Изборник. Памятники литературы Древней Руси

«Равно другаго свщания, бывшаго при цесаре Роман, и Костянтин, и Стефан,[126] христолюбивыхъ владыкъ. Мы от рода рускаго слы и гостье: Иворъ, солъ Игоревъ, великаго князя рускаго, и обьчии сли: Вуефастъ Святославль, сына Игорева, Искусеви Олгы княгыня, Слуды Игоревъ, нетий Игоревъ, Улбъ Володиславль, Каницарь Предславинь, Шигобернъ Сфандръ, жены Улбовы, Прастенъ Турдуви, Либиарь Фастов, Гримъ Сфирковъ, Прастнъ Якунъ, нетий Игоревъ, Кары Тудковъ, Каршевъ Тудоровъ, Егри Ерлисковъ, Воистовъ Иковъ,[127] Истръ Яминдовъ, Ятьвягъ Гунаревъ, Шибьридъ Алдань, Колъ Клековъ, Стегги Етоновъ, Сфирка, Алвадъ Гудовъ, Фудри Тулбовъ, Муторъ Утинъ, купць Адунь, Адолбъ, Ангивладъ, Улбъ, Фрутанъ, Гомолъ, Куци, Емигъ, Турьбридъ, Фурьстенъ, Бруны, Роалъдъ, Гунастръ, Фрастенъ, Инъгелдъ, Турбернъ и другий Турбернъ, Улбъ, Турбенъ, Моны, Руалдъ, Свнь, Стиръ, Алданъ, Тилий, Апубкарь, Свень, Вузелвъ, и Синько биричь, послании от Игоря, великаго князя рускаго, и от всея княжья и от всх людий Руское земли. И от тхъ заповдано объновити ветхый миръ и от ненавидящаго добра, вьраждолюбца дьявола разореный от многъ лт, утврдити любовь межю Гркы и Русью.

И великый нашь князь Игорь, и бояре его, и людие вси рустии послаша ны къ Роману, и Стефану, и Костянтину, великымъ цесаремъ грцкымъ, створити любовь съ самими цесари, и съ всмъ боярьствомъ и съ всими людми грцкыми на вся лта, дондеже солнце сияеть и всь миръ стоить.

Иже помыслить от страны Рускыя раздрушити таковую любовь, и елико ихъ крещенье прияли суть, да приимуть мсть от Бога вседржителя, осужение и на погибель и в сий вкъ и в будущий, а елико ихъ не кресщено есть, да не имуть помощи от Бога, ни от Перуна, да не ущитятся щиты своими, и да посчени будуть мечи своими, и от стрлъ и от иного оружья своего, и да будуть раби и в сий вкъ и будущий.

Великый князь рускый и бояр его да посылають на то въ Гркы к великымъ цесаремъ грцкым корабля, елико хотять, съ послы своими и гостьми, якоже имъ уставлено есть. Ношаху слы печати златы, а гостие серебряны. Нын же увдалъ есть князь вашь посылати грамоту къ царству нашему,[128] иже посылаеми бывають от нихъ послы и гостье, да приносять грамоту, пишюще сице, яко «послах корабль селико». И от тхъ да увмы и мы, оже с миромъ приходят. Аще ли безъ грамоты приидуть, и предани будуть намъ, држимъ и хранимъ, дондеже възвстимъ князю вашему. Аще ли руку не дадят и противятся, да убьени будуть, и да не изыщеться смерть ихъ от князя вашего. Аще ли, убжавше, приидуть в Русь, и мы напишемъ къ князю вашему, и яко имъ любо, тако створять. И аще придуть русь безъ купля, да не взимають мсячины. И да запретить князь слом своимъ и приходящий руси сде, да не творять бещинья в селхъ, ни въ стран нашей. И приходящимъ имъ, да витають у святаго Мамы, да послеть царство наше, да испишеть имена ихъ, и тогда възмуть мсячное свое, сли слбное свое, а гостье мсячное свое, првое от града Киева, и пакы ис Чернигова и ис Переяславля и прочии городи. И да входять в город одиными вороты съ цесаревомъ мужемъ безъ оружья, 50 мужь, и да творять куплю, якоже имъ надоб, и пакы да исходять; и мужъ цесарьства нашего да хранить я, да аще кто от руси или от гркъ створить криво да оправляет тъ. Входя же русь в городъ, да не творят пакости и не имють власти купити паволокъ лише по пятидесятъ золотникъ; и от тхъ паволокъ аще кто купить, да показаеть цесареву мужеви, и тъ я запечатаеть и дасть имъ. И отходящи руси отсюду, взимають от нас, еже надоби брашно на путь, и еже надоб лодьямъ, якоже уставлено есть првое, и да възвращаются съ спасениемъ въ свою сторону, и да не имуть волости зимовати у святаго Мамы.

И аще ускочить челядинъ от Руси, по не же приидуть въ страну царства нашего, и от святаго Мамы, и аще будеть и обрящеться, да поимуть и, аще ли не обрящется, да на роту идут наши христеяне руси, а не христьянии — по закону своему, ти тогда взимають от нас цну свою, якоже уставлено есть преже, 2 паволоц за челядинъ.

Аще ли кто от людий царства нашего, ли от города нашего, или от инхъ городъ ускочить челядинъ нашь къ вамъ и принесеть что, да взвратять е опять, и еже что принеслъ будеть цло все, да возмет от него золотника два имчнаго.

Аще ли покусится кто взяти от руси и от людий царства нашего, иже то створить, покажьненъ будеть вельми; аще ли и взялъ будеть, да заплатит сугубо. Аще ли створить то же грцинъ русину, да приимет ту же казнь, якоже приялъ есть онъ.

Аще ли ключится украсти русину от гркъ что, или грчину от руси, достойно есть, да възвратит е не точью едино, но и цну его. Аще украденое обрящется продаемо, да вдасть цну его сугубу, и тъ покажненъ будеть по закону грцкому, и по уставу грцкому и по закону рускому.

И елико християнъ от власти нашея пленена приведут русь ту, аще будеть уноша или двица добра, да въдадять золотникъ 10 и поимуть и. Аще ли есть средовчь, да вдасть золотникъ 8 и поиметь и. Аще ли будеть старъ или дтичь, да вдастъ золотникъ 5.