Изборник. Памятники литературы Древней Руси

По семъ же дьяволъ в болша прелщения въврже человкы, и начаша кумиры творити, ови древяныа и мдяныя, а друзии мороморяны, златы и сребряны, и кланяхуться имъ, и привожаху сыны своя и дьщери своя и закалаху предъ ними, и б вся земля оскврнена. И началникъ же бяше кумиротворению Серухъ, творяше бо кумиры въ имена мерътвыхъ человкъ, бывшимъ овмъ цесаремъ, другымъ храбрымъ, и волъхвомъ, и женамъ прелюбодицамъ. Се же Серухъ роди Фару, Фара же роди 3 сыны: Аврама, и Нахора, и Арана.[206] Фара же творяше кумиры, навыкъ у отца своего. Аврамъ же, пришедъ въ ум, възрвъ на небо, и рече: «Воистину той есть Богъ, иже створилъ небо и землю, а отець мой прельщает человкы». И рече Аврамъ: «Искушю богь отца своего» и рече: «Отче! Прельщаеши человкы, творя кумиры древяны. То есть Богъ, иже створилъ небо и землю». И приимъ Аврамъ огнь, зажьже идолы въ храмин. Видвъ же се Аранъ, братъ Аврамовъ, рвнуя по идолхъ, хот умьчати идолъ, самъ згор ту Аранъ и умре пред отцемъ. Пред смъ бо не умиралъ сынъ предъ отцемъ, но отець пред сыномъ, и от сего начаша умирати сынове пред отцемъ. И възлюби Богъ Аврама, и рече Богъ Авраму: «Изиди изъ дому отца твоего и поиди в землю, в нюже ти покажю, и створю тя въ языкъ великъ, и благословять тя колна земная». И створи Аврамъ, якоже заповда ему Богь. И поя Аврамъ Лота, сыновца своего, и б бо ему Лотъ шюринъ и сыновець, б бо Аврамъ поялъ братьню дщерь Ароню, Сарру. И приде в землю Хананйску къ дубу высоку, и рече Богь къ Авраму: «Смени твоему дамъ землю сию». И поклонися Аврамъ Богу. Аврамъ же бяше лт 75, егда изиде от Хараона. Б же Сарра неплоды, болящи неплодскым. Рече Сарра Авраму: «Влзи убо къ раб моей». И поемши Сарра Агарь и вдасть ю мужеви своему, и влзъ Аврамъ къ Агари. И зача Агарь и роди сына, и прозва Аврамъ Измаилом, а Аврамъ же б лт 86, егда родися Измаил. По семъ же, заченши, Сарра роди сына и нарече имя ему Исакъ. И повл Богъ Авраму обрзати отроча, и обрза Аврам въ 8 день. И възълюби Богь Аврама и племя его, и нарече я в люди себ, и отлучи я от языкъ, нарекъ люди своя. Сему же Исаку възмогшу, Авраму же живущю лт 175 и умре, и погребенъ бысть. Исаку же бывшю лт 60, роди два сына — Исава и Якова. Исавъ же бысть лукавъ, а Яков правдивъ. Сий же Яковъ работа у уя своего изъ дьщери его из меньшие 7 лт, и не дасть ему ея Лаван, уй его, рекъ: «Старйшюю поими». И вдасть ему Лию, старйшюю, и изъ другое рекъ ему: «Другую работай 7 лт». Онъ же. работа другую 7 лт из Рахили. И поя себ 2 сестреници, от неюже роди 8 сыновъ: Рувима, Семеона, Левгию, Июду, Исахара, и Заулона, Иосифа и Веньамина, и от робу двою: Дана, Нефталима, Гада, Асира. И от сихъ расплодишася жидов. Ияковъ же сниде въ Егупетъ, сы лт 130 с родомъ своим, числом 65 душь. Поживе же в Егупт лт 17, и успе, и поработиша племя его за 400 лт.