Войны Московской Руси с Великим княжеством Литовским и Речью Посполитой в XIV-XVII вв

«Лета божого нароженя 1595, месяца ноябра 30 дня в понеделок за ты-день пред святым Николою, Севериян Наливайко; при нем было Козаков 2000… мъсто славное Могилев, мъсто побожное, домы, крамы, острог выжгли, домов всех яко 500, а крамов з великими скарбами 400. Мещан, бояр, людей учтивых так мужей, яко и жон, детей малых побили, порубали, попоганили, скарбов теж незличоных побрали с крамов и з домов.

Тут же войско литовское Радивила Троцкого, гетмана литовского, до Могилева у погоню за козаками притегнули, люду рыцерского конного, збройного, татар 4000, литвы 14 000. Над тым людом был гетманом на имя Миколай Буйвид. В той час Наливайко лежал у Могилеве две недели.

Услышал о том Наливайко, иж гетман з великим людом и з делами до Могилева тягнет, тогды Наливайко з Могилевского замку на гору Илинскую, где тепер церков святаго Георгия стоит, бо на тот час не было, выехал. А так войско литовское наполи Буйницком, именю велможного его милости князя Богдана Соломерецкого, старосты кричевского и олучицкго, на войско Наливайково вдарили и кругом оступили. Там же зранку аж до вечера, яко бы вже к вечерни звонити час, межи собою битву мели, яко ж литва з войском великим натискали на войско Наливайкино. Пред се один другому войску мало шкоды учинили, бо великую армату, так дал и гаковниц, пулгаков велми при собе множство мел, также люд свой отаборив конми, возами, людом, шол моцно. Яко ж з дела (пушки) с табору Наливайкины козаки пана зацного пана Григория Анюховского забили; первей коня под ним застрелили, а потом, выпадши с табору, козаки его самого разсекали. Тепер желитва от Козаков отступивши, до Могилева на болший луп поехали, а козаки на всю ноч ехали до Быхова аж на Низ. Литва за козаками гналася аж до Рогачева, да ничого згола не вчинили козаком; а литва и татары рушилисядо Менска, до Новагорода и до Вилни, набравшися тутешнего краю лупу.

А иж козаки Наливайкиного войска почали творити шкоду великую замком и паном украйного замку. Того ж року 1595, з войском литовским погонявши в селе Лубни, на речце Суде, Козаков побили. Первей Савулу стили, Панчоху чвертовали, а Наливайка Северина, поймавши по семой суботе, до кроля послапи, там же его, замуровавши, держали аж до осени святаго Покрова; там же его чвертовано».

* * *

В начале XVII века гетман запорожских казаков Петр Конашевич-Сагайдачный вел двойственную политику по отношению к Польскому королевству. С одной стороны, он пытался увеличить за счет запорожцев число реестровых казаков, расширить привилегии казацких старшин. Он уверял польское правительство, что если оно станет опираться на казачью верхушку и прекратит гонения на православную церковь, то казаки удержат всю Украину в повиновении Короне.