Хожение за три моря

А от Кельбергу поидох до Кулури²⁰⁷. А в Кулури же || родится ахикь, и ту его дѣлают, на весь свѣі оттуду его розвозят. А в Курили же алмазников триста сулях микунѣт. И ту же бых пять мѣсяць, а оттуду же, поидох Калики²⁰⁸. Ту же бозар велми великъ. А оттуду поидох Конаберга, а от Канаберга поидох к гпиху Аладину. А от шиха Аладина поидох ко Аменьдрие, и от Камендрия к Нарясу, и от Кинаряса к Сури, а от Сури поидох к Дабыли – пристанище Индийскаго моря.

Дабил^а[1062] же есть град велми велик, а к тому же Дабыли а^б[1063] съѣзжается вся іюмория Индийская и Ефиопская. Ту же и^в[1064] окаянеый^г[1065] аз рабище Афонасей^д[1066] бога вышняго, творца небу и земли, възмыслихся по вѣре по кристьяньской^е[1067], и по крещении Христовѣ, и по говѣйнех святых отецъ устроеных, по заповедех апостольских и устремихся умбм поитти на Русь. И внидох, и зговорих ^жо налонѣ^з[1068] корабленем, а от ^исвоеа главы^к[1069] два златых до Гурмыза града доити. Внидох же в корабль из Дабыля града до Велика дни за три мѣсяцы бесерменьскаго говѣйна²¹⁰.

л. 457 об.

Идох же в тавѣ по морю мѣсяць, а не видѣх ничего. На другий же мѣсяць увидѣх горы Ефиопскыа²¹¹, ту же людие вси воскричаша: «Олло перводигер, олло конъкар, бизим баши мудна насинь^л[1070] больмышьти», а по-рус||скыи языком молвят: «Боже осподарю^а[1071], боже, боже вышний, царю небесный, здѣ нам судил еси погибнути!»

В той же землѣ Ефиопской бых пятъ дни. Божиею благодатию зло ся не учинило. Много раздаша брынцу, да перцу, да хлѣбы ефиопом, ини судна не пограбили^б[1072].

А оттудова же идох 12 дни до Мошката. В Мошкате же шестой^в[1073] Велик день²¹² взял. И поидох до Гурмыза 9 дни, и в Гурмызе бых^г[1074] 20 дни. Из Гурмыза поидох к Лари, и в Лари бых три^д[1075] дни. Из Лари поидох к Ширязи 12 дни, а в Ширязе^е[1076] бых 7 дни. И из Ширяза поидох к Вергу²¹³ 15 дни, а в Велергу бых 10 дни. А из Вергу^ж[1077] поидох къ Езди 9 дни, а въ Езди бых 8 дни. А изъ Езди поидох к Пагани²¹⁴ и поидох Кашини, а в Кашини бых 5 дни. А ис Катина поидох к Куму²¹⁶, а ис Кума поидох в Саву²¹⁶. А из Сава^з[1078] поидох к Султанию²¹⁷, а из Султания^и[1079] поидох до Тевризя²¹⁸, поидох ^к[1080]в оръду^л[1081] Асанбѣгъ^м[1082]²¹⁹. В ордѣ^н[1083] же бых 10 дни, ано пути нѣт никуды. А на турскаго²²⁰ послал рати двора своего 40 тысяч²²¹. Ини Севасть²²² взяли, а Тохат²²³ взяли да пожгли. Амасию²²⁴ взяли и много пограбили сел, да пошли на караманского²²⁶, воюючи.

л. 458

И яз из орды пошол ко Арцыцану^о[1084]²²⁶, а из Орцыцана^п[1085] пошол есми в Трепизон²²⁷. В Трепизон же прии||дох на Покров святыя Богородица и приснодѣвы Мариа и бых же въ Трапизоне^а[1086] 5 дни. И на корабль приидох и сговорил о налонѣ – дати золотой от своеа главы до Кафы²²⁸; а золотой есми взял на харчь^б[1087], а дати в Кафѣ. А в Трапизоне ми же шубаш^в[1088]²²⁹ да паша²³⁰ много зла учиниша. Хлам мой весь к себѣ възнесли в город на гору, да обыскали все – что мѣлочь добренкая, ини выграбили все. А обыскивают грамот, что есми пришол из орды Асанбега²³¹.

Божиего милостию приидох до третьяго моря Чермнаго, а парсийскимъ языкомъ дория Стимбольскаа. Идох же по морю вѣтром 10 дни, доидох до Вонады²³², и ту нас срѣтили^г[1089] великый вѣтръ^д[1090] полунощный, възврати нас къ Трапизону^е[1091], и стояли есмя в Платанѣ²³³ 15 дний^ж[1092], вѣтру велику и злу бывшу. Ис Платаны есмя пошли на море, вѣтръ нас стрѣчает злый, не дастъ нам по морю ходити. Олло акь, олло худо перводигерь! Развие бо того иного бога не знаю^з[1093]. И море же пройдохъ сыс^и[1094] къ Баликаеѣ²³⁴, а оттудова Токорзову²³⁵, и ту стояли есмя 5 дни. Божиего милостию приидох в Кафу за 9 дни до Филипова заговѣниа^к[1095]²³⁶. Олло перводигер!

л. 458 об.

Милостию божиего преидох же три моря. Дигерь худо доно, олло перво|| дигерь дано. Аминь! Милна рахмам рагим. Олло акьбирь, акши худо, илелло акшь ходо. Иса рухоало, ааликъсолом. Олло акьберь. А илягаиля илелло^а[1096]. Олло перводигерь. Ахамду лилло, гпукур^б[1097] худо афатад. Бисмилнаги рахмам ррагим. Хуво могу лези, ля лясаильля гуя алимуль гяиби ва шагадити. Хуя рахману рагиму, хубо могу лязи. Ля иляга имину, альазизу, алчебару, альмутаканъбиру, алхалику, альбариюу^в[1098], альмумусавирю, алькафару, алькалъхару^г[1099], аньвазаху^д[1100], альрязаку, альфатагу, альалиму, алькабизу, альбасуту, альхафизу, алльрравию^е[1101], алмавизу, алмузилю, альсемилю, альбасирю, альакаму, альадюлю, алятуфу^ж[1102].

Троицкий (Ермолинский) извод

л. 369