Изборник. Памятники литературы Древней Руси

Поляномъ же живущим о соб по горамъ симъ, и б путь из Варягъ въ Гркы, и изъ Гркъ по Днепру, и врхъ Днпра волокъ до Ловоти, и по Ловоти внити в Илмерь озеро великое, из негоже озера потечеть Волховъ и втечеть въ озеро великое Нево, и того озера внидет устье в море Варяское.[26] И по тому морю внити доже и до Рима, а от Рима прити по тому же морю къ Цесарюграду, и от Царяграда прити в Понтъ море, в неже втечет Днпръ рка. Днпръ бо течеть изъ Воковьского лса,[27] и потечеть на полудни, а Двина изъ того же лса потечет, и идеть на полуночье и внидет в море Варяское. Ис того же лса потечеть Волга на въстокъ и вътечет седьмьюдесятъ жерелъ в море Хвалийское.[28] Тмьже из Руси можеть ити по Волз в Болгары и въ Хвалисы, и на въстокъ доити въ жеребий Симовъ, а по Двин въ Варягы, а изъ Варягъ и до Рима, от Рима же и до племени Хамова. А Днепръ втечет в Понтеское море треми жералы, иже море словеть Руское, по нему же училъ святый апостолъ Андрй, братъ Петровъ.

Якоже ркоша, Андрю учащю в Синопии, пришедшю ему в Корсунь, увид, яко ис Коръсуня близъ устье Дьнпръское, и въсхот поити в Римъ, и приде въ устье Днепръское, и оттол поиде по Днпру гор.[29] И по приключаю приде и ста подъ горами на берез. И заутра, въставъ, рече к сущимъ с нимъ ученикомъ: «Видите горы сия? Яко на сихъ горахъ въсияеть благодать Божия: имать и городъ великъ быти и церкви мьногы имат Богъ въздвигнути». И въшедъ на горы сиа, и благослови я, и постави крестъ, и помолився Богу, и слзе съ горы сея, идеже послже бысть Киевъ, и поиде по Днпру гор. И приде въ словены, идеже нын Новъгород, и видвъ люди ту сущая, какъ ихъ обычай и како ся мыють и хвощются, и удивися имъ. И иде въ Варягы, и приде в Римъ, исповда, елико научи и елико вид, и рече имъ: «Дивно видхъ землю словеньску, идущю ми смо. Видхъ бан древяны, и пережьгуть я велми, и съвлекутся, и будуть нази, и обольются мытелью, и возмуть вникы, и начнуть хвостатися, и того соб добьють, одва вылзуть еле живы,[30] и обольются водою студеною, и тако оживут. И тако творять по вся дни, не мучими никымже, но сами ся мучать, и то творят не мытву себ, а <…> мученье».[31] И се слышавше, дивляхуся. Андрй же, бывъ в Рим, приде въ Синопию.

Поляномъ же живущиим о соб и владющимъ роды своими, яже и до сея братья бяху поляне, и живяху кождо съ родом своимъ на своихъ мстехъ, володюще кождо родомъ своимъ. И быша 3 брата: а единому имя Кий, а другому Щекъ, а третьему Хоривъ, и сестра ихъ Лыбдь. И сдяше Кий на гор, кд нын увозъ Боричевъ,[32] а Щекъ сдяше на гор, кд нын зовется Щековица, а Хоривъ на третьей гор, отнюду же прозвася Хоривица. Створиша городокъ во имя брата ихъ старйшаго и наркоша и Киевъ.[33] И бяше около города лсъ и боръ великъ, и бяху ловяще зврь, бяхуть бо мудр и смыслени, и нарицахуся поляне, от нихъ же суть поляне — кияне и до сего дни.

Инии же, не вдуще, ркоша, яко Кий есть перевозникъ бысть, у Киева бо перевозъ бяше тогда съ оноя страны Днепра, тмь глаголаху: «На перевозъ на Киевъ». Аще бо былъ перевозникъ Кый, то не бы ходилъ къ Цесарюграду. Но сий Кий княжаше в роду своем, и приходившю ему къ цесарю — не свмы, но токмо о смъ вмы, якоже сказають: яко велику честь приялъ есть от цесаря, которого не вмъ и при котором приходи цесари.[34] Идущю же ему опять, приде къ Дунаеви, и възлюби мсто, и сруби городокъ малъ, и хотяше ссти с родомъ своимъ, и не даша ему близъ живущии; еже и донын нарчють дунайци городище Киевць. Киеви же пришедшю въ свой городъ Киевъ, ту и сконча животъ свой, и брата его — Щекъ и Хоривъ, и сестра ихъ Лыбдь ту скончашася.

И по сей братьи почаша држати родъ ихъ княжение в поляхъ, а въ деревляхъ свое, а дрьговичи свое, а словне свое въ Новгород, а другое на Полот, иже и полочан. От сихъ же и кривичи, иже сдять на верхъ Волгы, и на врхъ Двины и на врхъ Днпра, ихъже и городъ есть Смолнескъ; туда бо сдять кривичи. Таже сверо от них. На Бл озер сдять всь, а на Ростов озер меря, а на Клещин озер[35] сдять мря же. А по Оц рц, кде втечеть въ Волгу, языкъ свой — мурома, и черемиси свой языкъ, и мордва свой языкъ. Се бо токмо словнескъ языкъ в Руси: поляне, деревляне, новъгородьци, полочане, дьрьговичи, сверо, бужане, зане сдять по Бугу, послже же волыняне.

И се суть инии языц, иже дань дают Руси: чудь, весь, меря, мурома, черемись, мордва, прмь, печера, ямь, литва, зимгола, корсь, нерома, либь: си суть свой языкъ имуще, от колна Афетова, иже живуть на странахъ полунощныхъ.