Литература 8 класс. Учебник-хрестоматия для школ с углубленным изучением литературы

Ей, воистинну ум мой изощренный!
В писаниих зело умудренны!
Токмо несладко, мнити ми ся, читаю,
Яко аз словес лекарства не знаю.

УЧИТЕЛ

Не вдруг все благо можещи прияти;
Будет слад ост. Извол мзду[179]

воздати.

СТАРИК

Все, еже имам[180]

, буди пред тобою,Токмо сотвори милость ты днес со мною.

УЧИТЕЛ

Отверзи уста, приими сию сладость,
Сладкоглаголив буди людем в радость.

(И мажет медом уста и лице и дает ясти.)

СТАРИК

Паче медовова усладихся сота;
Сладкая будут словеса из рота.

УЧИТЕЛ

Се сам знаеши, яко умудрися
И гортань твоя много усладися:
Паши хлеб, токмо при сей мудрости,
Не познаеши от глада трудности.
Иди ж ты с умом до твоего дому;
Како умудрися, не сказуй никому.

СТАРИК

Иду радостне, тя имам хвалити,
Аще мя люди будут мудрым чтити.

(И идет старик за завесу; а учител глаголет.)

УЧИТЕЛ

Глуп состареся. Кто его научит,
Аще и на смерт кто кнутом замучит?
Соха, борона – то то дело его.
И где ему знать силу учения моего?

(И выходит той же старики начнет шумети с учителем и подерется; выбегает цыган и прогоняет старика.)

3

Исходит старик и глаголет.

СТАРИК

Увы мне бедну! Весь изнемогаю,
Частее стеню[181]

, неже отдыхаю:Старость глубока зело ми стужает,
Недугом тяшким велми[182]озлобляет.
Ноги не крепки, не служат и руце;
В новой на всяк ден есм недугов муце.
Глава ми болит, стомах зазнобися,
Серце печално, все тело растлися:
Уши не слышат, очи видят мало;
Бодрость и действо всех удов престало;
Язык не хощет усты разверзати,
И зубы хлеба не могут сожевати.
Живы хожду труп, веема неключимы,
А от скудости зело есм мучимы:
Хлеба не имам, риза вся раздранна.
Не вем над мене в мире окаянна.
Зима лютая велми досаждает,
Мертвеца суща в дрова изгоняет;
Сещи не могу, обаче искати,
Не возмогу ли готовых собрати?

(Пойдет за завесу и абие з дровами изшед, глаголя.)

Бог ми пособил: найдох дрова сия,
От них же болит зело моя выя.
Ох! утрудихся! Не могу носити.
Лутше умрети, неже в нужде жити.
Бог ми оставил за преступления,
Не посылает мне умерщвления.
Юный мнози везде умирают,
Старика тленна жити оставляют.
Ей, смерть ест слепа, не видит, что взяти;
Мало в ней ума, не вест разеуждати;
Юным ест горка, а тех похищает;
Мне бы была сладка, но мя оставляет.
О смерте! где ты? камо заблудила?
Векую беднаго старика забыла?
Потщися ко мне, возми мя до себе:
О кол аз давно ожидаю тебе!

СМЕРТ (изыдет и глаголет)

Что, старче древни, слезно вопиеши?
Чесо мя ради до себе зовеши?
Имя ми ест Смерт. Аз мир умерщвляю,
Души от телес людских разлучаю.

СТАРИК

Честная Смерт! ничто мне с тобою;
Живи в дружестве добром ты со мною.
Иннии люди семо прихождаху,
Тии до себе тебе призываху.

СМЕРТ