О воспитании детей

Имуще от Бога чад наших, не хощем зре́ти их в гее́нне огненней пребывающих, но записанных в кнйзе животней. Сего ради, Пречистая Де́во, приклонйся ко гласу моле́ния нашего, взывающему Тебе́: Радуйся, Мати Бога и Слова; радуйся, святая святых большая. Радуйся, воспитательнице Сына Божия; радуйся, кормилице Господа сил. Радуйся, яко раждаеши Спасителя мира; радуйся, яко растйши Избавителя плене́нным. Радуйся, яко носиши Наставника заблудшим; радуйся, яко Сын Твой – Господь. Радуйся, благая воспитательнице, воспитанная во святая святых.

Кондак 4

Бурю вйдяще соблазнов многоразличных, умножившихся яко пе́сия мухи и скнйпы в пределех наших, к Тебе́, Благодатная, взываем о чадех своих, да избе́гнут сих и вопиют Богу: Аллилуйя.

Икос 4

Слышаще глас Твой, глаголющий Сыну Твоему: «Приимй всякаго молящагося Тебе́ и призывающа имя Мое́ на помощь», – простираем руце наши на молитве к Твоему милосе́рдию, да возмеши чад наших под покров Свой и исполниши проше́ния наша таковая: Радуйся, от уныния злаго чад наших избавляющая; радуйся, от безумнаго весе́лия их ограждающая. Радуйся, в несе́нии креста их укрепляющая; радуйся, в подвизех благоче́стия их утверждающая. Радуйся, под покровом Твоим милостиво их сохраняющая; радуйся, здравие душ и теле́с им подавающая. Радуйся, усе́рдная наставнице целомудрия; радуйся, милостивая взыскательнице заблудших. Радуйся, благая воспитательнице, воспитанная во святая святых.

Кондак 5

Боготе́чная Звезда утренняя, Сын Твой, Пресвятая Де́во, да возсияет светом невече́рним в сердцах чад наших, во е́же воззвати им Богу: Аллилуйя.

Икос 5

Вйдящи наше приле́жное моле́ние, не отврати лица Твоего от чад наших, аще и отвратятся Тебе, и услыши глаголы уст наших, вопиющих таковая: Радуйся, яко научаеши чад наших име́ти разум на доброе; радуйся, на пути греха их запинающая. Радуйся, право ше́ствовати их наставляющая; радуйся, от лукавства злых челове́к их ограждающая. Радуйся, в злострадании их укрепляющая; радуйся, благодарйти Бога о все́м научающая. Радуйся, благая ходатаице присно о чадех наших к Сыну Своему; радуйся, споручнице их пре́д Творцом и Богом. Радуйся, благая воспитательнице, воспитанная во святая святых.

Кондак 6

Пропове́дует ве́сь мир христианский Твое́ всегдашнее заступле́ние о молящихся Тебе́. Сйце и ныне услыши многоболе́зненное сие́ родительское моле́ние о чадех наших, во е́же звати им Богу: Аллилуйя.

Икос 6

Да возсияет луча благодати в душах чад наших, и, просвеще́ннии Тобою, узрят путь, ведущий в живот ве́чный, и после́дуют им, сохраняеми под Твоим всемогущим покровом. Сего ради услыши ны, зовущия Тй таковая: Радуйся, родителей на любовь благу к чадом своим подвизающая; радуйся, сердца чад, во е́же родителей своих чтйти, умиляющая. Радуйся, просящим подающая разум; радуйся, ве́рных озаряющая смыслы. Радуйся, все́х скорбящих радосте; радуйся, умягче́ние злых серде́ц. Радуйся, отрадо и утеше́ние; радуйся, прибавление ума. Радуйся, благая воспитательнице, воспитанная во святая святых.

Кондак 7

Хотяще чадом нашим ве́чнаго спасе́ния, со слезами предстоим пре́д честною Твое́ю иконою, Владычице, да не пре́зриши моле́ния нашего, зовущаго Сыну Твоему: Аллилуйя.

Икос 7

Новую покажи милость на чадех наших, Владычице, и неизсле́димыми судьбами Сына Твоего привлецы их под Свой благодатный покров, да усе́рдно зове́м Тй: Радуйся, воспитание чад наших, во е́же огражде́нным им быти муки вёчныя; радуйся, воспитание чад наших, во еже насле́довати им блаже́нство непрестающее. Радуйся, пробужде́ние совести чад наших на покаяние; радуйся, питающая их плодами добротолюбия. Радуйся, премилосе́рдая уте́шительнице все́х скорбящих и обремене́нных; радуйся, неусыпающая наставнице все́х заблудших и ослепле́нных. Радуйся, Судий праведнаго умоле́ние; радуйся, многих согреше́ний проще́ние. Радуйся, благая воспитательнице, воспитанная во святая святых.

Кондак 8

Странствующе в юдоли се́й многоскорбней по морю многомяте́жному страсте́й, чада наша где́ обрящут тве́рдое пристанище, аще не в Тебе́, Пречистая? Спутеше́ствуй же им и настави их на путь истинный, да зовут Богу: Аллилуйя.

Икос 8

Все́м есй Мати милующая, Пречистая Де́во, якоже Христос Спаситель рече́ Тебе́, у Креста Его предстоящей: «Се, сын Твой», – указуя на избраннаго от челове́к. Сего ради вручаем чада наша в руце Твой и во смирении зове́м Тй: Радуйся, чад наших благосе́рдая путеводйтельнице; радуйся, те́рния греховных страсте́й милосе́рдая искоренйтельнице. Радуйся, отраду в пустыни греха подающая; радуйся в минуту скорби утешающая. Радуйся, в зе́млю обетования путеводствующая; радуйся, на воде́ упокое́ния веселящая. Радуйся, соверше́нный разуме наставников и детоводйтелей; радуйся, благослове́ние домов и семе́йств благочестивых. Радуйся, благая воспитательнице, воспитанная во святая святых.

Кондак 9