Изборник. Памятники литературы Древней Руси

И посла слы къ цесареви в Дерестръ, б бо ту цесарь, ркя сице: «Хочю имти миръ с тобою твердъ и любовь». Се же слышавъ, цесарь радъ бысть и посла дары къ нему болша првыхъ. Святославъ же прия дары и поча думати съ дружиною своею, ркя сице: «Аще не створимъ мира съ цесаремъ, а увсть цесарь, яко мало нас есть и, пришедше, оступят ны в город. А Руская земля далече есть, а печензи с нами ратни, а кто ны поможет? Но створим миръ с цесаремъ, се бо ны ся по дань ялъ, и то буди доволно намъ. Аще ли начнет не управляти дани, то изнова изъ Руси, съвокупивше вои множайша, и придемъ къ Цесарюграду». И люба бысть рчь си дружин, и послаша лпьшии мужи къ цесареви, и придоша въ Дерьстеръ, и повдаша цесареви. Цесарь же наутря призва я, и рече цесарь: «Да глаголють сли руссции». Они же ркоша: «Тако глаголеть князь нашь: хочю имти любовь съ царем грцькымъ свршену прочая вся лта». Цесарь же, радъ бывъ, повел письцю писати на харотью вься рци Святославли. И начаша глаголати сли вся рчи, и нача писець писати. Глаголя сице:

«Равно другаго свщания,[172] бывшаго при Святослав, велицмь князи рустмъ и при Свнгельд, писано при Феофил синкел и ко Иоану, нарцаемому Цимьскому,[173] цесарю грцкому, в Дерьстр, мсяца иулия, индикта 14, в лто 6479.

Азъ Святославъ, князь рускый, якоже кляхся, и утвржаю на свщании семъ роту свою и хочю имти миръ и свршену любовь съ всякымъ и великымъ цесаремь[174] грцьким и съ Васильем и съ Костянтином, и съ богодохновенными цесари, и съ всими людми вашими, иже суть подо мною Русь, бояре и прочии, до конца вка. Яко николиже помышляю на страну вашю, ни сбираю людий, ни языка иного приведу на страну вашю и елико есть подъ властию грцькою, ни на власть Коръсуньскую и елико есть городовъ ихъ, ни на страну Болъгарьску. Да аще инъ кто помыслит на страну вашю, да язъ буду противенъ ему и бьюся с ним. Якоже и кляхся азъ к цесаремь грцьскымъ, и со мною бояре и русь вся, да хранимъ правая свщания. Аще ли от тхъ самхъ и преждереченыхъ не храним, азъ же и со мною и подо мною, да имемъ клятву от Бога, в неже вруемъ — в Перуна и въ Волоса, бога скотья, да будем золот, якоже золото се,[175] и своимъ оружьемь да иссчени будемъ, да умремъ. Се же имете во истину, якоже створихъ нын к вамъ, и написахъ на харотьи сей и своими печатьми запечатахомъ».

Створивъ же миръ Святославъ съ гркы и поиде в лодьяхъ къ порогом. И рече ему воевода отень и Свнгелдъ: «Поиди, княже, около на конех, стоять бо печензи в порозхъ». И не послуша его и поиде въ лодьяхъ. Послаша же переяславци къ печенгом, глаголя: «Идеть Святославъ в Русь, възем имнье много у гркъ и полонъ бещисленъ, а с маломъ дружины». Слышавше же печензи се, заступиша порогы.[176] И приде Святославъ къ порогомъ, и не б лз проити пороговъ. И ста зимовать въ Блобережьи, не б в них брашна, и бысть гладъ великъ, яко по полугривн голова коняча, и зимова Святославъ. Весн же приспвъши, поиде Святославъ в порогы.

В лто 6480. Приде Святославъ в порогы, и нападе на ня Куря, князь печенжьскый, и убиша Святослава, и взяша голову его, и во лб его здлаша чашю, оковавше лобъ его, и пьяху в немъ. Свнгелдъ же приде къ Киеву къ Ярополку. И бысть всхъ лт княжения Святославля лт 28.

В лто 6481. Нача княжити Ярополкъ.

В лто 6482.

В лто 6483. Ловы дюшю Свньгелдичю, именемъ Лотъ, ишедъ бо изъ Киева, гна по зври в лс. Узр и Олегъ и рече: «Кто се есть?». И ркоша ему: «Свнгелдиць». И, захавъ, уби и, б бо ловы дя Олегъ. И о том бысть межи има ненависть, Ярополку на Ольга, и молвяше всегда Ярополку Свнгелдъ: «Поиди на брата своего и приимеши власть един его», хотя отмьстити сыну своему.

В лто 6484.

В лто 6485. Поиде Ярополкъ на Олга, брата своего, на Деревьскую землю. И изыде противу ему Олегъ, и ополчистася, и сразившимася полкома, и побди Ярополкъ Олга. Побгъшю же Олгови с вои своими в город, ркомый Вручий,[177] и бяше мостъ чресъ гроблю к воротам городным, и, тснячися другъ друга, спехнуша Олга с моста въ дебрь. И падаху людье мнози с моста, и удавиша и кони и человци. И вшедъ Ярополкъ в город Олговъ, прия волость его, и посла искати брата своего, и искавше его, не обртоша. И рече одинъ древлянинъ: «Азъ видхъ вчера, яко съпехънуша и с моста». И посла Ярополкъ искатъ, и волочиша трупье изъ гробли от утра и до полудни, и налзоша исподи Олга подъ трупьемъ, и внесъше, положиша и на ковр. И приде Ярополкъ надъ онь и плакася, и рече Свеньгелду: «Вижь, иже ты сего хотяше». И погребоша Ольга на мст у города Вручего, и есть могила его у Въручего и до сего дни. И прия волость его Ярополкъ. И у Ярополка жена гркини б, и бяше была черницею, юже б привелъ отець его Святославъ и въда ю за Ярополка, красы для лица ея. Слышавъ же се Володимиръ в Новгород, яко Ярополкъ уби Олга, убоявся, бжа за море. А Ярополкъ посади посадникъ свой въ Новгород, и б володя единъ в Руси.

В лто 6486. В лто 6487.

В лто 6488. Приде Володимиръ с варягы къ Новугороду и рече посадником Ярополъчимъ: «Идете къ брату моему и речете ему: Володимиръ идеть на тя, пристраивайся противу бится». И сде в Новгород.