Хожение за три моря

Город же Бедеръ стерегутъ в нощи тысяча человѣкъ кутоваловых¹⁰⁰, а ѣздятъ на конех да в доспѣсех, да у всѣх по свѣтычю. А яз жерепца своего продал в Бедери, да наложилъ есми у него^а[1143] 60 да и 8 футуновъ¹⁰⁷, а кормилъ есми его годъ. В Бедери же змии ходят по улицам, а длина ея двѣ сажени. Приидох же в Бедеръ о заговейнѣ о Филиповѣ ис Кулонгѣря и продах жеребца своего о Рожествѣ¹⁰⁸. И тут бых до Великого заговейна¹⁰⁹ в Бедери, и познася со многыми индѣяны, и сказах имъ вѣру свою, что есми не бесерменинъ, исаядениени есмь, християнинъ, а имя ми Офонасей, а бесерменьское имя хозя Исуфъ Хоросани¹¹⁰. И они же не учали ся от меня крыти ни о чемъ, ни о ѣствѣ, ни о торговле, ни о маназу, ни о иных вещех, ни жонъ своих не учали крыти.

л. 377 об.

Да о вѣрѣ же о их распытах все, и оны сказывают: вѣруем въ Адама, || а буты¹¹¹, кажуть, то есть Адамъ и род его весь^а. А вѣръ^б[1144] въ Индѣи всѣх [1145]^в80 и 4 вѣры^г[1146]¹¹², а все^д[1147] вѣруютъ в бута; а вѣра с вѣрою ни^е[1148] пиеть, ни ястъ, ни женится^ж[1149]. А иныя^з[1150] же боранину, да^и[1151] куры, да^к[1152] рыбу, да^л[1153] яйца ядять; а воловины не ядять никакаа^м[1154] вѣра^н[1155].

л. 378

В Бедери же бых 4 мѣсяца и свѣщахся съ индѣяны ноити к Первоти¹¹³, то их Ерусалимъ, а по-бесерменьскый – Мягъкат, дѣ их бутхана¹¹⁴. Там же поидох съ индѣяны да будутханы мѣсяць, и торгу у бутьханы 5 дни. А бутхана же вел ми велика есть, с пол-Твѣри камена, да рѣзаны по ней дѣяния бутовыя. Около ея всея 12 рѣзано вѣнцевъ, какъ бутъ чюдеса творил, какъ ся имъ являлъ многыми образы: первое, человѣческым образомъ являлся; другое, человѣкъ, а носъ слоновъ; третье, человѣкъ, а виденье обезьанино; в четвертые, человѣкъ, а образомъ лютаго звѣря, являлся имъ все съ хво||стом. А вырезанъ на камени, а хвостъ черезъ него сажень¹¹⁸.

К бухану же съеждается вся страна Индѣйскаа на чюдо бутово¹¹⁶. Да у бутханы бреются старыя жонкы и дѣвки, а бреютъ на собѣ всѣ волосы, и бороды и головы¹¹⁷, да пойдутъ к бутхану. Да со всякыя головы емлють по двѣ тек тени пошлини на бута, а с коней по четыре футы¹¹⁸. А съѣжщается к бухану всѣхъ людей бысть азаръ лекъ вахтъ башетъ сат азаре лекъ¹¹⁹.

л. 378 об.

В буханѣ же бут вырѣзанъ ис камени велми великъ, да хвостъ у него черезъ него, да руку правую поднялъ высоко, да простеръ, акы Устьянъ царь Царяградскы, а в лѣвой руцѣ у него копие¹²⁰. А на немъ нѣтъ ничево, а гузно у него обязано ширинкою, а виденье обезьянино. А иныя буты нагы, нѣтъ ничево, кот ачюк, а жонкы бутавы нагы вырезаны и с соромомъ, и з дѣтми. А перет бутом же стоитъ волъ велми великъ, а вырезанъ ис камени ис чернаго, а всь позолочен¹²¹. || А цѣлують его в копыто, а сыплют на пего цвѣты, и на бута^а[1156] сыплют цвѣты.

Индѣяне же не ядят никоторого мяса, ни яловичины, ни боранипы, ни курятины, ни^б[1157] рыбы ли свинины. А свиней же у них велми много. А ядят же днемъ двожды, а ночи не ядять, а вина не пиють, ни сыдны¹²². А с бесермены не пиють, ни ядять. А ѣства же их плоха. А одинъ с ъдним ни пиеть, ни ястъ, ни съ женою. А ядят брынець, да кичири с маслом, да травы розныя, ядят все рукою правою, а левою не приимется ни за что, а ножа не держать, а лъжици не знаютъ. А на дорозѣ кто же собѣ варит кашу, а у всякого по горньцу. А от бесермян скрыются, чтобы не посмотрилъ ни в горнець, ни въ яству. А посмотрил бесерменинъ на ѣству, и он не ястъ. А ядять, иные покрываются платомъ¹²³, чтобы никто не вѣдѣлъ его.

л. 379

А намазъ же их на востокъ ио-руськы^в[1158], обе рукы || подымаютъ высоко, да кладутъ на тѣмя, да ложатся ницъ на земли, да все ся истягнеть по земли, то их поклоны. А ясти же садятся, ини омываютъ рукы, да и ногы, да и ротъ пополаскывають. А бутуханы же их без дверей, а ставлены на востокъ, а буты стоятъ на востокъ. А кто у нихъ умреть, и они тѣх жгут да пепел сыплютъ на воду. А у жены дитя родится, ино бабить мужъ, а имя сыну даетъ отецъ, а дочери мати. А добровтра^а[1159] у них нѣтъ, а сорома не знаютъ. Или пришел, ины ся кланяють по-чернечьскы, обе руны дотычуть до земли, а не говорить ничево.

л. 379 об.

К Первотѣ же яздять о Великомъ^б[1160] заговѣйне къ своему буту^в[1161], тотъ их Иерусалимъ, а по-бесерменьскый Мякъка, а по-рускы Ерусалимъ, а но-индѣйскый Парватъ. А съѣждаются всѣ нагы, только на гузне платъ, а жонкы всѣ нагы, толко на гузне || фота, а иныя в фотах, да на шиях жемчюгъ, много яхонтовъ, да на рукахъ обручи да перстъни златы. Олло оакъ! А внутрь к бутхану яздять на волех, да у вола рога окованы мѣдью, да на шие колоколцевъ 300, да копыта подкованы. А тѣ волы ачьче зовут.