Изборник. Памятники литературы Древней Руси

В лто 6423. Приидоша печензи првое на Рускую землю и, створивше миръ съ Игоремъ, идоша къ Дунаю. В си же времена приде Семеонъ, плняя Фракию.[114] Грци же послаша по печенгы. Печенгомъ же пришедъшимъ и хотящимъ на Семеона, расваришася грцкыя воеводы. Видвъше печенизи, яко сами на ся реть имуть, отидоша въсвояси, а болгаре съ гркы съступишася, и посчени быша грцы. Семеонъ же прия градъ Одьрнь, иже первое Орестовъ город нарицашеся, сына Агамемнонъ, иже првое въ трехъ ркахъ купався, недуга избы ту, сего ради град въ свое имя нарече. Послд же Андрянъ кесарь обновивый, въ свое имя нарече — Андрянъ; мы же зовемъ Ондрянем градом.[115]

В лто 6424. В лто 6425. В лто 6426. В лто 6427.

В лто 6428. Поставьленъ Романъ цесаремъ въ Грцхъ. Игорь же воеваше на печенгы.

В лто 6429. В лто 6430. В лто 6431. В лто 6432. В лто 6433. В лто 6434. В лто 6435. В лто 6436.

В лто 6437. Прииде Семеонъ на Цесарьград, и поплни Фракию и Македонью, и приде къ Цесарюграду в сил велиц и в горъдости, и створи миръ с Романомъ цесарем и възвратися въсвояси.[116]

В лто 6438. В лто 6439. В лто 6440. В лто 6441.

В лто 6442. Првое придоша угри на Цесарьград и пленяху всю Фракию. Романъ же створи миръ со угры.[117]

В лто 6443. В лто 6444. В лто 6445. В лто 6446. В лто 6447. В лто 6448.

В лто 6449. Иде Игорь на Гркы.[118] И яко послаша болгаре всть къ цесарю, яко идуть Русь на Цесарьград, скдий[119] 10 тысящь. Иже и поидоша, и приплуша, и почаша воевати Вифаньскыя страны, и плноваху по Понту до Ираклия и до Фофлагоньскы земля, и всю страну Никомидийскую пополониша,[120] и Судъ всь пожьгоша. Ихъже емъше, овхъ растинаху, и другия же сторожи поставьляюще,[121] стрлами растрляху и изъламляху опакы руци связавше, и гвозды желзны посред головъ въбивахуть има. Мьного же и святыхъ церквий огьневи предаша, и имнье немало обою сторону взяша. Потомъ же пришедшемъ воемъ от въстока, Панфиръ деместникъ съ четырмидесятъ тысящь, Фока же патрикий съ македоны, Феодоръ же стратилатъ съ фракы,[122] и с ними же и сановницы боярьстии, обидоша русь около. И свщаша русь, и изидоша противу, въоружившеся на гркы, и брани межю има бывши зл, одва одолша грци. Русь же възвратишася къ дружин своей к вечеру и, на ночь влзъше въ лодья, отбгоша. Феофанъ же усрте я въ олядхъ съ огнемъ, и нача пущати огнь трубами на лодья рускыя.[123] И бысть видти страшно чюдо. Русь же, видяще пламень, вмтахуся въ воду морьскую, хотяще убрсти, и тако прочии възвратишася въсвояси. Тмьже пришедъшимъ в землю свою, повдаху кождо своимъ о бывшемъ и олядьнмъ огни: «Якоже молонья, — рече, иже на небесихъ, грци имуть в себе, и сию пущающе, жьжаху насъ, и сего ради не одолхом имъ». Игорь же, пришедъ, и нача съвокупляти вои многы, и посла по варягы за море, вабя и на гркы, паки хотя поити на ня.

В лто 6450. Семеонъ иде на хорваты, и побженъ бысть хорваты, и умре, оставивъ Петра, сына своего, княжить.[124] В се же лто родися Святославъ у Игоря.[125]

В лто 6451. Пакы приидоша угре на Цесарьград и, миръ створивше с Романом, възвратишася въсвояси.

В лто 6452. Игорь совокупи воя многы — варягы, и русь, и поляны, и словны, и кривичи, и тиверцы, и печенгы ная и тали в нихъ поемъ, поиде на гркы в лодьяхъ и на конехъ, хотя мьстити себе. Се слышавше, корсунци послаша къ Роману, глаголюще: «Се идуть Русь, покърыли суть море корабли». Тако же и болгаре послаша всть, глаголюще: «Идуть Русь и печенгы наяли суть к соб». Се слышавъ, цесарь посла къ Игореви лутьшии бояры, моля и глаголя: «Не ходи, но возьми дань, юже ималъ Олегъ, и придамъ еще къ той дани». Такоже и печенгомъ послаша паволокы и золото много. Игорь же, дошедъ Дуная, съзва дружину, и нача думати и повда имъ рчь цесареву. Ркоша же дружина Игорева: «Да аще сице глаголеть цесарь, то что хощемъ боле того: не бившися, имати злато, и серебро, и паволокы? Еда кто всть: кто одолеть, мы ли, они ли? Или с моремъ кто свтенъ? Се бо не по земли ходимъ, но по глубин морьстий — и обьча смерть всмъ». И послуша ихъ Игорь, и повел печенгомъ воевати Болгарьскую землю, а самъ, вземъ у гркъ злато и паволокы на вся воя, възвратися въспять и приде къ Киеву въсвояси.

В лто 6453. Присла Романъ, и Костянтинъ и Стефанъ слы къ Игореви построити мира прваго. Игорь же глаголавъ с ними о мир. Посла Игорь мужи свои къ Роману. Романъ же събра бояры и сановникы. И приведоша рускыя слы, и повелша глаголати и писати обоихъ речи на харотью: