История татар. Том IV. Татарские государства XV-XVIII вв.

А даю те же вашои милости знати отцу своему великому королю, кдым приехал на царство Казимирское[1065], а тогды мя вси мурзы и вланы и вся рада тое земли козанскои мене, сына вашей милости, согбе вдячне[1066] государем приняли; еся те же сын вашои милости зо всими князьми мурзы и вланы земли Козанскои в одно слово змовившися[1067] и того есмь царя, которого московский был прислал на царство Козанское, згубили[1068]. Послов есми московских казал поимати и до казни посажати, а инших велел есми потратить[1069]. И землю есми его взял. Которую землю его взял у свою моць, и дань ми теперь с тое земли идет, которая земля есть Накратская[1070], с тое земли предком нашим царем козанским дань хаживала. Ино, кды Казань была зашла за московского, московский тую землю к собе привлащил[1071] и дань, которая хаживала предком нашим, на себе брал. Ино и теперь до нас присылали старший тое земли Но-кратскои, хотячи в доле стародавного обычая мне служити и дань давати тую, которую давали предком нашим царем козанским. А так я, сын вашей милости, в долгу приречья слова своего хочу полнять: приятелю вашей милости приятелем быти, а неприятелю вашей милости неприязнья хочу саблею // [л. 2] своею доводит.

А штом я[1072] посылал до вашои милости первеи сего гонца своего на имя Гамзу, о здоровьи вашей милости отца своего навежаючи[1073], и о том те же вашои милости отцу своему поведаючи, што же отсель есми на том царстве мрем на Казани посылалом до земли неприятеля вашей милости московского воевати сорок тисяч людей, а над тыми людьми старшим был Козучак улан. И оный Кузучак улан был за Окою рекою со всими тыми людьми и выжог место и замок на имя Борсуму[1074]. И шкоды не вымовне великий починили[1075] в земли неприятеля вашей милости и пришли вси в целости со всим пожитком зася назад. Ина потом я, сын вашей милоста, хотячи лепшую[1076] и поволнеишую послугу вашей милости отцу своему вчинити[1077], посла-лом в землю неприятеля вашей милости московского воевати Ямурч аталыка[1078] и далом ему в моць семьдесят тисяч людей. И он те же, втягнувши[1079] в земли неприятельскую с тыми людьми всими, воевал и пустошил и был зо всими с тыми людьми оли же[1080] за Кирмянчиком под Боркаучом[1081], выпустошивши[1082] и выпаливши землю неприятельскую, зася в целости пришли до нас государя своего. Ина потом, по их приходу, посылалом слуг своих десять тисяч людей в землю неприятельскую. И оный слуги наши, вшедши в землю неприятельскую, воевали и пустошили и сожгли место на имя Балаханю[1083] и зася до нас в целости пришли со всим своим пожиточным. И те же ваша милость отец мои рачил вырозумети с того писанья листу моего, который до вашои милости писал через служебника моего Гамзу.

И прислали ваша милость отец мои до мене, сына своего, слугу своего толмача[1084] татарского Афендея з листы своими, а быху я был приятелю вашей милости приятелем, а неприятеля вашей милости московского быху землю пустошил. Кды же оной посланец вашей милости Афендеи толмач пришол з листы вашей милости, а те же вырозумел з листов вашей милости отца моего. Послалом в землю неприятеля вашей милости московского воевати десять тисяч людей. И оны люди наши, вшедши // [л. 3] в землю неприятельскую, землю его пустошили и воевали и замок касымовского царевича сожгли на имя Намрлын[1085] и зася в целости до нас пришли. Я, сын вашей милости, будучи хотячи лепшую послугу вашей милости отцу своему вчинити, и послалом в землю неприятеля вашей милости Ахмагма улана з сорокма ти-сячьми людей. И он вшол в землю московского и воевал и пустошил и зася в целости до мене пришол.

А на потом я, сын вашои милости, хотячи мети лепшую а вернейшую послугу вашей милости вчинити, хотячи еще землю неприятельскую пустошити, и потягнулом[1086] сам своею головою со всим своим войском в землю неприятельскую и взялом з собою весь полок того посланца вашей милости толмача Афендея, абы он тую послугу нашу видел и перед вашои милостью отцем моим поведал. И утягнувши[1087] в землю неприятельскую с тыми своими людьми со всими, и землю есми его пустошил и брал и замок есми его спалил на имя Бором[1088]. И тое войско нашо, которое ходило у загон, дошло оли же под Володимер и выпустошивши землю неприятельскую. И оная десять тисяч людей были аж под Кострамою и, пустошивши землю его, зася пришли в целости до нас.

И который князи мурзы и вланы козанские есть под моею моцью, тыи вси видячи по мне же: я, сын вашои милости, естем добрым приятелем вашей милости. И они ту же мне государю своему присягу на том вчинили, иже мают приятелю вашей милости быти приятельми, а неприятелю неприятельми. А который есми послуги вашои милости чинили в земли неприятеля вашей милости московского, ваша милость рачьте пытати у толмача своего Афендея, тот тое послуги нашои сведом.