Изборник. Памятники литературы Древней Руси

И минувшу лту, в лто 6496, иде Володимеръ с вои на Корсунь, град грчкый, и затворишася корсуняни въ град.[250] И ста Володимръ об онъ полъ града в лимени, вьдале града стрлище едино. И боряхуся крпко горожан с ними. Володимеръ обьстоя град. И изнемогаху людие въ град, и рече Володимеръ к гражаномъ: «Аще ся не вдасте, имамъ стояти за три лта». Они же не послушаша того. Володимеръ же изряди воя своя и повел приспу сыпати к граду. Сим же спущимъ, корсуняне, подкопавше стну градьскую, крадяху сыплемую перьсть и ношаху к соб в град, сыплюще посред града. Вои же присыпаху боле, и Володимеръ стояше. И се мужь именемь Анастасъ корсунянинъ стрли, написавъ на стрл: «Кладези, яже суть за тобою от вьстока, ис того вода идеть по труб, копавше, преимете воду». Володимеръ же, се слыша, възрвъ на небо, и рече: «Аще ся сбудеть, се имамъ креститися». И ту абье повел копати прекы трубамъ, и переяша воду. И людье изнемогаху жажею водною и предашася. И вниде Володимеръ въ град и дружина его, и посла Володимиръ къ цесареви, Василию и Костянтину, глаголя сице: «Се град ваю славный взях; слышю же се, яко сестру имаете двою, да аще ея не вдасте за мя, то створю граду вашему, яко и сему створихъ». И се слышавша цесаря, быста печална, посласта всть, сице глаголюще: «Не достоить крестьяномъ за поганыя посягати и даяти. Аще ли ся крестиши, то приимеши се и получиши царство небесное, и с нами единоврникъ будеши. Аще ли сего не хощеши створити, не можев дати сестры своей за тя». И с слышавъ Володимръ и рече посланымъ от цесарю: «Глаголите цесарема тако, яко азъ кресщюся, яко испытахъ преже сихъ дний законъ вашь, и есть ми любъ, и вра ваша и служение, иже ми исповдаша послании нами мужи». И се слышавша цесаря и рада быста, и умолиста сестру свою, именемь Анну, и посласта к Володимеру, глаголющи: «Крестися, тогда послев сестру свою к тоб». И рече Володимиръ: «Да пришедше съ сестрою вашею крестять мя». И послушаста цесаря и посласта сестру свою и сановникы нкыя и прозвутеры. Она же не хотяше ити яко в поганыя,[251] и рече им: «Луче бы ми сде умрети». И рста ей брата: «Еда како обратить Богъ Рускую землю в покаяние, а Грчкую землю избавиши от лютыя рати. Видиши ли колико зло створиша русь гркомъ? Нын же, аще не идеши, то же имуть творити намъ». И одва принудиста. Она же, всдши в кубару, цловавши ужикы сво с плачемь, поиде чресъ море. Яко приде ко Корсуню, и излзоша корсуняни с поклономъ, и введоша ю въ градъ, и посадиша ю в полат. По Божью же строенью вь се время разболлся Володимиръ очима и не видяше ничтоже, и тужаше велми, и не домышляше, что створити. И посла къ нему цесариця, рекуще: «Аще хощеши болезни сея избыти, то вьскор крестися, аще ли ни, то не имаеши избыти сего». И си слышавъ, Володимеръ рече: «Аще се истина будет, поистн великъ Богъ крестьянескь». И повел крестити ся. И епископъ же корсуньскый с попы цесарицины, огласивъ и, и крести Володимра. И яко возложи руку на нь, и абье прозр. Видив же се Володимеръ напрасное исцление и прослави Бога, рекъ: «То первое увидхъ Бога истиньнаго». Си же увидивше дружина его, мнози крестишася. Крести же ся въ церкви святое Софьи,[252] и есть церкви та стояще в Корсуни град, на мст посред града, идеже торгъ дють корсунян; полата Володимря воскрай церкви стоить и до сего дни, а цесарицина полата за олътаремь. По кресщении же приведе цесарицю на обручение.

Се же не свдуще право, глаголють, яко крестился есть в Кыев, инии же рша — в Василев, друзии же рша инако сказающе.

Не знающие же истины говорят, что крестился Владимир в Киеве, иные же говорят — в Васильеве, а другие и по-иному скажут.