Письма

Паки, когда сын к отцу своему из дальней страны возвратится, с коликою радостию отцу является, и видит лице его, и от отца сретается и приемлется! С коликою радостию и веселием благочестивая душа от мира сего, дальней страны и странствования и плачевной юдоли, возвратится к Небесному Отцу, и увидит святейшее лице Его, и поклонится Престолу славы Его, и от Него святейшими обымется объятиями! Тогда радость будет на небеси о таковой душе: возрадуются Ангели Божии и вси святии о таковой душе и воспоют благодарственную песнь: Слава в вышних Богу![302].

Паки видим зде, коль сладко и приятно человек упокоевается по трудах[303], когда забывает всю свою скорбь и болезнь, в трудах подъятую: коль сладко и мирно упокоится душа святая в вечном животе, которая зде трудилася, боролася и подвизалася в деле благочестия, умножала таланты Господа своего, работала Господу своему со страхом и ближнему своему с любовию! Тогда внидет в радость Господа своего[304]; тогда, вшедши в покой[305] оный, забудет вси свои здешний труды, беспокойствия, скорби, печали и болезни. Откуду вечный живот в Писании Святом покоем называется[306]. Зде бо, в мире сем, есть место торга, в котором таланты наши трудами умножать должны мы, а тамо место упокоения; зде путь и странствование, а тамо Отечество и дом наш.

Паки видим, что зде всяк желает и ищет во граде, добре устроенном, красном, богатом и славном жить и в доме пребывать такожде богатом и красном: в вечном животе будет град красный, пребогатый и славный, град Божий, вышний Иерусалим, егоже Художник и Содетель Бог\ Кто может сказать красоту его? Ибо око не виде, и ухо не слыша, и на сердце человеку не взыдоша, яже уготова (тамо) Бог любящим Его[307]^[308][309]. Град оный от злата чиста, подобен стеклу чисту, и основание стены града всяким драгим камением украшено… и стогны града злато чисто, яко стекло пресветло³ и прочая. Тамо дом Небесного Отца, в котором обители многи суть[310]. В оном граде, прекрасном и преславном, и тех пресладких обителях водворятся избраннии Божии, будут в жилищах покоя, и в храминах безопасных, и в покоищах премирных.

Видим паки зде, как приятно людям, любовь между собою имеющим и собравшимся воедино, обедати, вечеряти, ясти, пити и веселитися; видим сие в мире сем: тамо избраннии Божии возлягут со Авраамом, и Исааком, и Иаковом[311], и ясти и пити будут на трапезе Христовой во Царствии Его[312]. Тогда упиются от тука дому Господня, и потоком сладости Его напоятся[313], яко тамо источник живота.

Видим паки зде, яко любят люди одеваться в одежды красныя и светлыя: тамо избраннии Божии одеются в виссон чистый[314], в ризу спасения и одежду веселия [315]. Тогда преобразится тело смирения святых, яко быти сему сообразну телу славы Христовы[316]. Тогда праведницы просветятся яко солнце в Царствии Отца их[317].

Паки видим зде, что всяк желает во дворе царском жити и слыти придворным его слугою: тамо избраннии Божии и святии будут жити в дому Божии, во дворе Небесного Царя. Блажени живущии в дому Твоем (Господи), в веки веков восхвалят Тя [318].

Паки примечается зде, что всяк слышати сладкое пение хощет, и коль сладко утешается тем, сказать невозможно: тамо услышится сладкое пение Ангелов святых и избранных. Во граде оном по всем стогнам поют пресладкую песнь: Аллилуиа, яко воцарися Господь Бог Вседержитель. Радуимся и веселимся, и дадим славу Ему, яко прииде брак Агнчий и жена Его уготовила есть себе[319].

Паки видим и слышим зде, коль приятно и радостно торжествуют люди над побежденными врагами своими, от которых много напасти и бедствия претерпели: тамо будут избраннии Божии вовеки торжествовать над врагами своими, смертию и адом, пети победную песнь и в радости духа восклицати: тогда будет слово написанное: пожерта бысть смерть победою. Где ти, смерте, жало? где ти, аде, победа? Богу благодарение, давшему нам победу Господем нашим Иисус Христом[320].