Изборник. Памятники литературы Древней Руси

Рече же Володимиръ: «То въ кое время събысться се? И было ли се есть? Еда ли топрво хощет быти се?» И философъ же, отвщавъ, рече ему, яко «Уже преже сьбысться все, егда Богъ въплотися. Якоже преже ркох, жидомъ пророкы избивающим, цесаремъ ихъ законы преступающим, предасть я на расхыщение въ пленъ, и ведени быша въ Асурию, грхъ ради их, и работаша тамо лт 70. И по семъ възвратишася на землю свою, и не б у нихъ цесаря, но архиери обладаху ими <…> до Ирода иноплеменьника, иже облада ими.[243]

В сего же власть, в лто 5000 и 500 посланъ бысть Гаврилъ въ Назарефъ къ двици Марьи, от колна Давидова, рещи ей: «Радуйся, обрадованная, Господь с тобою!»[244] И от слова сего зачатъ Слово Божие во утроб, и породи сына, и нарече имя ему Исусъ. И се волъсви приидоша от въстока, глаголюще: «Кде есть рожийся цесарь жидовескъ? Видхом звзду его на въстоци, приидохом поклонится ему». Слышавъ же се, Иродъ цесарь смятеся, и всь Иерусалимъ с нимъ, и, призвавъ книжникы и старци людьскыя, въпрашаше: «Кде Христосъ ражается?» Они же рша ему: «Въ Вифлеом июдйстмь». Иродъ же, се слышавъ, посла, рекъ: «Избйте младенца сущаа до дву лту». Они же, шедше, избиша младениць 14 000. Марья же, убоявшися, скры отроча. Иосифъ же съ Мариею, поимъ отроча и бжа въ Егупетъ, и бысть ту до умертвия Иродова. Въ Егупте же явися аньглъ Иосифу, глаголя: «Въстани, поими отроча и матерь его и иди в землю Израилеву». Пришедъшю же ему, вселися въ Назарефъ. И възрастъшю же ему и бывшю ему лт 30, нача чюдеса творити и проповдати царство небесное. Изъбра 12 и яже ученикы себ нарече, и нача чюдеса творити велика: мертвыя въскрешати, прокаженыя очищати, хромыя ходити, слпымъ прозрнье творити, и ина многа чюдеса велика, якоже бша пророци прорекли о немъ, глаголюще: «Тъ недугы наша ицли, и болезни подъя». И крестися въ Иердан от Ивана,[245] показая новымъ людем обновление. Крестившю же ся ему, и се отврзошася небеса, и Духъ сходящь зраком голубиномъ на нь, и глас глаголя: «Се есть сынъ мой възлюбленый, о немъже благоизволих».[246] И посылаше ученикы своя проповдати царство небесное и покаяние въ оставленье грховъ. И хотя исполнити пророчьство, и нача проповдати, яко подобает сыну человчьскому пострадати, и распяту быти, и въ 3 день въскреснути. И учащю ему въ церкви, архиери исполнишася зависти и книжници искаху убити и, и емъше и, ведоша и къ игмону Пилату.[247] Пилатъ же, испытавъ, яко безъ вины предаша и, хот пустити и. Они же рша ему: «Аще того пустиши, не имаеши быти другь кесареви». Пилатъ же повел, да и расъпнут. Они же, поемъше Исуса, ведоша и на мсто краньево, …мсто краньево… — От греч. «кранион» — череп. Название дано холму в окрестностях древнего Иерусалима по сходству его очертаний с черепом (отсюда же термин — «лобное место», как место казни). Тот же холм именуется Голгофой. и ту и распяша. И бысть тма по всей земли от шестаго часа до 9-го, и при 9-мь час испусти духъ Исусъ. И церковьная запона раздрася надвое, и мертвии въстаяху мьнози, имъже повел въ раи быти. И снемъше же и съ креста, положиша и въ гроб, и печатьми запечаташа гробъ людье же жидовьстии, и стражи приставиша, ркуще: «Еда украдуть и нощью ученичи его». Онъ же въ 3 день въскресе. И явися учеником, и въскресъ изъ мертвыхъ, рекъ имъ: «Идете въ вся языкы и научите вся языкы, крестяще во имя Отца и Сына и Святаго Духа». И пребысть с ними 40 дний, являяся имъ по въскресении. И егда исполнися дьний 40, повел имъ ити на гору Елеоньскую. И ту явися имъ и, благословивъ я, рече имъ: «Сядете въ град Иерусалим, дондеже послю обтование Отца моего». И егда възношашеся на небо, ученикы поклонишася ему. И възъратишася въ Иерусалимъ и бяху воину въ церкви. И егда скончася днии 50, сниде Духъ Святый на апостолы, и приимъше обтование Святаго Духа, разидошася по вьселенй, учаще и крестяще водою».