Мысль, вооруженная рифмами

3. Начало виршем, мятежным вещем

Сих же разумом прочитаем

И слагателя книги сея потом уразумеваем.
Изложенна бысть сия летописная книга
О похождении чюдовскаго мниха,
Поне же бо он бысть убогий чернец
И возложил на ся царский венец,
Царство великие Росии возмутил
И диадиму царскую на плещах своих носил.
Есть бо то во очию нашею дивно,
Предложим писанием, чтоб во веки незабытно.
И наши приклады в книги сей имаем,
И того в забытии не оставляем.
Тогда бо мятежные времена были,
И славные роды отечества своего отступили.
Мы же сему бывшему делу писание предлагаем
И предидущий род воспоминанием удивляем.
По сем предние строки углядаем
И трудолюбца дела сего познаваем.
Есть же книги сей слагатай
Сын предиреченнаго князя Михаила роду
                                                             Ростовскаго сходатай,
Поне же бо он сам сие существенно видел
И иные его вещи от изящных безприкладно слышел.
Елико чего изыскал,
Толико сего и написал,
Всяк бо что разумевает
И дела толикие вещи не забывает.
Сие писание в конец преити едва возмогох
И в труде своем никоея ползы обретох.

1626

Монах Герман (?–1682)

4

Ангелскую днесь вси радость,

               человеческую сладость,
Приидите, возвеличим
               и о дни сем вси услышим.
Аллилуия, аллилуия, аллилуия.

Сей святый нареченный день,

               в он же Христос возврати плен,
Прежде лестию плененный,
               ныне же крестом спасенный.
Аллилуия, аллилуия, аллилуия.

Сына единороднаго,

               отцу сопрестолнаго
И святому духу купно,
               пребывающу несмутно.
Аллилуия, аллилуия, аллилуия.

Воскресшаго днесь от мертвых,

               не разрушшаго уз тленных,
Радуйтеся вещавшаго
               и печаль всю разрушшаго.
Аллилуия, аллилуия, аллилуия.

Тем новаго винограда,

               елика добрая чада,
Духовно возвеселимся,
               агнцем святым учредимся.
Аллилуия, аллилуия, аллилуия.

Г

оспода славяще ясно,               елико мощно и гласно,
Рай нам ныне отверзшаго,
               мертвых всех воскресившего.
Аллилуия, аллилуия, аллилуия.

А

ггелов царя поюще,               на слышание зовуще,
Еже вняти молитвы глас,
               свободити отца всех нас.
Аллилуия, аллилуия, аллилуия.

И

же в житии сем сущих,               его пастырства жаждущих,
Напасти зде избавити,
               а онде мук свободити.
Аллилуия, аллилуия, аллилуия.

П

астыря и всех пасомых               извести в место питомых,
Со святыми купно быти,
               аггелом вечно сожити.
Аллилуия, аллилуия, аллилуя.

Симеон Полоцкий (1629–1680)

5. Разнствие

Кто есть царь и кто тиран, хощеши ли знати,

     Аристотеля книги потщися читати.
Он разнствие обою сие полагает:
     царь подданым прибытков ищет и желает,
Тиран паки прижитий всяко ищет себѣ,
     о гражданстей ни мало печален потребѣ.

<1678>

6. Частость

Не сила капли камень пробивает,

     но яко часто на того падает;
Тако читаяй часто научится,
     аще и не остр умом си родится.

<1678>