Изборник. Памятники литературы Древней Руси

В лто 6472. Князю Святославу възрастьшю и възмужавшю, нача воя съвокупляти многы и храбры. Б бо и самъ хоробръ и легокъ, ходя аки пардусъ, войны многы творяше. Возъ бо по себ не возяше, ни котла, ни мясъ варя, но потонку изрзавъ конину, или зврину, или говядину, на угълехъ испекъ, ядяше, ни шатра имяше, но подъкладъ постилаше, а сдло въ головах; тако же и прочии вои его вси бяху. И посылаше къ странам, глаголя: «Хочю на вы ити».[161] И иде на Оку рку и на Волгу, и налзе вятичи и рече имъ: «Кому дань даете?» Они же ркоша: «Козаром по щелягу от рала даем».

В лто 6473. Иде Святославъ на козары. Слышавше же, козаре изыдоша противу съ княземъ своим каганомъ, и съступиша ся бити, и бывши брани межи ими, одол Святославъ козаром и городъ ихъ Блу Вежю взя.[162] И ясы побди и касогы, и приде къ Киеву.

В лто 6474. Побди вятичь Святославъ и дань на нихъ възложи.

В лто 6475. Иде Святославъ на Дунай на Болъгары.[163] И бившимъся, одол Святославъ болгаромъ и взя городовъ 80 по Дунаю, и сде княжа ту въ Переяславци, емля дань на грцхъ.

В лто 6476. Придоша печенизи првое на Рускую землю, а Святославъ бяше в Переяславци. И затворися Ольга съ внукы своими Ярополкомъ, и Олгомъ и Володимеромъ в город Киев. И оступиша печенизи городъ в сил тяжьц, бещисленое множьство около города, и не б лз вылсти изъ града, ни всти послати, и изънемогаху людье гладом и водою. И събравшеся людье оноя страны Днпьра в лодьяхъ и об ону страну стояху, и не б лз внити в Киевъ ни единому же ихъ, ни изъ города къ онмъ. И въстужиша людье в город и ркоша: «Н ли кого, иже бы на ону страну моглъ доити и речи имъ: аще не приступите утро подъ городъ, предатися имамъ печенгом?» И рече одинъ отрокъ: «Азъ могу преити». Горожани же, ради бывше, ркоша отроку: «Аще можеши, како ити — иди». Онъ же изыде изъ града съ уздою и хожаше сквоз печенгы, глаголя: «Не вид ли коня никтоже?» Б бо умя печенжскы, и и мняхуть и-своихъ. И яко приближися к рц, свргъ порты съ себе, сунуся въ Днпръ, и побрде. И видвше, печензи устрмишася на нь, стрляюще его, и не могоша ему ничтоже створити. Они же, видвше съ оноя страны, прихавше в лодьи противу ему, взяша и в лодью и привезоша и къ дружин. И рече имъ: «Аще не подъступите заутра рано подъ город, предатися имуть людье пченгом». Рече же имъ воевода ихъ, именемъ Претичь: «Подъступимъ заутра в лодьях и, попадъше княгиню и княжичи, умьчимъ на сю страну, и люди.[164] Аще ли сего не створим, погубити ны имать Святославъ». И яко бысть заутра, всдоша в лодья противу свту, въструбиша велми трубами, и людье въ град кликоша. Печениз же мнша князя пришедша, побгоша розно от града. И изыде Олга съ внукы и съ людми к лодьямъ. И видвъ же, князь печенжьскый възвратися единъ къ воевод Притичю и рече: «Кто се приде?» И рече ему: «Людье оноя страны». И рече князь печенжьскый: «А ты князь ли еси?» Онъ же рече: «Азъ есмь мужь его и пришелъ есмь въ сторожехъ, а по мн идеть вой бещисленое множьство». Се же рече, грозя имъ. И рече князь печенжьскый Претичу: «Буди ми другъ». Онъ же рече: «Тако буди». И подаста руку межю собою, и въдасть печенжьскый князь Претичю конь, саблю, стрлы. Онъ же дасть ему брони, щитъ, мечь. И отступиша печенз от города, и не бяше лз коня напоити: на Лыбеди печенгы. И послаша киян къ Святославу, глаголюще: «Ты, княже, чюжей земли ищешь и блюдешь, а своея ся лишивъ: мал бо нас не възяша печензи, и матерь твою и дтий твоихъ. Аще не придеши, ни оборониши нас, да пакы възмуть. Аще ти не жаль отьчины своея, и матерь, стары суща, и дти своих?» То слышавъ, Святославъ вборз въсдъ на кони съ дружиною своею и приде къ Киеву, и цлова матерь свою и дти своя, съжалиси о бывшем от печенгъ. И събра воя и прогна печенгы в поле, и бысть мирно.

В лто 6477. Рече Святославъ къ матери своей и къ боярам своимъ: «Не любо ми есть в Киев жити, хочю жити в Переяславци в Дунаи, яко то есть среда земли моей, яко ту вся благая сходяться: от Гркъ паволокы, золото, вино и овощи разноличьнии, и и-Щеховъ и изъ Угоръ — серебро и комони, изъ Руси же — скора, и воскъ, и медъ и челядь». И рече ему мати: «Видиши ли мя болну сущю, камо хощеши от мене?» — б бо разболлася уже. Рече же ему: «Погребъ мя, иди аможе хощеши». И по трехъ днехъ умре Олга. И плакася по ней сынъ ея, и внуци ея и людье вси плачемъ великим и, несъше, погребоша ю на мст. И б заповдала Олга не творити трызны над собою, б бо имущи прозвутера, и тъ похорони блажену Олгу.