Из Истории Феминизма В России: ╓слово о полку Игореве▌: Русскiй Богъ - враг Христа - и его Валькирия (СИ)

Перконосъ, си есть Перунъ, бяше у нихъ старейший богъ, созданъ на подобие человече, ему же въ рукахъ бяше камень многоценный аки огнь. Ему же яко Богу жертву приношаху и огонь неугасающий зъ дубового древия непрестанно паляху; аще ли бы случилося за нерадениемъ служащаго иерея когда сему огню угаснути, такового иерея безъ всякого извета и милости убиваху.

Вторый Волосъ, богъ скотий, бяше у нихъ во великой чести.

Третий Позвиздъ, Ляхи его нарицаху Похвистъ; сего верили быти бога аеру, си есть воздуху, а иныи погоды и непогоды, иныи его вихромъ нарицаху, и сему Позвизду, или вихру, яко Богу кланяющеся моляхуся.

Четвертый Ладо (си есть Pluton) - бог пекельный; сего верили богомъ женитвы, веселия, утешения и всякого благополучия, якоже Еллины Бахуса. Сему жертвы приношаху хотящии женитися, дабы его помощию бракъ добрый и любовный былъ. Сего Ладона [Латону: Лето], беса, по некакихъ странахъ, и доныне на крестинахъ и на брацехъ величаютъ, поюще своя некия песни, и руками о руки или о столъ плещущее: Ладо, Ладо, - преплетающе песни своя, многажды поминают.

Пятый Купало, якоже мню, бяше богъ обилия, якоже у Еллинъ Цересъ [Церера], ему же безумныи за обилие благодарение приношаху въ то время, егда имяше настати жатва. Сему Купалу, бесу, еще и доныне по некоихъ странахъ безумныи память совершаютъ, наченше июня 23 дня въ навечерие Рождества Иоанна Предтечи, даже до жатвы и далей, сицевымъ образомъ: съ вечера собираются простая чадь обоего полу, и соплетаютъ себе венцы изъ ядомого зелия, или корения, и препоясавшеся былием возгнетаютъ огнь, ниде же поставляютъ зеленую ветвь, и емшеся за руце около обращаются окрестъ оного огня, поюще своя песни, преплетающе Купаломъ. Потомъ чрезъ оный огонь прескакуютъ, оному бесу жертву себе приносяще.

Шестый Коляда, ему же праздникъ прескверный бяше декаврия 24. Сего ради и ныне, аще и благодать Рождествомъ Христовымъ осия насъ, и идолы погибоша, но единаче дияволъ еще и доселе во безумныхъ память свою удержа! Сему бесу въ память простая чадь сходятся въ навечерие Рождества Христова, и поютъ песни некия, въ нихъ же аще и о Рождестве Христове поминаютъ, но более Коляду-беса величаютъ.