Изборник. Памятники литературы Древней Руси

Рече же Володимиръ къ философу: «Что ради от жены родися, и на дьрев распятъся, и водою крестися?». Философъ же рече ему: «Сего ради, понеже испрва родъ человчьскый женою съгрши: дьяволъ прелсти Евгою Адама, и отпаде рая; тако же и Богъ отмстье створи дьяволу, женою прве побженье бысть дьяволу, женою бо прьве[248] испадение бысть Адаму из раа; от жены же пакы въплътися Богъ и повел в рай ити врным. А еже на древ распяту быти, сего ради, яко от древа вкушь и испаде породы; Богъ же на древ страсть приать, да древом диаволь побжен будет, и от древа праведнаго приимут праведнии. А еже водою обновление, понеже при Нои умножившемъся грхом въ человцех, и наведе Богъ потопь на землю и потопи человкы водою. Сего ради рече Богъ: «Понеже погубих водою человкы грх ради их, нын же пакы водою очищу грхы человком обновлениемь водою», ибо жидовьскый род въ мори очистишася от египетскаго злаго нрава, понеже вода изначала бысть пръвое; рече бо, и Духъ Божий ношашеся връху воды, еже бо и нын крестятся водою и Духом. Проображение бысть пръвое водою, якоже Гедеон прообрази. Егда прииде к нему аггелъ, веляше ему ити на мадиама, онъ же, искушая, рече къ Богу, положивь руно на гумн, рекь: «И аще будет по всей земли роса, а на рун суша…». И бысть тако. Се же прообрази, яко иностраны бша преже суша, а жидове — руно, послже на странах роса, еже есть святое крещение, а на жидх суша. И пророци же проповдаша, яко водою обновление будет.

Апостолом же учащим по вселенней вровати Богу, их же учение и мы, греци, приахом, и вся вселеннаа врует учению их. Нарекль же есть Богъ един день, в он же хощет судити, пришедый, живым и мертвым и въздати комуждо по длом их: праведному царство небесное, и красоту неизреченную, веселие без конца, и не умирати в вкы, а гршником — мука огненна, и червь неусыпаемый, и муц не будет конца. Сице же будут мучениа, иже не вруют Господу нашему Иисус Христу: мучими будут въ огни, иже ся не крестит». И се рекь, показа ему запону, на нейже б написано судище Господне, показываше же ему одесную праведныа въ веселии предъидуща в рай, а ошуюю — гршныа, идущих въ муку. Вълодимер же, въздохнувь рече: «Добро сим одесную, горе же сим ошуюю». Он же рече: «Аще хощеши одесную стати, то крестися». Вълодимеръ же положи на сердци своем, рекь: «Пожду еще мало», хотя испытати о всх врах. Вълодимер же, сему дары многы въдавь, отпусти съ честию великою.