Изборник. Памятники литературы Древней Руси

Няшася грци по се, и почаша грци мира просити, дабы не воевалъ Грцькой земли. Олегъ же, мало отступивъ от города, нача миръ творити съ цесарема грцькыма, съ Леономъ и съ Александром. Посла к нима в городъ Карла, Фарлофа, Велмуда, Рулава и Стмида, глаголя: «Имете ми ся по дань». И ркоша грц: «Чего хочете и дамы ти». И заповда Олегъ дати воемъ на 2000 кораблий по двнатьчать гривн на ключь, и потом даяти углады на руские городы: првое на Киевъ, таже и на Черниговъ, и на Переяславлъ, и на Полътескъ, и на Ростовъ и на Любечь и на прочая городы; по тмь бо городомъ сдяху князья, подъ Ольгом суще.

«Да приходять русь сълебное емлють, елико хотят, а иже придуть гостье, да емлють мсячину на 6 мсяць, и хлбъ, и вино, и мяса, и рыбы и овощемъ. И да творять имъ мовь, елико хотять. И поидут же русь домови, да емлют у цесаря вашего на путь брашно, и якоря, и ужа, и парусы и елико надоб.» И яшася грци, и ркоша цесаря и боярьство все: «Аще приидуть русь бес купли, да не взимают мсячины. Да запртить князь людем своимъ, приходящим руси зд, да не творят пакости в селхъ и въ стран нашей. Приходящии русь да витают у святаго Мамы, и послеть царство наше, да испишют имена ихъ, и тогда возмут мсячное свое — првое от города Киева, и пакы ис Чернигова и Переяславля и прочии городи. И да входять в городъ одиными вороты съ цесаревымъ мужемъ, безъ оружья, мужь 50, и да творят куплю, якоже имъ надоб, и не платяче мыта ни в чемьже».

Цесарь же Леонъ съ Александром миръ створиста съ Ольгом, имъшеся по дань, и рот заходивше межи собою, целовавше сами крестъ, а Ольга водиша и мужий его на роту по рускому закону: кляшася оружьемь своимъ, и Перуномъ, богомъ своимъ, и Волосом,[93] скотьимъ богомъ, и утвердиша миръ. И рече Олегъ: «Исшийте парусы паволочиты руси, а словном кропийнныя». И бысть тако. И повсиша щиты своя въ вратхъ, показающе побду, и поиде от Цесаряграда. И въспяша русь парусы паволочиты, а словне кропийнныя, и раздра я втръ. И ркоша словен: «Имемъся своим толъстинамъ — не даны суть словном парусы кропинныя». И приде Олегъ къ Киеву, неся золото, и паволокы, и овощи, и вина, и всяко узорочье. И прозваша Ольга «вщий» — бяху бо людие погани и невголоси.

В лто 6416. В лто 6417. В лто 6418.

В лто 6419. Явися звзда велика на запад копейнымъ образомъ.[94]

В лто 6420. Посла Олегъ мужи свои построити мира и положити ряды межи Гркы и Русью, и посла глаголя:

«Равно другаго свщания,[95] бывшаго при тхъже цесарихъ Лва и Александра. Мы от рода рускаго — Карлы, Инегелдъ, Фарлофъ, Веремудъ, Рулавъ, Гуды, Руалдъ, Карнъ, Фрелавъ, Рюаръ, Актеву, Труанъ, Лидуль, Фостъ, Стемиръ, иже послани от Олга, великаго князя рускаго, и от всх, иже суть под рукою его, свтълыхъ бояръ, к вамъ, Львови и Александру и Костянтину, великьмъ о Боз самодржьцем, цесаремь грцкымъ, на удржание и на извщение от многыхъ лтъ межю християны и Русью бывшюю любовь, похотньемъ наших князь и по повелнию и от всхъ, иже суть подъ рукою его сущих руси. Наша свтлость боле инхъ хотящихъ же о Боз удржати и извстити такую любовь, бывшюю межю хрестияны и русью многажды, право судихом, не точью простословесенъ и писаниемь и клятвою твердою, клншеся оружьемь своимъ, такую любовь извстити и утврдити по вр и по закону нашему.

Суть, яко понеже мы ся имали о Божии вр и любви, главы таковыя: по првому слову да умиримся с вами, гркы, да любимъ другъ друга от всея душа и изволнья, и не вдадимъ, елико наше изволение, быти от сущих под рукою нашихъ князь свтлыхъ никакомуже съблазну или вин. Но потщимся, елико по сил, на схранение прочихъ и вьсегда лтъ с вами, гркы, исповданиемь и написанием съ клятвою извщаемую любовь непревратну и непостыжну. Тако же и вы, грци, да храните таку же любовь къ княземъ же свтлымъ нашим рускымъ и къ всмъ, иже суть подъ рукою свтлаго князя нашего, несъблазнену и непреложну всегда и въ вся лта.

А о главах, иже ся ключит проказа, урядимся сице: да елико яв будеть показании явлеными, да имють врное о тацхъ явлении, а емуже начнуть не яти вры, да кленется часть та, иже ищеть неятью вры, да егда клнется по вр своей, будеть казнь, якоже явится съгршение.

О семъ, аще кто убиеть крестьяна русинъ, или христьянъ русина, да умреть, идеже аще створить убийство. Аще ли убжить створивый убийство, еще есть имовить, да часть его, сирчь иже его будеть по закону, да возметь ближний убьенаго, а и жена убившаго да иметь, толцмь же прибудеть по закону. Аще ли есть неимовит створивый убой и убжавъ, да држится тяжи, доньдеже обрящется, яко да умреть.

Аще ли ударить мечемь или бьеть кацмь любо ссудомъ, за то ударение или убьение да вдасть литръ 5 сребра по покону рускому; аще ли будеть неимовить тако створивый, да вдасть елико можеть, и да соиметь съ себе и ты самыя порты своя, в нихъже ходить, да о проч да рот ходить своею врою, яко никакоже иному помощи ему, да пребывает тяжа оттоле не взискаема.