Изборник. Памятники литературы Древней Руси

В лто 6454. Ольга съ сыномъ Святославомъ събра вои многы и храбры, и иде на Деревьскую землю. И изыдоша древляне противу. И снемъшемася обма полкома на скупь, суну копьемъ Святославъ на деревляны, и копье летвъ сквози уши коневи и удари в ногы коневи, б бо велми дтескъ.[140] И рече Свенгелдъ и Асмудъ: «Князь уже почалъ, потягнемъ, дружино, по князи». И побдиша деревьляны.[141] Деревлян же побгоша и затворишася в городхъ своихъ. Ольга же устрмися съ сыномъ своимъ на Искоростнь городъ, яко т бяху убил мужа ея, и ста около города съ сыномъ своимъ, а деревляне затворишася в город, и боряху крпько из города, вдаху бо, яко сами убил князя и на что ся предати. И стоя Ольга лто цло, и не можаше взяти города, и умысли сице: посла къ городу, ркущи: «Чего хощете досдти? А вси ваши городи передашася мн, и ялися по дань, и длають нивы своя и землю свою, а вы хощете голодомъ измерети, не имучися по дань». Деревляни же рькоша: «Ради быхомъ ся яли по дань, но хощеши мьшати мужа своего». Рече же имъ Ольга, яко «Азъ уже мьстила есмь мужа своего, когда придоша къ Киеву, и второе, и третьее, еже когда творяхут трызъну мужю моему. А уже не хощю отмщения творити, но хощю дань имати помалу и, смирившися с вами, поиду опять». Ркоша же древляне: «Что хощеши у нас? Ради даемъ и медом и скорою». Она же рече имъ: «Нын у вас нту меду, ни скоры, но мала у васъ прошю: дайте ми от двора по три голуби и по три воробьи. Азъ бо не хощю тяжькы дани възложити на васъ, якоже мужь мой, но сего у вас прошю мала: изнемогли бо ся есте въ осад, да вдайте ми се малое». Деревляне же ради быша, събраша же от двора по три голуби и по три воробьи, и послаша къ Ольз с поклоном. Ольга же рече имъ: «Се уже ся есте покорил мн и моему дтяти, а идете в городъ, а язъ заутра отступлю от города и поиду в городъ свой». Деревьляне же ради быша, вънидоша в город и повдаша людемъ, и обрадовашася людье в городе. Ольга же раздая воемъ комуждо по голуби, а дьругимъ по воробьеви, и повел къемуждо голубеви и воробьеви привязати чрь и, обрътываючи въ платкы малы, нитькою поврьзаючи къ всмъ голубемъ и воробьемъ. И повел Ольга, яко смрчеся, пустити голуби и воробии воемъ своимъ. Голуби же и воробьеве полетша въ гнзда своя, ови в голубникы своя, воробьеве же подъ острхы, и тако загарахуться голубници, и от нихъ клти и одрины. И не б двора, идеже не горяше, и не б льз гасити, вси бо двор възгоршася. И побгоша людье из города, и повел Олга воемъ своимъ имати я. И яко взя городъ и пожьже и, старйшины же города изънима и прочая люди овхъ изби, а другия работ преда мужем своимъ, а прокъ остави ихъ платити дань.

И възложи на ня дань тяжьку, и дв части идета Киеву, а третьяя — Вышегороду къ Ольз; б бо Вышегородъ[142] Ольжинъ город. И иде Олга по Деревьской земли съ сыномъ своимъ и дружиною своею, уставляющи уставы и урокы, и суть становища ея и ловища ея. И приде в городъ свой Киевъ съ сыномъ своимъ Святославом и, пребывши лто едино, в лто 6455 иде Олга Новугороду. И устави по Мьст погосты и дань, и по Луз погосты[143] и дань, и оброкы; и ловища ея суть по всей земли, и знамения и мста и погосты. И сани ея стоять въ Плесъков и до сего дни, и по Днпру перевсища и по Десн, и есть село ея Ольжичи и до сего дни. Изрядивши, възвратися къ сыну своему в Киевъ и пребываше с ним въ любви.

В лто 6456. В лто 6457. В лто 6458. В лто 6459. В лто 6460. В лто 6461. В лто 6462.