Ходатаица земной и вечной радости. О Пресвятой Богородице

Русь Православная с благодарностью чтит память князя Андрея Боголюбского. Святой князь явился одним из самых светлых лиц отечественной истории, и не напрасно сравнивали его современники с кротким Давидом и мудрым Соломоном. Деятельность его по неизреченному Промыслу Божию явилась основой для становления Северо-Восточной Руси. Андрей Боголюбский, став первым великорусским князем, своей деятельностью положил начало и показал образец своим потомкам; последним при благоприятных обстоятельствах предстояло совершить то, что намечено было их прародителем. Благоговело пред ним потомство, и Церковь причла его к лику небесных своих заступников вместе с другими священными витязями родного ему Владимира.

Перенесение митрополичьей кафедры из Киева во Владимир митрополитом Максимом в 1299 году, а затем митрополитом Петром в 1325 году в Москву было видимым знаком непрестанного попечения и Покрова Пресвятой Богородицы над Русской землей. В 1324 году в Москве, при Иоанне Калите, был построен Успенский собор, и стала возвышаться Москва. В скором времени она стала центром Северо-Восточной Руси, которую основал святой Андрей Боголюбский. Этим было положено начало объединению мелких и раздробленных княжеств в одно государство под главенством Москвы.

Часть 3. Молитвенное обращение к Божией Матери

Сотница первая

1. Богородице Дево, радуйся, Благодатная Марие, Господь с Тобою: благословенна Ты в женах и благословен Плод чрева Твоего, яко Спаса родила еси душ наших.

2. Радуйся, Благодатная, яко еще древле о Тебе рече Бог, яко Семя Твое сотрет главу змия — Сын Твой сокрушит диавола, проклятие и смерть. И ныне Тя, Богородицу, упразднившую державу змия древнего, сиречь диавола, и в мир введшую безсмертие, непрестанно величаем.

3. Радуйся, Благодатная, и, Исайе, ликуй, Дева име во чреве, и роди Сына Еммануила, Бога же и Человека, Восток имя Ему: Егоже величающе, Деву ублажаем.

4. Рождество Твое, Богородице Дево, радость возвести всей вселенней: из Тебе бо возсия Солнце правды Христос Бог наш и, разрушив клятву, даде благословение и, упразднив смерть, дарова нам живот вечный.

5. Высшую небес и Чистшую светлостей солнечных, избавлыную нас от клятвы, Владычицу мира песньми почтим.

6. Всяк земнородный да взыграется духом просвещаем, да торжествует же безплотных умов естество, почитающе священное торжество Богоматере, и да вопиет: радуйся, Всеблаженная Богородице, Чистая Приснодево.

7. Радуйся, Богородице Дево, радуйся, Похвало всея вселенныя, радуйся, Пречистая Мати Божия Благословенная, Юже вся тварь Божественными песньми величает.

8. Радуйся, величие Ангелов и человеков, светлое блистание Святаго Духа, Царица небеси и земли: на небесех благословенная, и на земли славословимая. Радуйся, Невесто Неневестная.

9. На Синайстей горе виде Тя в купине Моисей, неопально огнь Божества заченшую во чреве: Даниил же Тя виде гору несекомую, жезл прозябший, Исаиа взываше, от корене Давидова: и лествицу одушевленную, юже Иаков виде, и дверь небесную, Тебе виденную Иезекиилем пророком, еюже никтоже пройде, токмо Един Христос Бог наш. Тем веселящеся Тя, Марие Славная, достойно славим, величаем, православных Похвало.

10. Радуйся, Дево, яко купина неопалимая, та бо не сгораше опаляема, тако Дева родила еси и Дева пребыла еси нетленною, Приснодево.

11. Гору Тя, благодатию Божиего приосененную, прозорливыма Аввакум усмотрив очима, из Неяже изыти, провозглашайте, Святый, во спасение наше и обновление.

12. Кто Тебе не ублажит, Пресвятая Дево; кто ли не воспоет Твоего Пречистаго Рождества; небесная поют Тя, Марне Богоневестная, и язык всяк православных похваляет, и блажит, и славословит преславное Рождество Твое.

13. Величаем Тя, Пресвятая Дево, и чтим святых Твоих родителей, и всеславное славим рождество Твое.

14. Радуйся, Благодатная, поем Ти и величаем Тя, Пресвятая Дева, и чтим еже в храм Господень вхождение Твое. Велий Господь и хвален зело, во граде Бога нашего, в горе Святей Его. Освятил есть Селение Свое Вышний. Святыня и великолепие во святиле Его. Свят храм Твой, дивен в правде. Сия врата Господня, праведнии выйдут в ня. Предста Царица одесную Тебе, в ризах позлащенных одеяна преиспещрена. Лицу Твоему помолятся богатии людстии. Вся слава Дщери Царевы внутрь.

15. Радуйся, Благодатная, Пречистый Храм Спасов, многоценный чертог и Дева, священное сокровище славы Божия, днесь вводится в дом Господень, Благодать совводящи, яже в Дусе Божественном, Юже воспевают Ангели Божии. Сия есть Селение небесное.

16. Днесь благоволения Божия предображение и человеков спасение проповедание, в храме Божии ясно Дева является и Христа всем предвозвещает, Той и мы велегласно возопиим: радуйся, смотрения Зиждителева исполнение.

17. Радуйся, Благодатная, Богоизбранная Отроковица, приведенная во храм Господень и благословенная руками иереевыми. Ангели, вхождение Пречистыя зряще, удивишася, како Дева вниде во Святая святых, тем подаваша начало приведения к Богу рода человеческаго.