Том 3 (XI-XII века, священная история)

И глаголаша ему корабльници: «Въниди, рабе Божии, къ намъ, аще имаши брашьно съ собою, да поне ты спасенъ будеши». Агапий же въниде къ нимъ и видев я яко зело немощьни суть и милосьрьдовавъ о нихъ, сътвори молитву. И посадивъ я въ корабли възя укрухъ иже ему дасть Илия въ раи, и преломи и на четыри части, и хвалу въздавъ, въдасть и 12 те мужема. И еша и насытиша ся и четвьртую часть юже остави, цела бысть пакы, яко и не уломлено отъ нея ничьтоже. Видевъше же корабльници Славу Божию, възъпиша къ Агапию глаголюще: «Рабе Божии, помилуй ны, не ходи отъ насъ, да о укрусе семь плаваемъ глубины морьскыя». Агапий же рече: «Буди воля Господня». И рече корабльникомъ: «Поставите ветрила». Они же поставиша. Приде же ветръ волею Божиею и принесе я единомь часе въ градъ свои, отъ негоже плаваша укияна, не ведяще камо ити. И егда присташа у града, изидоша гражане противу имъ, въпиюще: «Изидете яко и братия наша придоша, ихъже се тртиее лето гласа не слышахомъ», и шьдъше целоваша я. Глаголаху же къ нимъ корабльници: «И еще бысте гласа нашего не слышали, аще не бы Богъ посълалъ раба своего къ намъ, егоже ради принесени быхомъ въ градъ». Гражане же прославиша Бога, и изиде жена изъ града въ сквьрьньнахъ ризахъ простовласа. Пришьдъши поклони ся предъ Агапиемь, плачющи ся и глаголющи: «Рабе Божии Агапие, помилуй мя». Агапий же глаголаше: «Чьто деши къ мъне?» Жена же въпияше предъ въсемь народъмь: «Поиди, рабе Божии, яко сынъ мои се пятыи на десяте дьнь мьрътвь лежить, Господь бо не да ми его погрети глаголя: “Пожиди 3 дьни, донъдеже придеть корабль и 12 те мужа въ немь, и калугеръ съ ними имя ему Агапии, того поимъши веди, да въскресить сына твоего”». Агапии же помяну, еже рече ему Исусъ. И въставъ иде въ следъ жены водимъ ею, и 12 корабльника, и вьси гражане. Агапии же въниде въ хлевину, идеже лежааше сынъ ея на одре, и сътворивъ молитву, и възя укрухъ, иже ему дасть Илия, и положи на лици его. И седе отрочищи на одре. И имъ и за руку въдасть матери. Мати же его прослави Бога, и вьси гражане глаголаху къ Агапию: «Рабе Божии, не ходи отъ насъ, и яко мы обычаи имамъ, да иже умреть, погребаемъ. А ты имаши обычаи, да иже умьреть, пакы оживиши и́». И не дадяху ему изити изъ града. И корабльници не рачаху остати его, глаголюще: «Идемъ и мы съ тобою, любо по суху, любо по воде, яможе хощеши ити». Пребы же ту семь дьнии. Въ едину же нощь приде ангелъ Господень къ нему и изведе и изъ града и рече ему: «Иди подълъгъ моря, и донъдеже обрящеши место уготованое тебе, идеже бо седъ, напишеши, яже ти съказа Господь видения и яже походи места Господня». И то рекъ ангелъ Господень, отиде отъ него. Агапий же иде подълъгъ моря многы дьни и обрете стены высокы, и виде двьрьця въ стенахъ. И вълезе въ ня по степеньмъ. И виде хлевину устроену и одръ въ неи, и постеля на одре. И вълезъ въ хлевину сътвори молитву и седъ написа чьтение се. И егда съконьча, волею Божиею привьрьженъ бысть ветръмь къ нему корабль. И излезъ Агапий въдасть корабльникомъ чьтение се глаголя: «Несъше въдадите патриарху в Иерусалиме, да е въдасть въ вься церкви, да е чьтуть». Блаженыи же Агапий пребысть въ хлевиници тои 40 летъ и съконча животъ свои о укрусе иже ему дасть Илия. И предасть духъ свои славя пресвятую Троицю, Отця и Сына и Святаго Духа ныня и присно и въ векы векомъ. Аминь.

ПЕРЕВОД

СКАЗАНИЕ ОТЦА НАШЕГО АГАПИЯ, ДЛЯ ЧЕГО ОСТАВЛЯЮТ СВОИ СЕМЬИ, И ДОМА, И ЖЕН, И ДЕТЕЙ, И, ВЗЯВ КРЕСТ, СЛЕДУЮТ ЗА ГОСПОДОМ, КАК ВЕЛИТ ЕВАНГЕЛИЕ

Господи, благослови, Отче!

Отец наш Агапий с детства начал бояться Бога и хранить его заповеди. Прожил он дома шестнадцать лет, и ушел в монастырь, и провел там еще шестнадцать лет, ежедневно и еженощно молясь Господу и говоря: «Господи, скажи мне, для чего оставляют дома и семьи свои и следуют за Тобою?» И так он молился. Была услышана Богом его молитва в девятом часу утра. Сказал ему голос: «Агапий, раб мой, молитва твоя, дошед ко мне, принята, и вот увожу тебя из монастыря, и веду тебя по путям моим. Когда выйдешь из монастыря, увидишь орла, и куда он поведет тебя, следуй за ним».

Агапий же сказал: «Да будет имя Господа благословенно отныне и вовеки». И, поднявшись, вышел из церкви. Он собрал всех монахов и сказал им: «Братья, кого вы хотите, чтобы я поставил игуменом вместо себя?» Братья ответили: «А куда сам ты собираешься от нас?» Агапий сказал им: «Господь Бог уводит меня от вас, и я иду по пути Господнему. А вы кого хотите, чтобы я поставил старшим над вами?» Монахи же ответили: «Кого тебе угодно, того и поставь игуменом». Агапий назначил им игуменом самого старого монаха и, устроив так и поцеловав их, ушел из монастыря, сказав: «Мир вам, и Господь с вами». И когда он пошел по дороге, увидел, что орел слетает к нему с небес, и Агапий преисполнился Святым Духом. Орел же, слетев к нему, полетел перед ним, указывая путь. Агапий точно следовал по пути за ним. И орел привел его к морскому заливу, а сам улетел от него.