Православная энциклопедия

Песнь Пресвятой Богородице

Величит душа Моя Господа, и возрадовася дух Мой о Возе Спасе Моем.

Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Яко призре на смирение рабы Своея, се бо отныне ублажат Мя вcи роди.

Припев.

Яко сотвори Мне величие Сильный, и свято имя Его, и милость Его в роды родов боящимся Его.

Припев.

Сотвори державу мышцею Своею, расточи гордыя мыслию сердца их.

Припев.

Низложи сильныя со престол, и вознесе смиренныя; алчущия исполни благ, и богатящияся отпусти тщи.

Припев.

Восприят Израиля отрока Своего, помянути милости, якоже глагола ко отцем нашим, Аврааму и семени его даже до века.

Песнь 3 Канон молебный ко пресвятой Богородице. Ирмос

Небеснаго круга Верхотворче Господи, и церкве Зиждителю, Ты мене утверди в любви Твоей, желаний краю, верных утверждение, едине Человеколюбче.

Предстательство и покров жизни моея пологаю Тя, Богородительнице Дево: Ты мя окорми ко пристанищу Твоему, благих виновна, верных утверждение, едина Всепетая.

Молю, Дево, душевное смущение и печали моея бурю разорити: Ты бо, Богоневестная, начальника тишины Христа родила еси, едина Пречистая.

Слава: Благодетеля рождши добрых виновнаго, благодеяния богатство всем источи, вся бо можеши, яко сильного в крепости Христа рождши, Богоблаженная.

И ныне: Лютым недуги и болезненными страстьми истязаему, Дево, Ты ми помози: исцелений бо неоскудное Тя знаю сокровище, Препорочная, неиждиваемое.

Спаси от бед рабы Твоя, Богородице, яко вcи no Бозе к Тебе прибегаем, яко нерушимей стене и предстателъству.

Призри благосердием, вспетая Богородице, на мое лютое телесе озлобление, и исцели души моея болезнь.

Тропарь, глас 2

Моление теплое и стена необоримая, милости источниче, мирови прибежище, прилежно вопием Ти: Богородице, Владычице, предвари, и от бед избави нас, едина вскоре предстательствующая.

Песнь 4.

Ирмос: Услышах, Господи, смотрения Твоего таинство, разумел дела Твоя и прославил Твое Божество.

Страстей моил смущение, кормчию рождшая Господа, и бурю утиши моил прегрешений, Богоневестная.

Милосердия Твоего бездну призывающу подаждъ ми, яже Благосердаго рождшая и Спаса всел поющил Тя.

Наслаждающеся, Пречистая, Твоил дарований, благодарственное воспеваем пение, ведуще Тя, Богоматерь.

Слава: Па одре болезни моея и немощи низлежащу ми, яко Боголюбива, помизи, Богородице, едина Приснодево.

И ныне: Надежду и утверждение и спасение стену недвижиму имуще Тя, Вспетая, неудобства всякаго избавляемся.

Песнь 5

Ирмос: Просвети нас повелении Твоими, Господи, и мышцею Твоею высокою Твой мир подаждъ нам, Человеколюбче.

Исполни, Чистая, веселия сердце мое, Твою нетленную дающи радость, веселия рождшая виновнаго.

Избави нас от бед, Богородице Чистая, вечное рождши избавление, мир, всяк ум преимущий.

Слава: Разреши мглу прегрешений моил, Богоневесто, просвящением Твоея светлости, свет рождшая Божественный и превечный.

И ныне: Исцели, Чистая, души моея неможение, посещения Твоего сподобльшая и здравие молитвами Твоими подаждъ ми.

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнился и живот мой аду приближимся, и молюся яко Иона: от тли, Боже, позведи мя.

Смерти и тли, яко спасл есть, Сам Ся издав смерти, тлением и смертию мое естество ято бывшее, Дево, моли Господа и Сына Твоего, врагов злодействия мя избавити.

Предстательницу Тя живота вем и хранителъницу тверду, Дево, и напастей решащу молвы, и налоги бесов отгоняющу; и молюся всегда, от тли страстей моил избавити мя.

Слава: Яко стену прибежища стяжахом, и душ всесовершенное спасение, и пространство в скорбех, Отроковице, и просвящением Твоим присно радуемся: о Владычице, и ныне нас от страстей и бед спаси.

И ныне: На одре ныне немощствуя, лежу, и несть исцеления плоти моей: но Бога и Спаса миру, и Избавителя недугов рождшая, Тебе молюся, Благой: от тли недуг возстави мя.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Стихирь, глас тот же

Не ввери мя человеческому предстателъству, Пресвятая Владычице, но приими моление раба Твоего: скорбь бо обдержит мя, терпети не могу демонскаго стреляния, покрова не имам, ниже где прибегну окаянный, всегда побеждаем, и утешения не имам, разве Тебе, Владычице мира, упование и предстательство верных, не презри моление мое, полезно сотвори.

Символ Веры

Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единородного, Иже от Отца рожденного прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес, и воплотившагося от Духа Свята и Марии Девы, и вочеловечшася. Распятого же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном споклоняема и сславима, глаголавшего пророки. Во едину Святую Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущего века. Аминь.

Тропарь

Помилуй нас, Господи, помилуй нас; всякаго бо ответа недоумевающее, сию Ти молитву яко грешни приносим; помилуй нас.

Слава: Господи, помилуй нас, на Тя бо уповахом: не прогневайся на ны зело, ниже помяни беззаконий наших; но призри и ныне яко благоутробен, и избави ны от враг наших; Ты бо еси Бог наш, и мы людие Твои, вcи дела руку Твоею, и имя Твое призываем.

И ныне: Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед, Ты бо еси спасение рода христианского.

Молитва 1

Боже вечный и Царю всякаго создания, сподобивый мя даже в час сей доспети, прости ми грехи, яже сотворих в сей день делом, словом и помышлением, и очисти, Господи, смиренную мою душу от всякия скверны плоти и духа, и даждь ми, Господи, в нощи сей сон прейти в мире, да восстав от смиренного ми ложа, благоугожду пресвятому имени Твоему, во вся дни живота моего, и поперу борющия мя враги плотския и безплотныя. И избави мя, Господи, от помышлений суетных, оскверняющих мя, и похотей лукавых. Яко Твое есть царство, и сила и слава, Отца и Сына и Сватаго Духа, ныне и присно и во веки веков, Аминь.

Молитва 2

Вседержителю, Слово Отчее, Сам совершен сый, Иисусе Христе, многого ради милосердия Твоего никогдаже отлучайся мене, раба Твоего, но всегда во мне почивай. Иисусе, добрый Пастырю Твоих овец, не предаждь мене крамоле змине, и желанию сатанину не остави мене, яко семя тли во мне есть. Ты убо, Господи Боже поклоняемый, Царю Святый, Иисусе Христе, спяща мя сохрани немерцающим светом, Духом Твоим Святым, Имяже освятил еси Твоея ученики. Даждъ, Господи, и мне, недостойному рабу Твоему, спасение твоего на ложи моем: просвети ум мой светом разума святаго Евангелия Твоего, душу любовию Креста Твоего, сердце чистою словесе Твоего, тело мое Твоею страстию безстрастною, мысль мою Твоим смирением сохрани, и воздвигни мя во время подобно на Твое славословие. Яко препрославен еси со Безначальным Твои Отцем, с Пресвятым Духом во веки. Аминь.