Пушкарева - «А се грехи злые, смертные…». Любовь, эротика и сексуальная этика в доиндустриальной России

Во едину же от нощий спящу цесаревичю и виде сон страшный, яко взыдоша на него четыри месяцы, из них же изросло седмь розг, на те же розги взыде лютый зверь, и пущаше на него слины. И исповеда сон мудрецем своим. Они же ему разсу-диша и сказаша сице: «Четыри месяцы — то суть четыри злодеи, а розги — то суть седмь дний веден будеши на смерть от мачехи, а слины — то суть мачеха иметь отца твоего подстрека-ти на убиение твое». Сия же рекше, поехаша.

И приехавшим же им в Рим, и срете⁸¹ его отец цесарь сына своего с великою радостию и обнем⁸², и целова его любезно. Он же поклонися отцу своему и не возможе проглаголати ни еди-наго слова и изрещи. Цесарь же о сем нача велми дивитися, что сын его с ним беседы не творит и никакова слова не глаголет, и помысли себе, егда запретиша ему мудрецы и не веляху с ним глаголати. И приим его за руку, и веде его подле себе, и начат на него смотрити прилежно, и рече ему: «О драгое мое чадо, сладколюбезный мой сыне, повеждь ми, како тя учиша мудрецы?» Он же став пред лицем отца своего, и поклонися, а слова к нему никакова ни единаго не изрече. Цесарь же о сем дивися и в великое недоумение впаде.

Слышав же сия цесарева, яко Диоклитиан с мудрецы приехал, и возрадовася велми, и нарядися во многоценныя ризы, с паньями прииде к цесарю и поклонися ему, и сяде близ его, и рече ему: «Сей ли сын твой?»

Он же рече: «Сей сын мой, токмо молчит, а не глаголет».

Цесарева же рече: «Великий цесарю, да пойму его аз единаго на беседу к себе и учиню его, что имат со мною глаголати». Цесарь же даст на ея волю. Цесарева же, взем Диоклитиана за руку, и восхоте его вести во внутреннюю камору, цесаревич же отъя от нея руку свою.

Цесарь же рече сыну своему: «Востани и поиди с нею». Диоклитиан же, востав, поклонися отцу своему и иде с нею.

Она же веде его в пресветлый чертог свой и повеле изыти от себе всем паньям, и болярыням, и девам. Они же вси вон изы-доша, цесарева же паки взем Диоклитиана за руку и посади его на постель подле себе, и положи очи свои на него, и рече ему: «О сладкий мой Диоклитиане, ты очию моею возгорение, ляги со мною и буди наслаждася моея красоты, и аз да наслаждуся твоея доброты. И не глаголи того, еже не хотети. Многажды бо хотех еще во девстве моем видети тя, и много молив отца твоего, дабы ми показал светлость лица твоего, и зело радуюся и веселюся о твоем пришествии. Но молю тя, свете милый, обве-сели мое желание». И восхоте целовати, и рече ему: «О любезный, твори что хощеши, и кого стыдишися, едина бо есть посте-ля и комора». И откры груди своя и нача казати их, глаголя: «Гляди, Диоклитиане, зри и люби белое тело мое по своей воле, аще ли сего не сотвориши, то злою смертию умреши».

Он же паки отвратися от нея и не глагола ничто же. Она же рече ему: «Мню убо нечто срама деля⁸³, не хощеши со мною гла-голати, и ты убо возми бумагу и чернило и напиши, еже хощеши». Диоклитиан же приим бумагу и чернила и написа сице: «О нарицаемая моя мати, жив Бог мой, не буди ми еже уподобится Содому и Гомору и осквернит ложе отца своего, вины убо не хощу тебе учинит, а греху сему не причащуся и не хощу навести на ся клятвы отца своего. Ни, мати моя, не буди ми того сотворит! Прочее не услышиши от мене к тому никаковаго словеси».

Она же, воззрев на него велиим гневом и яростию, и рече ему: «Скоро умреши злою смертию!» Писание же Диоклитиано-во зубами раздра и одеяние свое растерза до пояса, и лице свое до крови [раз]одра, нача вопити великим гласом: «О господия моя, помозите ми и не дайте беззаконному сыну цесареву изна-сильствовати мя!»

Услышав же цесарь великое кричание и прииде к ней. Цесаре-ва же паде на нозе его с воплем и со слезами и рече ему: «О милостивый государю, помилуй мя, се сын твой — злый диавол, лихий человек; аз убо наедине в коморе хотех его в беседу привести, дабы он что глаголал, он же безстудием наполнен, и нача мене нудити ко греховному падению, аз же много отрицахся и рекох ему: «Что хощеши творити, беззаконниче?» Он же восхоте мя осквернит насилием своим, и видиши: растерзаны ризы моя и лице мое окровавлено. Аще бы ты не вскоре пришел, то бы он надо мною скверное хотение свое учинил, и молю ти ся, пресвет-лый государю мой, учини ему за мою срамоту отмщение!»

Цесарь же, слышав таковое, на сьща своего велми разгнева-ся и яростию зелною разжжеся на него, обвесити его хотяше.

Видевше же паны и боляре его, возжалишася зело и присту-пиша к царю, глаголаша ему: «О великий государь наш, не подобает сего вскоре сотворит, еже казнит сына своего, дондеже известно увеждь о нем»⁸⁴. Цесарь же повеле в темницу заключит его.

И уведав цесарева, яко цесарь сына своего не казнил, и нача неутешно плаката.

Цесарь же рече к ней: «О любезная моя, что плачеши?»

Она же рече ему: «Понеже обещахся еси за срамоту мою сына своего казнита, а не казнил еси его, еже обещахся еси мне, но и солга, а сие збудется та, аки некоему древу со младым древцем».

И рече цесарь: «О любезная, жду от тебе сея повести, да повеждь ми явственно!» <...>