Изборник. Памятники литературы Древней Руси

В лто 6492. Иде Володимиръ на радимици. И б у него воевода Волчий Хвостъ, и посла пред собою Володимиръ Волчия Хвоста, и срте радимичи на рц Пищан,[193] и побди Волчий Хвостъ радимичи. Тмь и русь корятся радимичемъ, глаголюще: «Пщаньци волъчья хвоста бгають». Быша же радимичи от рода ляховъ; и, пришедше ту, ся вселиша, и платять дань в Руси, и повозъ везуть и до сего дне.

В лто 6493. Иде Володимиръ на Болъгары съ Добрынею, уемъ своимъ, в лодьяхъ, а торкы берегомъ приведе на конехъ. И тако побди болгары.[194] И рече Добърыня Володимиру: «Съглядахъ колодникъ, и суть вси в сапозхъ. Симъ дани намъ не платити, поидев искать лапотникъ». И сътвори миръ Володимиръ с болгары, и рот заходиша межи собою, и рша болгаре: «Толи не буди мира межи нами, оли же камень начнеть плавати, а хмель грязнути». И приде Владимиръ къ Киеву.

В лто 6494. Приидоша болгаре вры бохъмичи,[195] глаголюще, яко «Ты князь еси мудръ и смысленъ и не вси закона; да вруй въ законъ наш и поклонися Бохъмиту». Рече Володимиръ: «Кака есть вра ваша?» Они же рша: «Вруемъ Богу, а Бохъмитъ ны учить, глаголя: обрзати уды тайныя, а свинины не сти, а вина не пити, и по смерти съ женами похоть творити блудную. Дасть Бохъмить комуждо по семидесятъ женъ красенъ, и избереть едину красну, и всхъ красоту възложит на едину, и та будеть ему жена. Зд же, рече, достоить блудъ творити всякый. На семъ же свт аще будет кто убогъ, то и тамо, аще ли богатъ есть зд, то и тамо». И ина многа лсть, еяже нелз писати срама ради. Володимиръ же слушаше ихъ, б бо самъ любяше жены и блужение многое, и послушаше сладъко, Но се б ему не любо: обрзание удовъ и о неядении свиныхъ мясъ, а о питьи отинудь рекъ: «Руси веселье питье, не можемъ безъ того быти». По семъ же придоша нмци от Рима, глаголюще, яко «Придохомъ послани от папежа». И ркоша ему: «Реклъ ти папежь: “Земля твоя яко земля наша, а вра ваша не акы вра наша, вра бо наша свтъ есть, кланяемъся Богу, иже створи небо и землю, и звзды, и мсяць и всяко дыхание, а бози ваши — древо суть”». Володимиръ же рече: «Кака есть заповдь ваша?» Они же рша: «Пощение по сил. Аще кто пьеть или сть, все въ славу Божию,[196] рече учитель нашъ Павелъ». Рече же Володимиръ нмцомъ: «Идете опять, яко отци наши сего не прияли суть». Се слышавше, жидове козарьстии[197] приидоша, ркуще: «Слышахомъ, яко приходиша болъгаре и хрестьяни, учаще тя кождо ихъ вр своей. Хрестьяни бо врують, егоже мы распяхомъ, а мы вруемъ едину Богу Аврамову, Исакову, Ияковлю». И рече Володимиръ: «Что есть законъ вашь?» Они же рша: «Обрзатися и свинины не ясти, ни заячины, суботу хранити». Онъ же рече: «То кде есть земля ваша?» Они же рша: «Въ Иерусадим». Онъ же рече: «То тамо ли есть?» Они же рша: «Разъгнвалъся Богъ на отци наши и расточи ны по странам грхъ ради нашихъ, и предана бысть земля наша хрестьяномъ».[198] Володимиръ же рече: «То како вы инхъ учите, а сами отвржени от Бога? Аще бы Богъ любилъ васъ, то не бысте расточнени по чюжимъ землямъ. Еда и намъ то же мыслите зло прияти?»

По семъ прислаша грци къ Володимиру философа, глаголюще сице: «Слышахомъ, яко приходили суть болгаре, учаще тя приняти вру свою. Ихъ же вра оскврняеть небо и землю, иже суть проклят паче всхъ человкъ, уподобльшеся Содому и Гомору, на няже пусти Богъ камнье горущее и потопи я, и погрязоша,[199] яко и сихъ ожидаеть день погибели ихъ, егда придеть Богъ судити на землю и погубити вься творящая безаконье и скврны дющая. Си бо омывають оходы своя, поливавшеся водою, и въ ротъ вливають, и по брад мажются, наричюще Бохмита. Тако же и жены ихъ творят ту же скврну и ино же пуще: от совокупления мужьска вкушають». Си слышавъ, Володимиръ плюну на землю, рекъ: «Нечисто есть дло». Рече же философъ: «Слышахомъ же и се, яко приходиша от Рима учить васъ к вр своей, ихъ же вра с нами мало же развращена: служать бо опрснокы, рекши оплатъкы, ихъже Богъ не преда, но повел хлбом служити, и преда апостоломъ, приимъ хлбъ, и рек: “Се есть тло мое, ломимое за вы”. Такоже и чашю приимъ, рече: “Се есть кровь моя новаго завта”.[200] Си же того не творять, и суть не исправил вры». Рече же Володимиръ: «Придоша къ мн жидове, глаголюще: яко нмьци и грци врують, егоже мы распяхом». Философъ же рече: «Воистину в того вруемъ, тхъ бо пророци прорькоша, яко Богу родитися, а другии — распяту быти и третьй день въскреснути и на небеса възити. Они же ты пророкы и избиваху, а другия претираху. Егда же събысться проречение ихъ, сниде на землю, и распятье приятъ, и въскресе и на небеса възиде, а сихъ же ожидаше покаянья за 40 лтъ и за 6, и не покаяшася, и посла на ня римляны. Грады ихъ разъбиша, а самхъ расточиша по странам, и работають въ странахъ». Рече же Володимиръ: «Что ради сниде Богъ на землю и страсть таку приятъ?» Отвщавъ же, рече философъ: «Аще хощеши, княже, послушати из начала, что ради сниде Богъ на землю?» Володимиръ же рече: «Послушаю, радъ». И нача философъ глаголати сице:[201]