Исцеление святым крестом

При расслаблении тела с бессонницей, потерей аппетита и лишением каких-либо членов

Ко Пресвятой Богородице и Приснодеве Парии пред ее иконою «Споручница грешных»

О Владычице Преблагословенная, Защитнице рода христианскаго, Прибежище и спасение притекающих к Тебе! Вем, воистенну вем, яко зело согреших ипрогневах, Премилостивая Госпоже, рожденнаго плотию от Тебе Сына Божия, но имам многия образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух, и аз грешный прибегнути с покаянием ко Твоему благоутробию. О, Всемилостивая Владычице, да подаси ми руку помощи и испросиши у Сына Твоего Бога матерними и святейшими Твоими молитвами тяжким моим грехом прощение. Верую и исповедую, яко Той, Его же родила еси, Сын Твой, есть воистинну Христос, Сын Бога Живаго, Судия живых и мертвых, воздаяй каждому по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистинну бо несть человеком иныя помощи и покрова, разве Тебе, Госпоже Премилостивая, и ничтоже уповая на Тя, постыдится когда, и Тобою умоляя Бога, ничтоже оставлен бысть. Того ради молю Твою неисчетную благость: отверзи двери милосердия Твоего мене, заблуждшему и падшему в тимение глубины, не возгнушайся мене сквернаго, не презри грешнаго моления моего, не остави мене окаяннаго, яко в погибель злобный враг похитити мя ищет, но умоли о мне Рожденнако от Тебе милосердаго Сына Твоего и Бога, да простит великия моя грехи, и избавит мя от пагубы моея, яко да и аз со всеми получившими прощение воспою и прославлю безмерное милосердие Божие и Твое непостыдное о мне заступление в жизни сей и в нескончаемем веце. Аминь.