Хожение за три моря

Индѣяне же вола зовуть отцемъ, а корову матерью. А каломъ их пекут хлѣбы и ѣству варять собѣ, а попел омъ тѣм мажуть ся по лицу, и по челу, и по всему тѣлу^а[1162] их знамя. В недѣлю же да в понедѣлникъ ядять единожды днемъ. Вы Индѣе же какъпа чекътуръ а учюзедерь: сикишь иларсень ики шитель; акечаны иля атырьсень атле жетель берь; булара досторъ; а кулъ каравашь учюзъ: чар фуна хубъ, бемъ фуна¹²⁸ хубѣсия; капкара амьчуюкъ кичи-хошь.

л. 380

От Первати же приехал есми в Бедерь за 15 дыий до бесерменьскаго || улу багря¹²⁷. А Великого дни въскресения Христова не вѣдаю, а по примѣтамъ гадаю – Великый день бываеть христьяньскы первие бесерьменьскаго багрима за 9‑ть день или за 10 дни. А со мною нѣтъ ничево, никакой книгы; а книгы есмя взяли с собою с Руси, ино коли мя пограбили, ини их взяли, и язъ позабылъ вѣры христьяньскыя всея, и праздниковъ христианьскых, ни Велика дни, ни Рожества Христова не вѣдаю, ни среды, ни пятници не знаю; а промежу есми вѣръ тангрыдань истремень, олъ сакласынъ: «Олло худо, олло акъ, олло ты, олло акъберъ, олло рагымъ, олло керимъ, олло рагымелъло, олло каримелло, танъ танъгрысень, худосеньсень. Богъ еди единъ, то царь славы, творецъ небу и земли».

л. 380 об.

А иду я на Русь¹²⁹, кетьмышьтыръ имень, уручь тутътымъ. Мѣсяцъ марта прошелъ, и азъ мѣсяць мяса есмь не ялъ, заговѣлъ^а[1163] с бесермены в недѣлю, да говѣл есми || ничево скоромнаго, никакия ястъвы бесерменьскыя, а ялъ есми все по двожды днемъ хлѣбъ да воду, вратыйял ятъмадымъ. Да молился есми богу вседержителю, кто сътворилъ небо и землю, а иного есми не призывал никоторово имени, богъ олло, богъ керимъ, богъ рагымъ, богъ худо, богъ акъберъ, бог царь славы, олло варенно, олло рагымелло, сеньсень олло ты!

л. 381

А от Гурмыза ити моремъ до Голатъ¹³⁰ 10 дни, а Калаты до Дѣгу 6 дни, а от Дѣга до Мошката, до Кучьзрята¹³¹, до Комбата 4 дни, а от Камбата до Чивеля 12 дни, а от Чивиля до Дабыля¹³²–6. Дабыль же есть пристанище в Гундустани послѣднее бесерменьству. А от Дабыля до Колекота¹³³ 25 дни, а от Селекота до Силяна¹³⁴ 15 дни, а от Силяна до Шибаита¹³⁶ мѣсяць ити, а от Сибата до Певгу¹³⁶ 20 дни, а от Певгу до Чини да до Мачина¹³⁷ мѣсяць итьти, || моремъ все то хожение. А от Чини до Кытаа итьти сухом 6 мѣсяць, а морем четыре дни ити, аросто хода чотом.

Гурмызъ же есть пристанище великое, всего свѣта люди в немъ бываютъ, и веяны товаръ в немъ есть, что на всемъ свѣте родится, то в Гурмызѣ есть все. Тамга же велика, десятое со всего есть^а[1164].

А Камблятъ же пристанище Индѣйскому морю всему, а товаръ в немъ все дѣлаютъ алачи, да пестреди, да канъдаки, да чинятъ краску ниль, да родится в немъ лекъ, да ахыкъ, да лонъ¹³⁹.

Дабыло^б[1165] же есть пристанище велми велико, и привозятъ кони изъ Мисюря, ^виз Рабаста^г[1166]¹⁴⁰, изъ Хоросани, ис Туркустани, из Негостани, да ходятъ сухомъ мѣсяцъ до Бедери да до Кельбергу.

л. 381 об.

А Келекотъ же есть пристанище Индѣйскаго моря всего. А пройти его не дай богъ пикакову кестяку: а кто его ни увидитъ, || тотъ поздорову не пройдетъ моремъ¹⁴¹. А родится в немъ перецъ, да зеньзебиль, да цвѣт, да мошкатъ, да калафуръ, да корица, да гвозникы, да пряное коренье, да адряк, да всякого коренья родится в нем много. Да все в немъ дешево. Да кулъ да каравашь письяръ хубь сия.

А Силян же есть пристанище Индѣйскаго моря немало, а в немъ баба Адамъ на горѣ на^а[1167] высоцѣ¹⁴³. Да около его родится каменье драгое, да червьци, да фатисы, да бабогури, да бинчай, да хрусталь, да сумбада¹⁴⁴. Да слоны родятся, да продаютъ в локоть, да девякуши продаютъ в вѣсъ¹⁴⁵.

л. 382

А Шабаитьское пристанище Индѣйскаго моря велми велико. А хоросанцемъ дають алафу по тенкѣ на день¹⁴⁶, и великому и малому. А кто в немъ женится хоросанець, и князь шабатьской даетъ по тысячи тенекъ на жертву, да на олафу, даѣтъ^б[1168] || на всякый мѣсяць по десяти денек. Да родится в Шаботе шелкъ, да сандал, да жемчюгъ, да все дешево.

А в Пегу же есть пристанище немало. Да все в нем дербыши живутъ индѣйскыя, да родится в немъ камение дорогое маникъ, да яхут, да кырпукъ¹⁴⁷, а продаютъ же камение дербыши.

л. 382 об.

А Чиньское же да Мачиньркое же пристанище велми велико, да дѣлають в нем чини, да продають чини в вѣсъ, а дешево. А жены же их с мужи своими спять в день, а ночи жены их ходятъ к гарипомъ, да спять с гарипы; дают имъ олафу, да приносить с собою яству сахорную да вино сахарное, да кормять, да поять гостей, чтобы ее любилъ, а любять гостей и людей бѣлых, занже их люди черны велми. А у которые жены от гостя зачнется дитя, и мужь даеть алафу; а родится бело, ино гостю пошлины 18 тенекъ, || а черно родится, ино ему нѣтъ ничево, что пил да ѣлъ, то ему халялъ.

Шаибатъ же от Бедеря 3 мѣсяци, а от Дабыля до Шаибата 2 мѣсяца моремъ итьти, Мачимъ да Чимъ от Бедеря 4 мѣсяца моремъ итьти, а там же дѣлають чими^а[1169], да все дешево. А до Силяна 2 мѣсяца моремъ итьти^б[1170].