus pupillum puerum didicit natum; protinus illi parat insidias, quem se suspicatur regno priuaturum. ²Mater uero, quamquam filium utpote unicum tenerrime diligeret, postquam comitis consilia comperuit maliuola, ipsum cum Dei – credo – prouidente clemencia a se sequestrando cuidam cognomento Lusaskeg in Swethiam deferendum dedit alumpnum. ³Quem cum omni diligencia enutriendum suscipiens ac proprio sinu imponens per maxima pericula Throndemie transiuit confinia. ⁴Post hec uenit in Swethiam, ubi moram gessit per horam, inde tendit in Rusciam, sed deuenit in Eistriam. ⁵Denique dum ante Eisislam uela tenderet, a piratis preuenti partim predantur, partim necantur. ⁶Inter quos pueri nutritor eciam capite plectitur, ipseque puer Olauus Eistriis in seruum uenumdatur. ⁷Inde a quodam Olauo suo cognato redimitur, qui tunc forte a rege Ruscie causa colligendi tributa eo legatus fuit. ⁸Cum quo aliquot annis latenter mansit in Ruscia.

⁹Hic cum esset circiter XII annorum, in medio foro Holmgardie pedagogum suum uiriliter | uindicauit. ¹⁰Et inaudita ulcio uix duodennis pueri ilico auribus regiis intonuit, unde regi presentatur, a quo demum filius adoptatur. ¹¹Factus adolescens piraticam excercens Baltica littora perlustrando, cunctis gentilibus id locorum formidabilis existendo, inscius deuiatur a Deo ille magnificus predo. ¹²Augmentabant enim eius classem Norwegenses ac Dani, Gautones et Sclaui, qui cum illo ciuitate Iomne, que est firmissima inter Sclauie urbes, hyemales frequentabant sedes. ¹³Hinc tetendit in Frisiam, post hanc uenit Flandream, inde pergit in Angliam. ¹⁴Quas depredans perperam, mira gessit in Scotia, nulli parcens in Hybernia. (P. 90, 92)

XVII. 4 Eistriam Munch et Storm: Sistriam A | 5 Eisislam Storm : Eisisla A | 6 Eistriis Storm : Eistris Munch : cistriis A | 9 Holmgardie: Holmgardiae Munch et Storm: holingardiar A | 10 duodennis pueri ilico Storm: duodennis puerilico A: duodenarii pueri illico Munch in app.: duodcnarii eius pueri Bugge 1873 | 11 Baltica Munch : haltica A |

XVIII.

¹Istis temporibus Olauus, filius Haraldi Grenscensis, in Ruscia clarus habetur. ²Hic, quia herili solo priuatus erat, pyraticam excercere necesse habebat. ³In ea poli, quam nos Holmgardiam appellamus, haut minuta classe stipatus hyemare solebat. ⁴Qui estiuo tempore cunctos gentiles per ambitum Baltici Maris depredando lacessendo non desistebat urgere. ⁵Insulam quoque Eysislam ualde spaciosam ac populosam ex toto uastauit. ⁶Sed et alias duas colonum frequencia et magnitudine huic equales, scilicet Gottorum Insulam et Eynorum, adeo demolitus est, ut illarum incole, quamdiu in Ruscia morabatur, immania redderent tributa. ⁷Item in finibus Curorum non minimas de ipsis dans strages celeberimo exaltabatur trihumpho. (P. 100).

²⁹Tunc Olauus Norwagensis sororem Olaui Sueonensis nomine Margaretam, quam diu digna uicissitudine intimi amoris priuilegio dilexerat, in ipso discessu disponsauit. ³⁰Sed frustra, nam eandem rex Iarezlafus de Ruscia fratre cogente inuitam duxit uxorem. ³¹Quod factum maximum odiorum atque discordiarum fomitem inter tres illos nobilissimos principes subministrasset, si non sapientissima soror Margarete per consilium sui nutritoris disruptam prioris desponsacionis copulam aptissime redintegraret; hanc etenim Olauus in matrimonium sibi postea sociauit. ³²Ex qua Margareta genuit <…> (P. 104)