Том 11 (XVI век, сочинения Ивана Грозного и Андрея Курбского)

Во пречестную обитель пречистые Богородицы Печерскаго монастыря, господину старцу Васьяну Андрей Курпской радоватися.

Посылал есми к игумену и к вам человека своего бити челом о потребных животу, и для недостоинства моего от вас презрен бых. А вины своей явныя пред вами не вем: имал был есми деньги у вас, и яз и заплатил, а ныне не хотел же должен есми быти вашему преподобству. А коли есми шли первое в Немцы,[1088] и яз видел игумена и вас всех, монастырь оставя, внутрь града крыющихся. А егда же, Божиею помощию и заступлениемъ ангела моего, люботрудне на ерман и на грады их во ополчение господне воинствовали есмя, аки семь лет безпрестани — не вем, и не вящи ли — и ныне есте не в трепете, ни во ужасе, но в тишине и в мире глубоце, да и трудов ради наших от царя славы и различными угодьи одарены. Мы же, окаянные, аще и множайше томихомся, и во тмах смертей быхомъ от различных пращ и от огненых стреляний, и не токмо честь или имение довольно, или воздания некая получихомъ, но сопротиво: грех ради наших нам збышася, паче же мне, грешному и бедному. Каких напастей и бед, и наруганий, и гонений не претерпехъ! Многажды в бедах своих ко архииереом и ко святителем, и к вашего чина преподобным со умиленными глаголы и со слезным рыданием припадах и, валяяся пред ногами их, землю слезами омаках, — и ни малыя помощи, ни утешения бедам своим от них получих. Но, вместо заступления, некои от них потаковники и кровем нашим наострители явишася. Но и се еще мала им явишася: и еще к сему приложиша, яко и от Бога православных не устыдешася отчюждати и еретиками прозывати, и различными и ложными шептании во ухо державному клеветати.

А днесь слышах от некоего аки честнаго мниха, архииерея, умыслъ ереси Феофила Александръскаго проповедаемому, иже солгал он, манячи Евдоксее и стаинником ея,[1089] оклеветающих бес правды многострадальнаго земнаго херувима, преблаженнейшаго Златоустъца.[1090] И глаголетъ сице во человекоугодном учении своем: «Не надобе, рече, глаголати пред цари, не стыдяся, о свидениих Господних, ниже обличати о различных законопреступленныхъ делех их, неудобостерпима ярость их человеческому естеству, но и церкви смущение». И свидельства приводит, крадучи от различных священных словес и развращенно толкуя, къ своей ему погибели. Аще сице мнение его попустится, и уже Христу и воином его миродержец одолел.

Ох, горе человеком, по страсти славолюбия Священная разумевающим и толкующим! Где лики пророкъ, где собрание апостолъ? Где собори мученических борителей? Где храбрование преблаженных исповедникъ? Кое им слово дадите похвалы? Чим ся венчаша, и чим спаслися, и чим прегордых державныхъ обуздали? И чим вселенную утишили, аще не юношескии бы храброванием обличительных словес показали, належанием и понужением благовременным и безвременным? И како разумеете всю евангельскую проповедь, от нихже едино воспомяну, Спасителем реченное: «Аще хто постыдится мене и моих словесъ»,[1091] и прочая. Златоусты и о единой вдовицы не умолча,[1092] днесь же всю землю нашу погибшу уже предаде. И о сем даже и до сихъ.

Но о себе яз, бедном и окаянномъ, мало вам воспомяну. Колико трудихся, и вхождах, и исхождах пред полки господьними, и с воинством Бога живаго, и никогдаже бегуном бывах, но паче одоления пресветла Христовою благодатию и силою поставлях. И колико бед претерпевах, и нуждъ телесных, и учящения ран! Ино же, мню, яко и вы ныне весте, яже приях в варварских различных ополчениих. Но и за сия мне, бедному, воздасте, всего лишенному? И Богъ сведетель праведный и крепкий межу вами и мною. И аще ко вратом смертным приближусь, и сие писанейцо велю в руку собе вложити,[1093] идущи с ним к неумытному судье, к надежде христьянской, къ богуначальному моему Исусу, заступающаго мя и покрывающа во всехъ прелютых и нестерпимых гонении.

Недобра есть похвала в вас.[1094] Не токмо есть нас продали и отчаяли, но и милостыни есте, обычные язычником и мытарем, не сотворили. Имущи у собя что подати, а утробу свою затворили, еще же и взаем прошенно и паки возвращенно быти хотящеся.

Да послал есми к тебе второе посланейцо против вашего пятаго Еуаггелия.[1095] А аз, хваля на вашей почести, поклоняюся. Аще от преподобных и похвальных сицевая получихом, от прочих же чего чаяти?

ПЕРЕВОД

ПОСЛАНИЕ СТАРЦУ ВАССИАНУ

В пречистую обитель Пречистой Богородицы, господину старцу Вассиану Андрей Курбский, радоваться.