Преподобный Серафим Саровский: Жизнь, молитвы, святыни

Егда же призва тя Бог от земных трудов к небесному успокоению, николиже любовь твоя преста от нас, и невозможно есть исчислити чудеса твоя, умножившаяся, яко звезды небесныя: се бо по всем концем земли нашея людем Божиим являешися и даруеши им исцеления.

Темже и мы вопием ти: о претихий и кроткий угодниче Божий, дерзновенный к Нему молитвенниче, николиже призывающия тя отреваяй, вознеси о нас благомощную твою молитву ко Господу Сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу до скончания века. Аминь.

Молитва вторая

О, великий угодниче Божий, преподобне и Богоносне отче наш Серафиме!

Призри от горния славы на нас смиренных и немощных, обремененнных грехми многими, твоея помощи и утешения просящих.

Приникни к нам благосердием твоим и помози нам заповеди Господни непорочно сохраняти, веру православную крепко содержати, покаяние во гресех наших усердно Богу приносити, во благочестии христианстем благодатно преуспевати и достойны быти твоего о нас молитвеннаго к Богу предстательства.

Ей, святче Божий, услыши нас молящихся Тебе с верою и любовию и не презри нас требующих твоего заступления: ныне и в час кончины нашея помози нам и заступи нас молитвами твоими от злобных наветов диавольских, да не обладает нами тех сила, но да сподобимся помощию твоею наследовати блаженство обители райския.

На тя бо упование наше ныне возлагаем, отче благосердный: буди нам воистинну ко спасению путевождь и приведи нас к невечернему свету жизни вечныя Богоприятным предстательством твоим у престола Пресвятыя Троицы, да славим и поем со всеми святыми достопоклоняемое имя Отца и Сына и Святаго Духа во веки веков. Аминь.

Пояснительный словарь для чтения акафиста и молитв преподобному Серафиму Саровскому

А

Абие – скоро, тотчас, внезапно, сразу, вдруг, немедля; «абие же исцелев» – (кондак 5).

Аллилуиа – хвалите Бога, прославляйте Бога, хвала Богу (евр.).

Б

Бдение – бодрствование, неусыпность; «многонощнаго бдения» – (кондак 4).

Безпреткновенно – беспрепятственно; «безпреткновенно внити нам» – (молитва 1).

Серафим Саровский на пути в пустыньку