Изборник. Памятники литературы Древней Руси

Словномъ бо живущимъ кресщеным и княземъ ихъ, Ростиславъ, и Святополкъ и Коцелъ[80] послаша къ цесарю Михаилу, глаголюще: «Земля наша крщена, и нсть в нас учитель, иже бы нас училъ и казалъ, и протолоковалъ святыя книгы. Не разумемъ бо ни грчькому языку, ни латиньскому — оны бо ны инако учать, а друзии — инако, тмьже не разумем книжнаго разума, ни силы ихъ. А послете ны учителя, иже могуть ны сказати книжная словеса и разумъ ихъ». Се слышавъ, Михаилъ цесарь съзъва философы вся и сказа имъ рчи вся словеньскыхъ князь. И ркоша философы: «Есть мужь в Селуни, именемь Левъ, И суть у него сынове, разумиви язьку словеньску, и хытра два сына у него и философа». Се слышавъ, цесарь посла по ня в Селунь къ Лвови, глаголя: «Пошли к намъ сына своя, Мефедья и Костянтина».[81] Се слышавъ, Левъ въскор посла я. И придоста къ цесареви, и рече има цесарь: «Се прислалася ко мн словеньская земля, просяще учителя себ, иже бы моглъ имъ истолковати святыя книгы, сего бо желают». И умолена быста цесаремъ, и послаша я въ словньскую земьлю къ Ростиславу, и Святополку и Коцьлови. Сима же пришедъшима, начаста съставляти писмена азъбуковьная словеньскы, и преложиста Апостолъ и Еуангелие. И ради быша словн, яко слышаша величья Божия своимъ языком. Посемъ же переложиста Псалтырь и Октаикъ[82] и прочая книгы. Нции же начаша хулити словеньскыя книгы, глаголюще, яко: «Не достоить никоторому же языку имти буковъ своихъ, разъв еври, и гркъ и латины, по Пилатову писанию, еже на крест Господни написа».[83] Се же услышавъ, папежь римьскый[84] похули тхъ, иже ропьщют на книгы словньскыя, рька: «Да ся исполнит книжное слово: яко “Въсхвалять Бога вьси языци”; другое же: “Вси възглаголють языкы различными величья Божия, якоже дасть им Святый Духъ отвщевати”. Да аще кто хулить словеньскую грамоту, да будут отлучени от церкве, дондеже исправятся; ти бо суть волци, а не овц, яже достоить от плодъ познати я и хранитися ихъ. Вы же, чада, Божия послушайте учения и не отринете наказания церковнаго,[85] якоже вы наказалъ Мефедий, учитель вашь». Костяньтинъ же възвратися въспять и иде учить болгарьска языка, а Мефедий оста въ Морав. Посемь же Коцелъ князь постави Мефедия епископа въ Пании, на мст святаго апостола Андроника, единого от 70, ученика святаго апостола Павла. Мефедий же посади 2 попа борзописца велми, и преложи вся кьнигы исполнь от грцька языка въ словнскъ шестью мсяць, наченъ от марта мсяца до двунадесяту и 6 дний октября мсяца. Окончавъ же, достойную хвалу и славу Богу въздасть, дающему таку благодать[86] епископу Мефедью, настолнику Андроникову. Тмьже словньску языку есть учитель Андроникъ апостолъ. Моравы бо доходилъ и апостолъ Павелъ и училъ ту; ту бо е Илурикъ, егоже доходилъ апостолъ Павелъ, ту бо бяша словни прве. Тмьже словньску языку учитель есть Павелъ, от негоже языка и мы есме русь, тмже и намъ руси учитель есть Павелъ апостолъ, понеже училъ есть языкъ словнескъ и поставилъ есть епископа и намстника по себ Андроника словньску языку. А словнескъ языкъ и рускый одинъ. От варягъ бо прозвашася Русью, а прве бша словне; аще и поляне звахуся, но словньская рчь б. Полями же прозвашася, занеже в пол сдяху, языкъ словньскый б имъ единъ.

В лто 6407. В лто 6408. В лто 6409.

В лто 6410. Леонъ цесарь ная угры на болгары. Угре же, нашедше, всю землю Болгарьскую плноваху. Семеонъ же, увдавъ, на угры възвратися, угри противу поидоша и побдиша болгары, яко одъва Семеонъ въ Деръстеръ убжа.[87]

В лто 6411. Игореви възрастъшю, и хожаше по Олз и слушаше его, и приведоша ему жену от Плескова, именемь Ольгу.

В лто 6412. В лто 6413. В лто 6414.

В лто 6415. Иде Олегъ на Гркы, Игоря оставивъ Кыев.[88] Поя же множьство варягъ, и словнъ, и чюди, и кривичи, и мерю, и поляны, и сверо, и деревляны, и радимичи, и хорваты, и дулбы, и тиверци, яже суть толковины;[89] си вси звахуться Великая скуфь.[90] И сь сми всеми поиде Олегъ на конхъ и в кораблх, и б числомъ кораблий 2000. И приде къ Цесарюграду, и грци замкоша Судъ, а городъ затвориша. И вылзе Олегъ на берегъ, и повел воемъ изъволочити корабля на берегъ, и повоева около города, и много убийство створи грком, и полаты многы разбиша, а церькви пожьгоша, А ихъже имяху полоняникы, овхъ поскаху, другыя же мучаху, иныя же растрляху, а другыя въ море вметаша, и ина многа зла творяху русь грком, елико же ратнии творять.

И повел Олегъ воемъ своим колеса изъдлати и въставити корабля на колеса.[91] И бывшю покосну втру, успяша парусы с поля, и идяше къ городу. Видвше же грц, убояшася, и ркоша; выславше ко Ольгови: «Не погубляй город, имемься по дань, якоже хощеши». И устави Олегъ вои, и вынесоша ему брашна и вино, и не прия его — б бо устроено съ отравою. И убояшася грц и ркоша: «Нсть се Олегъ, но святый Дмитрий,[92] посланъ на ны от Бога». И заповда Олегъ дань даяти на 2000 кораблий, по 12 гривн на человка, а в корабли по 40 мужь.