Изборник. Памятники литературы Древней Руси

Хамови же яся полуденья часть: Егупетъ, Ефиопья, прилежащия къ Индомъ, другая же Ефиопья, из неяже исходить рка ефиопьскаа Чермьна, текущия на въстокъ, Фива, Луви, прилежащи доже до Куриния, Мармариа, сурит, Ливуи другая, Нумидия, Масурия, Мавритания, противу сущи Гадир. Сущимъ же къ встоком имать Киликию, Памфилию, Писидию, Мосию, Лукаонию, Фругию, Камалию, Ликию, Карию, Лудию, Масию другую, Троаду, Солиду,[3] Вифунию, Старую Фругию. И островы пакы имать: Сарданию, Критъ, Купръ, и рку Гиону, зовемую Нилу.

А Афетови же яся полунощная страна и западная: Мидия, Олъвания, Армения Малая и Великая, Каподокия, Фефлагони, Галатия, Кольхысъ, Воспорий, меоти, дереви, сармати, тавриани, Скуфия, фраци, Македония, Далматия, молоси, Фесалия, Локрия, Пеления, яже и Полопонисъ наречется, Аркадия, Ипириноя, Илурикъ, словене,[4] Лухития, Аньдриакия, Аньдриатиньска пучина. Имать же и островы: Вританию, Сикелию, Евию, Родона, Хиона, Лзвона, Куфирана, Закуньфа, Кефалиния, Ифакину, Керкуру, и часть всякоя страны,[5] и нарицаемую Онию, и рку Тигру, текущюю межи Миды и Вавилономъ; до Понетьского моря,[6] на полунощныя страны, Дунай, Днепръ и Кавькасийскыя горы, рекше Угорьскыя,[7] и оттуда, рекше, доже и до Днепра, и прочаая ркы: Десна, Припеть, Двина, Волховъ, Волга, иже идеть на въстокъ, въ часть Симову. Въ Афетови же части сдить русь, чюдь и вси языц: меря, мурома, всь, мордва, заволочьская чюдь, пермь, печера, ямь, югра, литва, зимигола, корсь, лтьгола, либь.[8] Ляхов же, и пруси[9] и чюдь присдять к морю Вяряскому. По сему же морю сдять варязи[10] смо къ вьстоку до предла Симова, по тому же морю сдять къ западу до земли Агаряньски[11] и до Волошьскые.[12]

Афетово же колно и то: варязи, свеи, урмане, гот,[13] русь, аглян, галичан,[14] волохове,[15] римлян, нмци, корлязи,[16] венедици, фрягов и прочии, присдять от запада къ полуденью и съсдятся съ племенем Хамовомъ.

Симъ же, и Хамъ и Афетъ, раздливше землю, и жребии метавше, не переступати никомуже въ жребий братень, и живяху кождо въ своей части. И бысть языкъ единъ. И умножившимся человком на земли, и помыслиша создати столпъ до небеси въ дни Нектана и Фалека. И събравшеся на мст Сенарь поле здати <…> столпъ до небесе и городъ около его Вавилонъ, и здаша столпъ за 40 лт, и не свршенъ бысть. И сниде Господь Богъ видть город и столпа, и рече Господь: «Се родъ единъ и языкъ единъ». И смси Богъ языкы, и раздли на 70 и на два языка, и расся по всей земли. По размшеньи же языкъ Богъ втромъ великомъ раздруши столпъ, и есть останокъ его межи Асура и Вавилона, и есть въ высоту и въ шириню лакотъ 5433 локотъ, въ лта многа хранимъ останокъ.[17]

По раздрушении же столпа и по раздлении языкъ прияша сынове Симовы въсточныя страны, а Хамовы же сынове полуденныа страны. Афетови же сынове западъ прияша и полунощьныя страны. От сихъ же 70 и дву языку бысть языкъ словенескъ, от племени же Афетова, нарцаеми норци,[18] иже суть словен.

По мнозхъ же временхъ сл суть словени по Дунаеви, кде есть нын Угорьская земля и Болгарьская. От тхъ словенъ разидошася по земьли и прозвашася имены своими, кде сдше на которомъ мст. Яко пришедше сдоша на рц именемъ Морав, и прозвашася морава, а друзии чес нарекошася. А се ти же словне: хорвати блии, серпь и хорутане[19] Волохомъ бо нашедшим на словены на дунайскые, и сдшимъ в нихъ и насиляющимъ имъ.[20] Словне же ови пришедше и сдоша на Висл, и прозвашася ляхов, а от тхъ ляховъ прозвашася поляне, ляхов друзии — лютиц, инии мазовшане, а инии поморяне.[21]

Такоже и т же словне, пришедше, сдоша по Днепру и наркошася поляне, а друзии деревляне, зане сдоша в лсхъ, а друзии сдоша межи Приптью и Двиною и наркошася дреговичи, и инии сдоша на Двин и нарекошася полочане, рчькы ради, яже втечеть въ Двину, именемь Полота,[22] от сея прозвашася полочан. Словне же сдоша около озера Илмера, и прозвашася своимъ именемъ, и сдлаша городъ и нарекоша и Новъгородъ. А друзии же сдоша на Десн, и по Семи,[23] и по Сул[24] и наркошася сверо.[25] И тако разидеся словенескъ языкъ, тмьже и прозвася словеньская грамота.