Изборник. Памятники литературы Древней Руси

Првое же начаша пророчьстьвовати Осий, глаголя: «Преставлю царство дому Израилева и скрушю лукъ Израилевъ, и не приложю пакы помиловати дому Израилева, но отмтаа, отвргуся ихъ, — глаголеть Господь, — и будут блудяще въ языцхъ».[211] Иеремя же рече: «Аще станеть Самуилъ и Моисй, не помилую ихъ», И пакы той же Еремя рече: «Тако глаголеть Господь: Се кляхся именемъ моим великымъ, аще будеть отсел кд имя мое именуемо въ устх июдйскыхъ».[212] Иезекеиль же рече: «Тако глаголеть Господь Аданай: Расъсю вы вся, останкы твоя въ вся втры, зане святая моя оскврнависте вьсими негодованми твоими. Азъ же тя отрину и не имамъ тя помиловати пакы».[213] Малахия же рече: «Тако глаголеть Господь: Уже нсть ми хотнья въ вас, понеже от въстока и до запада имя мое прославися въ языцх, и на всяком мст приносится кадило имени моего и жертва чиста, зане велье имя мое въ языцх. Сего ради дамъ васъ на поносъ и на пришествие въ вся языкы».[214] Исая великый рече: «Тако глаголеть Господь: Простру руку свою на тя, истьлю тя и расю тя, и не приведу тя». И пакы и тъ же рече: «Възненавидхъ праздникы ваша и начаткы мсяць ваших не приемлю».[215] Амосъ же пророкъ рече: «Слышите слово Господне: Азъ приемлю на вы плачь. Домъ Израилевъ падеся и не приложи въстати».[216] Малахия же рече: «Тако глаголеть Господь: Послю на вы клятву и проклну благословление ваше, и разорю, и не будет въ вас».[217]

И много пророчьствоваша о отвржении их. Симъ же пророкомъ повел Богъ пророчьствовати о призваньи инх странъ в них мсто. Нача звати Исая, тако глаголя: яко «Законъ от мене изидет, и судъ мой свтъ странамъ. Приближается скоро правда моя, изидеть, и на мышцю мою страны уповают».[218] Иеремя же рече: «Тако глаголеть Господь: И положю дому Июдову завтъ новъ, дая законы в разумнья ихъ, и на срдца ихъ напишю, и будут имъ въ Богъ, и ти будут мьн въ люди».[219] Исая же рече: «Ветхая мимоидоша, а новая възвщаю. И преже възвщения явлено бысть вамъ: пойте Господеви пснь нову. Работающим ми призоветь имя ново, еже благословиться имя ново, еже благословится имя всей земли. Домъ мой домъ молитв прозовется по всмъ языком».[220] Той же Исая глаголеть: «Открыеть Господь мыщьцю свою святую пред всми языкы. Узрять вси конци земля спасение Бога нашего».[221] Давидъ же: «Хвалите Господа вси языци, похвалите его вьси людье».[222]

Тако Богу възлюбившю новыя люди, рекъ имъ снити к нимъ самъ и явитися человком плотью и пострадати за Адамово преступление. И начаша пророчьствовати о воплощении Божии. И првое Давидъ, глаголя: «Рече Господь Господеви моему: сяди одсъную мене, дондеже положю врагы твоя подножье ногама твоима».[223] И пакы: «Рече Господь къ мн: сынъ мой еси ты, азъ днесь родих тя».[224] Исая же рече: «Не солъ, ни встьникъ, но самъ Господь, пришедъ, спасеть ны».[225] И пакы: «Яко дтищь родися намъ, ему же бысть начало на рам его. И прозовется имя его “велика свта ангелъ” и велика власть его, и миру его нсть конца».[226] И пакы: «Се въ утроб двая зачат и родить сынъ, и прозовуть имя ему Еммануилъ».[227] Михя же рече: «Ты Вифлеоме, доме Ефрантовъ, еда не многъ еси быти в тысящах Июдовах? Ис тебе бо ми изидет старйшина быти въ князех въ Израили; исходъ его от дний вка. Сего ради дасться до времени ражающая родит, и прочии от братья его обратятся на сыны Израилевы».[228] Иеремия же рече: «Се Богъ наш, и не въмнится инъ к нему. Изъобрте вьсякъ путь художьства, яко дасть Иякову, отроку своему. По сихъ же на земли явися и съ человкы поживе».[229] И пакы: «Человкъ есть, и кто увсть, яко Богъ есть, яко человкъ же умираеть».[230] Захарья же рече: «Не послушаша сына моего, и не услышю ихъ, глаголеть Господь».[231] Иосй рече: «Тако глаголеть Господь: Плоть моя от нихъ».[232]

Прорекоша же и о страсти его, ркуще, якоже рече Исая: «О лют души ихъ, понеже свтъ золъ свщаша, ркуще: Свяжемъ праведника».[233] И пакы той же рече: «Тако глаголеть Господь: Азъ не супротивлюся <…> ни глаголю противу. Плещи мои дах на раны, и ланит мои на заушение, и лица своего не отвратих от студа заплеваниа».[234] Еремия же рече: «Приидите, въложим древо въ хлбъ его, изътребимъ от земля животъ его».[235] Моисй же рече о распятьи его: «Узрите жизнь вашю висящю предъ очима вашима».[236] И Давидъ рече: «Въскую шаташася языци».[237] Исая же рече: «Яко овьча на заколенье веденъ бысть».[238] Ездра же рече: «Благословенъ Богъ, распростеръ руц свои и спаслъ Иерусалима».

И о въскресении же его рькоша. Давидъ: «Въстани, Боже, суди земли, яко ты наслдиши въ всх странах».[239] И пакы: «Да въскреснеть Богъ, и разидутся врази его».[240] И пакы: «Въскрсни, Господи Боже мой, да възнесеться рука твоя». Исая же рече: «Сходящии въ страну и снь смртьную, свтъ восияеть на вы».[241] Захарья же рече: «Ты въ крови завта твоего испустилъ еси ужникы своя от рова, не имущи воды».[242] И ино много пророчьствова о немъ же, и събыстся все.