Том 9 (Конец XIV - первая половина XVI века, подъем общественного значения литературы)

О славнейший во градех — великий Пскове! Почто бо сетуеши, почто бо плачеши? И отвеща град Псков: «Како ми не сетовати, како ми не плакати! Прилетел на мене многокрильный орел, исполнь крыле нохтей, и взя от мене кедра древа ливанова.[364] Попустившу Богу за грехи наша, и землю нашу пусту сотвориша, и град нашь разорися, и люди наши плениша, и торжища наша раскопаша, а иные торжища калом коневым заметаша, а отца и братию нашу розведоша; где не бывали отцы наши и деды, ни прадед наших, тамо отцы и братию нашу, и други наша сведоша, а матери и сестры наша в поругание даша».[365]

А иные во граде мнози постригахуся в черньцы, а жены у черницы, и в монастыри поидоша, не хотяще в полон поити от своего града во иные грады.

Ныне же се, братие, ведуще, убоимся прещениа сего страшнаго, припадем к Господу своему, исповедающеся грехов своих, да не внидем в большей гнев Господень, не наведем на ся казни горши первой. А еще ждеть нашего покаяниа и обращениа,[366] а мы не покаяхомся, но на большой грех превратихомся, на злыя и лихия поклепы и у вечьи кричание, а не ведуще глава, что языкъ глаголеть, не умеющу своего дому строити, а градом наряжати.

И по сем князь велкий нача давати деревни бояром сведеных псковичь, и посади наместники на Пскове: Григорья Федоровича да Ивана Ондреевича Челяднина, и дьяком Мисюра Мунохина, и другим дьяком ямским Ондрея Волосатого,[367] и 12 городничих, и старостъ московскихъ 12, и пскович 12, и деревни им даша; а велел им в суду седети с намесники и сь их тиуны,[368] правды стеречи. И у намесников, и у их тиунов, и у дьяков великого князя правда их, крестное целование, взлетело на небо, и кривда начаша в них ходити; и быша немилостивы до пскович, а псковичи, бедныя, не ведаша правды московския. И даша князь великий свою грамоту жаловальную псковичам, и посла князь великий своих намесников по пригородом, и велел имъ пригорожан приводити к целованию. И начаша пригородцкие намесники пригорожаны торговати.

И посла князь великий к Москвы Петра Яковлевича Захарьина Москве всей здоровати, что князь великий Псков взял. И прислаша во Псков с Москвы добрых людей, гостей, тамгу уставливати ново, занеже во Пскове тамга не бывала; и прислаша с Москвы пищальников[369] казенных и воротников; и даша место, где торгъ ставити новой, вонъ стены, противу Лужьских ворот, за рвом, на Юшкове огороде Носохина, да на Григорьеве посадникове садники Кротова.[370] Да и церковь постави князь великий святую Оксенью, которой день Псков взял, на Пустой улицы вь Ермолкине садники Хлебникове; а потому та улица Пустая слыла, что меж огородов, а дворов на ней не было. И жил князь великий 4 недели во Пскове, а поехал на другой недели поста в понедельникъ изо Пскова; и другой колокол с собою взяша; а оставил здесь детей боярскихъ 1000, а пищальников новгородскихъ 500.

И начаша намесники над псковичами силу велику чинити, а приставы их начаша от поруки имати по 10 рублев, и по 7 рублев, и по 5 рублев. А псковитин хто молвит великого князя грамотою, а написано, что имъ от поруки имати, и они того убили, а говорили: «То де тобе, смердъ, великого князя грамота». И тые намесники, их тиуны и люди пиша изо псковичь крови много; а кои иноземцы жили во Пскове, и те разыдошася во своя земля, ано не мочно во Пскове жити, только одны псковичи осташа: ано земля не раступитца, а уверхъ не взлететь.

ПЕРЕВОД

Взятие Пскова. В год 7018 (1510), месяца октября в 26 день, на память святого Дмитрия, великий князь Василий Иванович со своим братом, удельным князем Андреем, и со своими боярами приехал в свою вотчину, в Великий Новгород.

Псковичи услыхали, что государь великий князь Василий Иванович в Великом Новгороде, и послали послов своих в Великий Новгород: посадника Юрия Елисеевича, посадника Михаила Помазова и бояр от каждого из концов. И поднесли псковичи великому князю Василию Ивановичу в дар полтораста рублей новгородских, и просили о милости и заступничестве за свою вотчину, мужей-псковичей, добровольных людей: «Обижены мы твоим наместником, а нашим князем Иваном Михайловичем Репней и его наместниками в псковских пригородах и их людьми».

А великий князь отвечал нашим посадникам: «Я вас, свою вотчину, буду жаловать и оборонять, как отец наш и деды наши, великие князья. А что до наместника моего, а вашего князя Ивана Михайловича Репни, то как только поступят на него многие жалобы, я его призову к ответу перед вами». С тем и отпустил посадников наших и бояр.

И посадники наши сказали на вече псковичам, что князь великий, как подобает, дар их принял, а тайных мыслей никто не знает, что князь великий задумал против своей вотчины и мужей-псковичей и града Пскова.