Крест Христов

На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неисчерпаемая без дно! Вем, яко грехов ради моих, от неизреченнаго человеколюбия, кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и ни во чтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею кровию очисти моя душевныя скверны; распятием Твоим распни мя миру с соблазнами его и похотьмй; Крестом Твоим огради мя от невидимых враг, ловящих душу мою. Прободенныма ногама Твоима от всякаго пути лукаваго возбрани ногам моим; прободенныма рукама Твоима руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати кроме полезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща где главы подклонити; даждь ми Себе всеблагаго, избавляющаго душу мою от смерти; даждь мне Себе всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, Сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.

Библиография

1. «Акафистник». М., Даниловский благовестник, 2001.

2. Митрополит Антоний Сурожский. «Пути христианской жизни». Киев, Дух и литера, 2001.

3. Протоиерей Валентин Амфитеатров. «О Кресте Твоем веселящеся». М., издательство сестричества во имя свт. Игнатия Ставропольского, 2002.

4. Святитель Димитрий Ростовский. «Творения». М., издательство сестричества во имя свт. Игнатия Ставропольского, 2005.

6. Святой Ефрем Сирин. «Творения». М., Издательский отдел Московского Патриархата, 1994.

7. Святитель Илия Минятий. «Проповеди». М., Сретенский монастырь, 2000.

8. Святитель Иннокентий Херсонский. «Последние дни земной жизни Иисуса Христа». М., Лествица, 2003.

9. Святитель Иоанн Златоуст. «Творения». М., «Радонеж», 2003.

10. «Проповеди архимандрита Иоанна (Крестьянкина)». Свято-Успенский Псково-Печерский монастырь, 2001.

11. Арх. Кирилл (Павлов). «Время покаяния». Московское Подворье Свято-Троицкой Сергиевой Лавры, 2000.

12. Архиепископ Лука. «Проповеди». Симферополь, Издательство Симферопольской и Крымской Епархии, 2003.

13. Архипископ Платон (Левшин). Сайт Свято-Троицкой Сергиевой Лавры: www.stsl.ru.

14. Преподобный Симеон Новый Богослов. «Ставроанастасима». (Перевод Сергея Говоруна). С сайта www.pravoslavie.ru

15. Свт. Тихон Задонский. М., издательство сестричества во имя свт. Игнатия Ставропольского, 2003.

16. Святитель Филарет (Дроздов). Сайт Свято-Троицкой Сергиевой Лавры: www.stsl.ru.

17. «Пастырь добрый». М., «Паломник», 2004.