Изборник. Памятники литературы Древней Руси

Аще ли обьрящются русь работающе у гркъ, аще суть полоняници, да искупають а русь по 10 золотникъ; аще ли купилъ и будет грчинъ, под крестомъ достоить ему, да възметь цну, елико же далъ будеть на нем.

О Корсуньсций сторон.[129] Колко же есть городъ на той части, да не имуть власти князи рускыи, да воюеть на тхъ сторонахъ, а та страна не покоряется вам, и тогда, аще просит вой от насъ князь рускый, дамы ему, елико ему будет треб, и да воюет.

И о томъ, аще обрящют русь кувару[130] грчьску, вывержену на нкоемъ любо мст, да не приобидять ея. Аще ли от нея възметь кто что или человка поработить или убьеть, да будеть повиненъ закону рускому и грцкому.

И аще обрящють русь коръсуняны, рыбы ловяща въ устьи Днпра, да не творят имъ зла никакогоже.

И да не имють русь власти зимовати въ устьи Днепра, Блобережии, у святаго Елеуфрья,[131] но егда придеть осень, да идуть в домы своя в Русь.

А о сихъ, иже то приходять черьнии болгаре и воюють въ стран Корсуньстий, и велимъ князю рускому, да ихъ не пущаеть, и пакостять сторон его.

Или аще ключится проказа нкака от гркъ, сущихъ подъ властью царства нашего, да не имате власти казнити я, но повелньемь царства нашего, да приимет, якоже будеть створилъ.

И аще убьеть крестьянинъ русина, да држимъ будеть створивый убиство от ближнихъ убьенаго, да убьють и. Аще ли ускочить створивы убой и убжить, и аще будеть имовит, да возмуть имнье его ближнии убьенаго; аще ли есть неимовитъ створивый убийство и ускочить, да ищють его, дондеже обрящется, да убьенъ будет.

Или аще ударит мечемъ, или копьемъ, или кацемъ инымъ съсудом русинъ грчина, или грчинъ русина, да того для грха заплатить серебра литръ 5 по закону рускому. Аще ли есть неимовит, да како можеть, въ толко же и проданъ будеть, яко да и порты, в нихъже ходить, и то с него сняти, а о прочи да на роту ходит по своей вр, яко не имя ничтоже, ти тако пущенъ будеть.

Аще ли хотти начнеть наше царьство от вас вои на противящася намъ, да пишют к великому князю вашему, и пошлеть к намъ, елико хощемъ; и оттол увдять иныя страны, каку любовь имют грци с русью.

Мы же свщание все положимъ на двою харатью, и едина харотья есть у царства нашего, на нейже есть крестъ и имена наша написана, а на другой сли ваши и гостье ваши. А отходяче со слом царства нашего да допроводять к великому князю Игореви рускому и к людемъ его, и ти, приимающе харотью, на роту идуть хранити истину, якоже мы свщахом и написахом на харотью сию, на нейже суть написана имена наша.

Мы же, елико насъ крестилися есмы, кляхомся церковью святаго Ильи въ зборнй церкви и предлежащимъ честнымъ крестомъ, и харотьею сею, хранити же все, еже есть написано на ней, и не преступати от того ничтоже. А оже переступить се от страны нашея, или князь, или инъ кто, или кресщенъ или некрщенъ, да не имать от Бога помощи, и да будуть рабы в сий вкъ и в будущий, и да заколенъ будеть своимъ оружьемъ.

А некрщении русь да полагають щиты своя и мечи свои нагы, и обручи свои и прочая оружья, и да клнуться о всем, и яже суть написана на харотье сей, и хранити от Игоря и от всхъ бояръ и от всх людий и от страны Рускыя въ прочая лта и всегда.

Аще ли же кто от князь и от людий рускыхъ или крестьянъ, или некресщеный переступить все, еже написано на харотье сей, и будеть достоинъ своимъ оружьемь умрети, и да будет клятъ от Бога и от Перуна, и яко преступи свою клятъву.

Да обаче будеть добр Игорь великый князь да хранить любовь вьсю правую, да не раздрушится, дондеже солнце сияет и всь миръ стоить, въ ныншняя вкы и в будущая».

Послании же сли Игоремъ придоша къ Игореви съ слы грцкими и повдаша вся рчи цесаря Романа. Игорь же призва послы грцкыя, рече «Молвите, что вы казалъ цесарь?» И ркоша сли цесареви: «Се посла ны цесарь, радъ есть миру и хочеть миръ имти съ князем рускымъ и любовь. И твои сли водили суть цесаря нашего рот, и насъ послаша рот водить тебе и мужь твоихъ». И общася Игорь сице створити. И наутря призва Игорь сли, и приде на холъмы, кде стояше Перунъ, и покладоша оружья своя, и щиты и золото, и ходи Игорь рот и мужи его, и елико поганыя руси, а хрестьяную русь водиша въ церковь святаго Ильи, яже есть надъ Ручьемъ, конць Пасыньц бесды, и козар: се бо б сборная церкви, мнози бо бша варязи хрестьяни.[132] Игорь же, утврдивъ миръ съ гркы, отпусти слы, одаривъ скорою, и челядью и воском, и отпусти я. Сли же придоша къ цесареви и повдаша вся рчи Игоревы и любовь, яже къ грком.

Игорь же нача княжити въ Киев, и миръ имя къ всмъ странамъ. И присп осень, и нача мыслити на деревляны, хотя примыслити болшюю дань.[133]