Изборник. Памятники литературы Древней Руси

В лто 6374. Иде Асколдъ и Диръ на Гркы, и приде въ 14 лто (Михаила цесаря.[61] Цесарю же отшедъшю на агаряны,[62] и дошедшю ему Черное ркы,[63] всть епархъ[64] посла ему, яко русь идеть на Цесарьград, и воротися цесарь. Си же внутрь Суда[65] вшедъше, много убийство християномъ створиша, и въ двою сту кораблий Цесарьград оступиша. Цесарь же одва в городъ вниде, и с патриарьхом Фотиемъ[66] къ сущий церкви святий Богородици Вълахерни всю нощь молитву створиша, такоже божественую ризу святыя Богородица с псьнми изнесъше, в рку омочиша.[67] Тишин сущи и морю укротившюся, абье буря с втром въста,[68] и волнамъ великымъ въставшим засобь, и безъбожных руси корабля смяте, и къ берегу приврже, и изби я, яко малу ихъ от таковыя бды избыти и въсвояси възвратишася.

В лто 6375.

В лто 6376. Поча цесарствовати Василий.[69]

В лто 6377. Крещена бысть вся земля Болгарьская.[70]

В лто 6378. В лто 6379. В лто 6380. В лто 6381. В лто 6382. В лто 6383. В лто 6384. В лто 6385. В лто 6386.

В лто 6387. Умршю же Рюрикови предасть княжение свое Олгови, от рода ему суща, въдавъ ему на руц сына своего Игоря, бяше бо молодъ велми.[71]

В лто 6388. В лто 6389.

В лто 6390. Поиде Олгъ, поемъ вои свои многы: варягы, чюдь, словны, мрю, весь, кривичи. И прия городъ Смольнескъ и посади в нем мужь свой. Оттуда поиде внизъ и, пришедъ, взя Любечь,[72] и посади мужь свой. И придоста къ горамъ киевьскымъ, и увид Олгъ, яко Осколдъ и Диръ княжита, и похорони вои въ лодьях, а другыя назади остави, а самъ приде, нося Игоря молода. И приступль под Угорьское, похоронивъ вои свои, и посла къ Асколду и Диру, глаголя, яко «Гостье есмы, идемъ въ Гркы от Олга и от Игоря княжича. Да придета к роду своему, к нам». Асколдъ же и Диръ придоста, и выскакаша вси из лодй, и рече Олгъ къ Асколъдови и Дирови: «Вы нста князя, ни роду княжя, но азъ есмь роду княжа», и вынесоша Игоря: «Сь сынъ Рюриковъ». И убиша Асколъда и Дира, и несоша на гору, и погребоша на гор, еже ся нын зоветь Угорьское, идеже нын Олминъ дворъ; на той могил поставилъ божницю святаго Николы: и Дирова могила за святою Ориною.[73] И сде Олегъ, княжа в Киев, и рече Олегъ: «Се буди мати городом русскымъ». И бша у него словни и варязи и прочии, прозвашася русью. Се же Олегъ нача городы ставити, и устави дани словном, и кривичемъ и мерямъ, и устави варягом дань даяти от Новагорода 300 гривенъ на лто, мира для, еже до смерти Ярославля даяше варягом.

В лто 6391. Поча Олегъ воевати на древляны, и примучивъ я, поча на них дань имать по черьн кун.

В лто 6392. Иде Олегъ на свяры, и побди сверы, и възложи на нихъ дань легъку, и не дасть имъ козаромъ дани даяти, рекъ: «Азъ имъ противенъ, а вамъ не чему».

В лто 6393. Посла Олегъ к радимичем, ркя: «Кому дань даете» Они же рша: «Козаром». И рече имъ Олегъ: «Не давайте козаромъ, но мн давайте». И вдаша Олгови по щелягу,[74] якоже и козаромъ даяху. И б обладая Олегъ деревляны, полями, радимичи, а со уличи и тиверьци имяше рать.

В лто 6394.

В лто 6395. Леонъ царствова, сынъ Васильевъ, иже Левъ прозвася, и брат его Александръ, иже цесарствоваша ‹…› лт 26.[75]

В лто 6396. В лто 6397. В лто 6398. В лто 6399. В лто 6400. В лто 6401. В лто 6402. В лто 6403. В лто 6404. В лто 6405.

В лто 6406. Идоша угре мимо Киевъ горою, еже ся зоветь нын Угорьское, и пришедше къ Днпру, сташа вежами; бша бо ходяще, яко и половци. И пришедше от въстока и устремишася чересъ горы великыя, иже прозвашася горы Угорьскыя, и почаша воевати на живущая ту. Сдяху бо ту преже словене и волохове, переяша землю Волыньскую.[76] Посемъ же угре прогнаша волохы, и наслдиша землю ту, и сдоша съ словеньми, покоривше я подъ ся. И оттол прозвася земля Угорьска. И начаша воевати угре на Гркы, и пополниша землю Фрачьскую и Македоньску доже и до Селуня.[77] И начаша воевати на Мораву и на Чехы. Б бо единъ языкъ словнскъ:[78] словн, иже сдяху по Дунаю, ихъже прияша угре, и морава, и чеси, и ляхов, и поляне, яже нын зовемая Русь. Симъ бо прве положены[79] книгы морав? яже и прозвася грамота словеньская, яже грамота е в Руси и в болгарехъ дунайскых.