Вирши

Рцы, Щасте, кому служеш? Кто ест сей? — Алексей.
Чыя кров? — Сын Михайлов. Государев? — Царев.
Кто саном? — Царь роксаном. Коли дуж? — Храбрый муж!
Буди царь на премнога крепок лета, света.
Что в нем благозрыши? — Една лепоты, доброты.
Кия? — Всякия! Дажд едину — милостыню.
Кую любов имеет ко Богу? — Премногу.
Ближних любих ли своих, инака? — Ей, всяко.
Что му боляре? — рцы ми — ответом? — Советом.
Како на враги твоих победы? — Без беды.
Ест ли победным отец милосерд? — Он усерд.
Вем, на крве хощет в бране, но веры без меры.
Земль му пространства також не треба, но неба.
Тем молим: буди помощ ему Бога многа!
Царствуй же здраво, царю, всем концем под солнцем,
И милостив всегда на твоя люди буди.
Подажд на державныя си грады отрады,
Да тако славен будеш повсюду отсюду.
Кому свет ест царица Мария? — Россиам.
О царевиче, повежд ми, исполнь надеждми,
Что с ним будет? — Страх людем. Известно? — Нелестно.
Сут ли царевны светила чловеком? — Всим веком;
Тем да всегда сияют во вси концы света,
Единодушно поем многа оным лета.

ПРИВЕТСТВО НОВОРОЖДЕННОЙ ЦАРЕВНЕ МАРИИ [136]

1

Новая радость ныне ся являет,
Яко светила ново нам сияет.

2

Свет ест Мария новорожденна,
Тобою, светом, царю наш, спложенна.

3

Тем же мы молим творца всегда света,
Да дажд сияти ей во многа лета.

4

Лучы едины слонце в себе мает,
От наша слонца новая блистает.

5

Орел звыкл орла подобно родити,
Тем слонце имать, слонца изводити.
Чтож есть Мария новорожденна
Слонцем ест, ибо от слонца спложенна.

6

Едино слонце миром обладает,
Новому новый мир Бог дати мает.
Восток и сивер царству ти годует.
Прочая садам твоим Бог готует.

7

Седм ест планитов во небесном царстве,
Седм ест от тебе в русском государстве.

8

Первый планита царица Мария,
Шесть ти изчадий — планиты иныя[137].

9

Всякий планита ест на своем небе,
Для планит твоих дал Бог царства тебе.

10

Свети ж нам, слонце, з планиты твоими,
Возвесели нас лучами своими.

11

Впред дажд ти Господь таковы родити
Полом и щастем, какож еси и ты.

12

А мы Мариям рождшей и рожденной...
Многая лета поем в стране земней.

ДИАЛОГ КРАТКИЙ О ГОСУДАРЕ ЦАРЕВИЧЕ И ВЕЛИКОМ КНЯЗЕ АЛЕКСИЕ АЛЕКСЕЕВИЧЕ [138]